ເມື່ອແຮັກເກີເຂົ້າຄວບຄຸມຊ່ອງຂອງທ່ານແລ້ວ, ແຮັກເກີຈະດຳເນີນການປ່ຽນແປງຫຼາຍຢ່າງກັບຊ່ອງຂອງທ່ານ ແລະ ບັນຊີ Google ທີ່ກ່ຽວຂ້ອງ.
ເຖິງແມ່ນວ່າລຸ່ມນີ້ຈະເປັນການປ່ຽນແປງທີ່ແຮັກເກີດຳເນີນການເລື້ອຍທີ່ສຸດຫຼັງຈາກເຂົ້າຄວບຄຸມຊ່ອງ YouTube, ທ່ານຍັງຕ້ອງກວດສອບຊ່ອງ ແລະ ບັນຊີຂອງທ່ານຢ່າງລະອຽດນຳ. ໂດຍການກວດສອບນີ້ຈະຊ່ວຍທ່ານລະບຸການປ່ຽນແປງໃດກໍຕາມທີ່ບໍ່ໄດ້ຮັບອະນຸຍາດເພີ່ມເຕີມໄດ້.
ກ່ອນທີ່ຈະດຳເນີນການປ່ຽນແປງໃດກໍຕາມໃນຊ່ອງຂອງທ່ານ, ທຳອິດທ່ານຈະຕ້ອງ ກູ້ຄືນຊ່ອງຂອງທ່ານ. ຫຼັງຈາກທີ່ທ່ານກູ້ຄືນຊ່ອງຂອງທ່ານແລ້ວ, ທ່ານສາມາດປະຕິບັດຕາມຂັ້ນຕອນລຸ່ມນີ້ເພື່ອກູ້ຄືນຊ່ອງໃຫ້ກັບຄືນເປັນຮູບແບບເກົ່າກ່ອນທີ່ຈະຖືກບຸກຮຸກໄດ້.
ລຶບຜູ້ໃຊ້ໃດກໍຕາມທີ່ບໍ່ຮູ້ຈັກອອກຈາກຊ່ອງ ຫຼື ບັນຊີຂອງທ່ານ
ບາງເທື່ອແຮັກເກີຈະເພີ່ມຜູ້ໃຊ້ທີ່ບໍ່ຮູ້ຈັກໃສ່ໃນຊ່ອງ ຫຼື ບັນຊີຂອງທ່ານ. ທ່ານຈຶ່ງຄວນໃຫ້ສິດເຂົ້າເຖິງສະເພາະກັບຄົນທີ່ທ່ານເຊື່ອຖືເທົ່ານັ້ນ.
ຫາກທ່ານກຳລັງໃຊ້ສິດການອະນຸຍາດຊ່ອງ, ໃຫ້ລຶບສິດເຂົ້າເຖິງຂອງຜູ້ໃຊ້ທີ່ບໍ່ຮູ້ຈັກອອກຈາກຊ່ອງຂອງທ່ານ.
- ເຂົ້າສູ່ລະບົບ YouTube Studio.
- ຢູ່ເບື້ອງຊ້າຍ, ໃຫ້ຄລິກ ການຕັ້ງຄ່າ.
- ຄລິກ ສິດການອະນຸຍາດ.
- ເຂົ້າໄປຊື່ຂອງບຸກຄົນທີ່ທ່ານຕ້ອງການລຶບອອກ ແລ້ວຄລິກລູກສອນລົງ
.
- ຄລິກ ລຶບສິດເຂົ້າເຖິງອອກ.
ຫາກທ່ານກຳລັງໃຊ້ບັນຊີແບຣນ, ໃຫ້ລຶບສິດເຂົ້າເຖິງຂອງຜູ້ໃຊ້ທີ່ບໍ່ຮູ້ຈັກອອກຈາກບັນຊີຂອງທ່ານ.
- ໄປຫາພາກສ່ວນ ບັນຊີແບຣນ ຂອງບັນຊີ Google ຂອງທ່ານ.
- ພາຍໃຕ້ "ບັນຊີແບຣນຂອງທ່ານ," ໃຫ້ເລືອກບັນຊີທີ່ທ່ານຕ້ອງການຈັດການ.
- ເລືອກ ຈັດການການອະນຸຍາດ. ທ່ານຈະເຫັນລາຍຊື່ຄົນທີ່ສາມາດຈັດການບັນຊີໄດ້.
- ຈາກບ່ອນນີ້ທ່ານຈະສາມາດລຶບບຸກຄົນອອກໄດ້ ໂດຍປະຕິບັດດັ່ງນີ້:
- ຖັດຈາກຊື່ຂອງບຸກຄົນດັ່ງກ່າວ, ໃຫ້ເລືອກ ລຶບອອກ
. ຢືນຢັນການເລືອກຂອງທ່ານ ຫາກລະບົບຂໍ.
