Jy sal gevra word om ’n foonnommer in te voer om jou kanaal te verifieer. Ons sal ’n verifikasiekode per teksboodskap of stemoproep na daardie foonnommer stuur.
Sodra jy jou rekening geverifieer het, kan jy die volgende doen:
- Video’s oplaai wat langer as 15 minute is
- Gepasmaakte miniprente byvoeg
- Regstreeks stroom
- Appelleer teen Content ID-eise.
Jy sal dalk ook gevra word om jou rekening te verifieer wanneer jy aansluit. Let wel: Nie alle diensverskaffers steun teksboodskappe en/of stemoproepe van Google nie.
Hoekom vra YouTube my foonnommer?
Ons neem strooipos en misbruik ernstig op. Die gebruik van foonnommers om identiteit te verifieer, is een manier om ons gemeenskap te beskerm en misbruik te bestry.
Ons gebruik die foonnommer om vir jou ’n verifikasiekode te stuur. Ons maak ook seker dat die foonnommer aan nie meer as 2 kanale per jaar gekoppel is nie.
Ek het nie die verifikasiekode ontvang nie
Jy behoort die kode onmiddellik te kry. As jy dit nie gekry het nie, kan jy ’n nuwe kode versoek. As jy nie ’n kode ontvang nie, ervaar jy dalk een van hierdie algemene probleme:
- Sommige diensverskaffers steun nie teksboodskappe en/of stemoproepe van Google nie: Die meeste selfoondiensverskaffers steun teksboodskappe van Google. Jy kan die teksboodskap- of stemoproepopsie probeer, of ’n foonnommer van ’n ander diensverskaffer gebruik. As jy nie ’n nuwe kode ontvang nie, is dit moontlik dat jou diensverskaffer nie Google-teksboodskappe of stemoproepe steun nie.
- Daar is te veel rekeninge met dieselfde foonnommer: Jy sal ’n ander nommer moet gebruik as jy die volgende foutboodskap kry: “Hierdie foonnommer het reeds die maksimum aantal rekeninge geskep”. Om te help om misbruik te voorkom, kan ’n foonnommer slegs met 2 kanale per jaar geassosieer word.
- Teksboodskaplewering kan vertraag wees: Vertragings kan gebeur in digbevolkte gebiede of as jou diensverskaffer se infrastruktuur nie goed onderhou word nie. Probeer die stemoproepopsie as jy langer as ’n paar minute gewag het en steeds nie ons teksboodskap ontvang het nie.