तपाईं आफ्ना दर्शकहरूमाझ पुग्न र जागरुकता बढाउनका लागि भिडियो विज्ञापन देखाइरहनुभएको छ भने तपाईं अन्तर्क्रियात्मक सुविधाहरू प्रयोग गरेर दर्शकहरूको अन्तर्क्रिया बढाउन सक्नुहुन्छ।
तपाईंले अन्तर्क्रियात्मक एलिमेन्टहरू समावेश गर्नुभयो भने दर्शकहरूले तपाईंको भिडियो विज्ञापन हेर्ने र ती विज्ञापनको आनन्द लिने मात्र नभएर तपाईंको ब्रान्डसँग अझ गहन रूपमा अन्तर्क्रिया गर्ने अवसर प्राप्त गर्छन्। तपाईंले आफ्ना भिडियो विज्ञापनमा अन्तर्क्रियात्मक सुविधाहरू समावेश गर्नुभयो भने तपाईं विज्ञापनसम्बन्धी विशेष लक्ष्यहरू (जस्तै, तपाईंको ब्रान्डका बारेमा जागरुकता बढाउने, तपाईंको वेबसाइट हेर्ने दर्शकहरूको सङ्ख्या बढाउने वा दर्शकहरूलाई उत्पादन खरिद गर्न प्रोत्साहित गर्ने) हासिल गर्ने गरी विज्ञापनहरू देखाउन सक्नुहुन्छ।
प्रयोग गर्न मिल्ने अन्तर्क्रियात्मक सुविधाहरू
Google Ads प्रयोग गरेर
- स्वतः बनाइने इन्ड स्क्रिन: आफ्नो भिडियो विज्ञापनको अन्त्यमा दर्शकहरूलाई एप इन्स्टल गर्ने जस्ता कार्य गर्न प्रोत्साहित गर्ने खालका स्वतः बनाइने स्क्रिन देखाउनुहोस्।
- कल-टु-एक्सन बटन: कल-टु-एक्सन बटन समावेश गरेर दर्शकलाई तपाईंको वेबसाइटमा जान प्रोत्साहित गर्नुहोस्।
- एसेटहरू: आफ्नो व्यवसायका बारेमा थप जानकारी प्रदान गर्नुहोस् (जस्तै, तपाईंको वेबसाइटको विशेष भागमा लिंकहरू हाल्नुहोस् वा मान्छेहरूले उनीहरूको सम्पर्क जानकारी हाल्न सकून् भन्नाका लागि लिड फाराम हाल्नुहोस्)।
- Merchant Center बाट प्राप्त उत्पादनको फिड: उत्पादनको अन्तर्क्रियात्मक फिड (Merchant Center मार्फत बनाइएको) का सहायताले आफ्नो भिडियो विज्ञापनलाई भर्चुअल स्टोरफ्रन्टमा रूपान्तरण गर्नुहोस्।
- सम्बन्धित भिडियोहरू: YouTube मा भिडियो विज्ञापन प्ले भइरहेका बेला उक्त विज्ञापनसँग सम्बन्धित भिडियोहरूको सूची देखाउनुहोस्।
YouTube Studio प्रयोग गरेर
- इन्ड स्क्रिन: दर्शकहरूलाई तपाईंको ब्रान्डसँग अझ बढी अन्तर्क्रिया गर्न प्रोत्साहित गर्ने प्रयोजनका लागि YouTube भिडियोमा इन्ड स्क्रिनहरू बनाउनुहोस्।
यी अन्तर्क्रियात्मक सुविधाहरूका बारेमा थप जान्न तलको खण्ड एक्स्पान्ड गर्नुहोस्।
कल-टु-एक्सन बटन
दर्शकहरू मोबाइल र डेस्कटपबाट कल-टु-एक्सन बटन चयन गरी ब्राउजरमार्फत कुनै वेबसाइटमा जान सक्छन्।
दर्शकहरू टिभीमा चल्ने एपमार्फत YouTube मा साइन इन अवस्थामा भएका बेला कल-टु-एक्सन बटन चयन गरी उनीहरूको मोबाइल डिभाइसमा लिंक पठाउन र मोबाइल डिभाइसमा भएको ब्राउजरबाट तपाईंको वेबसाइट एक्सेस गर्न सक्छन्। "ब्रान्डप्रतिको जागरुकता र पहुँच" र उत्पादन तथा ब्रान्डप्रतिको विचार" लक्ष्यहरू प्रयोग गर्ने भिडियो क्याम्पेनका हकमा मात्र टिभीमा कल-टु-एक्सन बटन प्रयोग गर्न मिल्छ।