- ຖັດຈາກຊື່ຂອງບຸກຄົນດັ່ງກ່າວ, ໃຫ້ເລືອກ ລຶບອອກ
- ຄລິກ ແລ້ວໆ.
ກູ້ຄືນຂໍ້ມູນພື້ນຖານ ແລະ ການສ້າງແບຣນຂອງຊ່ອງຂອງທ່ານ
ແຮັກເກີອາດພະຍາຍາມປອມເປັນທ່ານດ້ວຍການປ່ຽນແປງຂໍ້ມູນລະບຸຕົວຕົນຂອງຊ່ອງຂອງທ່ານ. ເຊິ່ງອາດຮວມທັງການແກ້ໄຂສິ່ງຕໍ່ໄປນີ້:
- ຊື່ຊ່ອງຂອງທ່ານ
- ຮູບໂປຣໄຟລ໌ຂອງທ່ານ
- ແບນເນີທີ່ຢູ່ເທິງສຸດຂອງໜ້າຂອງທ່ານ
ຫາກມີການປ່ຽນແປງອົງປະກອບໃດກໍຕາມເຫຼົ່ານີ້, ທ່ານຕ້ອງກູ້ຄືນຄ່າອົງປະກອບເຫຼົ່ານັ້ນເປັນຮູບແບບເກົ່າຢ່າງວ່ອງໄວເພື່ອບໍ່ໃຫ້ຊ່ອງຂອງທ່ານຖືກລະງັບຢ່າງຖາວອນເນື່ອງຈາກ ການລະເມີດເຄື່ອງໝາຍການຄ້າ.
ອັບເດດຊື່ຊ່ອງ
- ເຂົ້າສູ່ລະບົບ YouTube Studio.
- ຈາກເມນູຊ້າຍ, ໃຫ້ເລືອກ ການປັບແຕ່ງ
ຂໍ້ມູນພື້ນຖານ.
- ລະບຸຊື່ຊ່ອງໃໝ່ຂອງທ່ານ.
- ຄລິກ ເຜີຍແຜ່.
- ພາຍໃຕ້ຂໍ້ມູນພື້ນຖານ, ໃຫ້ລຶບພາສາທັງໝົດພາຍໃຕ້ “ການແປຊື່ ແລະ ຄຳອະທິບາຍຂອງຊ່ອງ” ແລ້ວຄລິກ ເຜີຍແຜ່.
ອັບເດດຊື່ຜູ້ໃຊ້ຊ່ອງ
- ເຂົ້າສູ່ລະບົບ YouTube Studio.
- ຈາກເມນູຊ້າຍ, ໃຫ້ເລືອກ ການປັບແຕ່ງ
ຂໍ້ມູນພື້ນຖານ.
- ພາຍໃຕ້ ຊື່ຜູ້ໃຊ້, ທ່ານສາມາດເບິ່ງ ຫຼື ປ່ຽນຊື່ຜູ້ໃຊ້ຂອງທ່ານໄດ້.
- ຫາກທ່ານປ່ຽນຊື່ຜູ້ໃຊ້ຂອງທ່ານ, ໃຫ້ຄລິກ ເຜີຍແຜ່ ເພື່ອຢືນຢັນ.
ອັບເດດຮູບໂປຣໄຟລ໌ຊ່ອງ
- ເຂົ້າສູ່ລະບົບ YouTube Studio.
- ຈາກເມນູຊ້າຍ, ໃຫ້ເລືອກ ການກຳນົດເອງ
ການສ້າງແບຣນ.
- ຄລິກ ປ່ຽນ ແລ້ວເລືອກຮູບປະກອບ ຫຼື ຮູບຈາກຄອມພິວເຕີຂອງທ່ານ. ປ່ຽນສີພຣີເຊັດ ແລະ ຕັດຮູບປະກອບ ຫຼື ຂະໜາດຮູບທີ່ອັບໂຫຼດຂອງທ່ານ, ຈາກນັ້ນຄລິກ ສຳເລັດ.
- ຄລິກ ເຜີຍແຜ່. ການອັບເດດຮູບໂປຣໄຟລ໌ຂອງທ່ານໃນທົ່ວ YouTube ອາດໃຊ້ເວລາສອງສາມນາທີ.
ອັບເດດແບນເນີຊ່ອງ
- ເຂົ້າສູ່ລະບົບ YouTube Studio.
- ຈາກເມນູຊ້າຍ, ໃຫ້ເລືອກ ການກຳນົດເອງ
ການສ້າງແບຣນ.
- ຄລິກ ປ່ຽນ ແລະ ເລືອກຮູບ. ເພື່ອເຮັດການປ່ຽນແປງ, ໃຫ້ເລືອກຕົວຢ່າງ ແລະ ປ່ຽນການຕັດ, ແລ້ວຄລິກ ສຳເລັດ.
- ຄລິກ ເຜີຍແຜ່.
ສຶກສາເພີ່ມເຕີມກ່ຽວກັບການຈັດການ ຂໍ້ມູນພື້ນຖານ ຂອງຊ່ອງ YouTube ຂອງທ່ານ ແລະ ການສ້າງແບຣນຂອງຊ່ອງ.
ລຶບວິດີໂອທີ່ແຮັກເກີອັບໂຫຼດໂດຍບໍ່ມີການລະເມີດ
ຫາກວິດີໂອທີ່ແຮັກເກີອັບໂຫຼດບໍ່ມີການປະທ້ວງ ຫຼື ການອ້າງສິດ, ໃຫ້ລຶບວິດີໂອດັ່ງກ່າວອອກ ໂດຍປະຕິບັດດັ່ງນີ້:
- ເຂົ້າສູ່ລະບົບ YouTube Studio.
- ຈາກເມນູຊ້າຍ, ໃຫ້ເລືອກ ເນື້ອຫາ.
- ຊີ້ເມົ້າໃສ່ວິດີໂອທີ່ທ່ານຕ້ອງການລຶບ ແລ້ວເລືອກ ເພີ່ມເຕີມ
ລຶບຖາວອນ
.
- ເລືອກກ່ອງເພື່ອຢືນຢັນວ່າລະບົບຈະລຶບວິດີໂອຂອງທ່ານອອກຢ່າງຖາວອນ.
- ເລືອກ ລຶບຖາວອນ.
ເມື່ອທ່ານເລືອກລຶບວິດີໂອອອກຈາກຊ່ອງ YouTube ຂອງທ່ານ, ພວກເຮົາຈະເລີ່ມ ຂະບວນການລຶບອອກ ໃນທັນທີ. ຈະບໍ່ມີຜູ້ໃດສາມາດຊອກຫາວິດີໂອດັ່ງກ່າວໃນ YouTube ໄດ້ອີກ.
ສຶກສາເພີ່ມເຕີມກ່ຽວກັບພື້ນຖານການປະທ້ວງຂໍ້ແນະນຳຊຸມຊົນຢູ່ YouTube.
ອັບເດດການຕັ້ງຄ່າຄວາມເປັນສ່ວນຕົວຂອງວິດີໂອ
ແຮັກເກີອາດປ່ຽນການຕັ້ງຄ່າຄວາມເປັນສ່ວນຕົວຂອງທ່ານເພື່ອເຊື່ອງວິດີໂອທີ່ມີຢູ່ຂອງທ່ານ. ເພື່ອປ່ຽນການຕັ້ງຄ່າຄວາມເປັນສ່ວນຕົວຂອງທ່ານ, ໃຫ້ປະຕິບັດດັ່ງນີ້:
- ເຂົ້າສູ່ລະບົບ YouTube Studio.
- ຈາກເມນູຊ້າຍ, ໃຫ້ເລືອກ ເນື້ອຫາ.
- ຊີ້ໄປຫາວິດີໂອທີ່ທ່ານຕ້ອງການອັບເດດ. ເພື່ອເບິ່ງການອັບໂຫຼດແບບສົດຂອງທ່ານ, ໃຫ້ເລືອກແຖບ ສົດ.
- ຄລິກລູກສອນລົງພາຍໃຕ້ "ລະດັບການເບິ່ງເຫັນ" ແລ້ວເລືອກ ສາທາລະນະ, ສ່ວນຕົວ ຫຼື ບໍ່ໄດ້ຈັດເຂົ້າໃນລາຍການ.
- ຄລິກ ບັນທຶກ.
ຮັບຄວາມຊ່ວຍເຫຼືອເພີ່ມເຕີມຈາກ YouTube
ຫາກຊ່ອງຂອງທ່ານມີສິດ (ຕົວຢ່າງ: ຫາກທ່ານຢູ່ໃນໂຄງການຮຸ້ນສ່ວນ YouTube), ເມື່ອທ່ານກູ້ຄືນບັນຊີ Google ຂອງທ່ານແລ້ວ, ທ່ານສາມາດ ຕິດຕໍ່ກັບທີມງານຊ່ວຍເຫຼືອຜູ້ສ້າງ YouTube ເພື່ອຂໍຄວາມຊ່ວຍເຫຼືອໄດ້.
ຫາກທ່ານບໍ່ມີສິດຕິດຕໍ່ທີມງານຊ່ວຍເຫຼືອຜູ້ສ້າງ, ທ່ານສາມາດ ຂໍຄວາມຊ່ວຍເຫຼືອຈາກ @TeamYouTube ຢູ່ Twitter ໄດ້.