इन्ड स्क्रिनहरू
स्वतः बनाइने इन्ड स्क्रिनहरू
YouTube इन्ड स्क्रिनहरू
तपाईं आफ्नो Google खातामार्फत YouTube Studio प्रयोग गरी YouTube मा आफ्ना भिडियोका अन्त्यमा हाल्नका लागि कस्टम इन्ड स्क्रिनहरू बनाउन सक्नुहुन्छ। तपाईंको भिडियो २५ सेकेन्डभन्दा लामो छ भने मात्र तपाईंको भिडियोमा इन्ड स्क्रिन हाल्न मिल्छ। तपाईं ती इन्ड स्क्रिन प्रयोग गरी दर्शकहरूको सङ्ख्या बढाउन र निम्न कार्य गर्न सक्नुहुन्छ:
- दर्शकहरूलाई YouTube मा भएका अन्य भिडियो, प्लेलिस्ट वा च्यानलमा लैजान
- आफ्नो च्यानल सब्स्क्राइब गर्न प्रोत्साहित गर्न
- आफ्नो वेबसाइट, व्यापारिक सामान र क्राउडफन्डिङ क्याम्पेनहरूको प्रवर्धन गर्न
YouTube भिडियोमा इन्ड स्क्रिन हाल्ने तरिकाका बारेमा थप जान्नुहोस्
एसेटहरू
- साइटलिंक एसेटहरू: साइटलिंक एसेटले मान्छेहरूलाई तपाईंको साइटको खास पेज (जस्तै, कुनै विशेष उत्पादन वा स्टोर खुला रहने समयसम्बन्धी जानकारी दिने पेज) मा लैजान्छन्। तपाईंका लिंकमा क्लिक गर्ने व्यक्तिलाई सीधै ती व्यक्तिले जान्न चाहेको कुरा वा खरिद गर्न चाहेको उत्पादनको पेजमा लगिने छ।
- लिड फाराम एसेटहरू: तपाईं लिड फाराम एसेटका सहायताले मान्छेहरूलाई सीधै तपाईंको विज्ञापनमा जानकारी (जस्तै, इमेल ठेगाना वा फोन नम्बर) पेस गर्ने सुविधा प्रदान गरेर सम्भावित ग्राहकहरूको सङ्ख्या बढाउन सक्नुहुन्छ।
- लोकेसन एसेटहरू र अफिलिएट लोकेसन एसेटहरू: लोकेसन एसेटहरूले तपाईंका विज्ञापनमा तपाईंको ठेगाना, तपाईंको लोकेसनको नक्सा वा तपाईंको व्यवसाय भएको ठाउँको दूरी समावेश गरेर मान्छेहरूलाई तपाईंको व्यवसायका लोकेसनहरू पत्ता लगाउन मद्दत गर्न सक्छन्। तपाईं रिटेल चेन वा अटो डिलरमार्फत आफ्ना उत्पादनहरू बिक्री गर्नुहुन्छ भने तपाईं अफिलिएट लोकेसन एसेटहरू पनि सेटअप गर्न सक्नुहुन्छ। तपाईं यी एसेटका सहायताले मान्छेहरूलाई यी लोकेसनमा तपाईंका उत्पादनहरू भेट्टाउन मद्दत गर्न सक्नुहुन्छ।
उत्पादनका फिडहरू
सम्बन्धित भिडियोहरू
भिडियो एक्सन क्याम्पेनमा अन्तरक्रियात्मक सुविधाहरू प्रयोग गर्नुहोस्
तपाईं भिडियो एक्सन क्याम्पेनका सहायताले एउटै स्वचालित क्याम्पेनबाट YouTube र YouTube बाहिरका थप ठाउँहरूमा अझ धेरै कन्भर्जन प्राप्त गर्न सक्नुहुन्छ। यो तरिका सरल र सस्तो छ। भिडियो एक्सन क्याम्पेनमा कल-टु-एक्सन बटन, साइटलिंक एसेट, लिड फाराम एसेट र उत्पादनका फिडहरू प्रयोग गर्न मिल्छ। तपाईं आफ्नो क्याम्पेनमा यी अन्तर्क्रियात्मक एलिमेन्टहरू प्रयोग गरेर मान्छेहरूलाई आफ्नो उत्पादन वा सेवाका बारेमा थप जान्न, उनीहरूको सम्पर्क जानकारी सेयर गर्न र तपाईंको व्यवसायका लागि महत्त्वपूर्ण हुने अन्य कारबाहीहरू गर्न प्रोत्साहित गर्न सक्नुहुन्छ। भिडियो एक्सन क्याम्पेनका बारेमा थप जान्नुहोस्