Авторлық құқықты бұзған контентті жою туралы сұрау (бейнені жою туралы сұрау деп те аталады) – авторлық құқықтың бұзылуына байланысты YouTube-тен контентті жою туралы заңды сұрау.
Процесс қалай жүреді?
Авторлық құқық иесі өзінің авторлық құқығы қорғалған контентінің YouTube-те рұқсатсыз жарияланғанын анықтаса, авторлық құқықты бұзған контентті жою туралы сұрау жібере алады.
Жою туралы сұрау жіберілгеннен кейінгі процесс
Жою туралы сұрау жіберілгеннен кейін, YouTube оны тексеріп, қолданыстағы авторлық құқыққа қатысты заң талап ететін ақпарат бар екеніне және ешқандай теріс пайдалану белгілерінің жоқтығына көз жеткізеді. Жою туралы сұрау тексеруден өтсе, YouTube қолданыстағы авторлық құқық заңына сәйкес құқық бұзған контентті жояды.
Егер жою туралы сұрауда қажетті ақпарат болмаса немесе қосымша мәліметтер қажет болса, YouTube қосымша ақпарат алу үшін мәлімдеушіге (жою туралы сұрауды жіберген адамға) хабарласады. Мәлімдеушіден келесі нәрселер сұралуы мүмкін:
- авторлық құқықпен қорғалған жұмыстың нақтырақ атауын беру;
- авторлық құқық иесінің атынан әрекет етуге рұқсаты барының (қолданылса) дәлелдемесін жіберу;
- әділ пайдалану немесе адал пайдалану сияқты авторлық құқықтың ерекше жағдайлары қарастырылғанын растау.
Қажетті ақпаратты алғанша, контент YouTube-тен жойылмауы мүмкін.
Контент жойылғаннан кейінгі процесс
Жою туралы сұрау өңделген жағдайда, контент YouTube-тен жойылады және жүктеп салушының арнасына авторлық құқықтың бұзылғаны туралы ескерту беріледі. Жүктеп салушы 3 жолмен авторлық құқықтың бұзылғаны туралы ескертуді жаба алады.
Сұрақ-жауап
Авторлық құқықты бұзған контентті жою туралы сұраулар автоматты жүйелер мен тексерушілер көмегімен тексеріледі.
Автоматтандырылған жүйелеріміз авторлық құқықты бұзған контентті жою туралы сұрауларды өңдеу үшін машиналық оқыту әдісін пайдаланады. Жүйелер тексерушілер қабылдаған алдыңғы шешімдердің деректері бойынша үздіксіз оқытылады және сұрауда заңды түрде талап етілетін элементтердің барына және теріс пайдалану белгілерінің жоқтығына сенімділік жоғары болған кезде ғана, жою туралы сұрауларды өңдейді. Сұрауларды теріс мақсатта пайдалану – авторлық құқық иелігі туралы жалған мәлімдеме жасау арқылы YouTube-тен біреудің контентін қасақана және теріс пиғылмен жоюға әрекеттену.
Автоматтандырылған жүйелеріміз жою туралы сұраудың жарамды (заң бойынша талап етілетін барлық элементке ие және теріс пайдалану әрекеті емес) екеніне сенімді болмаса, сұрауды арнайы дайындықтан өткен тексеруші мамандар тексереді. Сұрауды растау үшін оларға қосымша ақпарат қажет болса, тексеруші мәлімдеушіге электрондық хат жіберіп, қосымша ақпарат сұрайды. Мәлімдеушіден келесі нәрселер сұралуы мүмкін:
- авторлық құқықпен қорғалған жұмыстың нақтырақ атауын беру;
- авторлық құқық иесінің атынан әрекет етуге рұқсаты барының дәлелдемесін жіберу;
- әділ пайдалану немесе адал пайдалану сияқты авторлық құқықтың ерекше жағдайлары қарастырылғанын растау.
Егер мәлімдеуші электрондық хатқа жауап бермесе немесе қажетті ақпаратты бермесе, қарастырылып жатқан контент YouTube-тен жойылмайды.
Автоматтандырылған жүйелер жоғары дәлдік деңгейін сақтай отырып, біз алатын жою туралы сұраулардың жоғары көлеміне жылдамырақ және тиімдірек жауап беру үшін пайдаланылады.
Мысалы, 2022 жылы YouTube 16 миллионнан астам бейнеге авторлық құқықты бұзған контентті жою туралы сұрау алды. Мұндай жоғары көлемге қарамастан, жарамды болуы ықтимал жою туралы сұрауды өңдеу үшін автоматтандырылған жүйелерді пайдалану дәлдікті жоғалтпай жылдамырақ жауап беруге мүмкіндік береді. Шындығында, тексеруші мамандардың өңдеуі нәтижесінде жойылған бейнелерге қарағанда, автоматтандырылған жүйелер өңдеуінің нәтижесінде жойылған бейнелерге аппеляция сиректеу жіберіледі.
YouTube жүйелерінің контентті қалай тексеретіні туралы толық ақпарат алыңыз.
Бейненің URL мекенжайын алу жолы:
- Қарастырылып отырған бейнені YouTube-тен тауып алыңыз.
- Жоғарыдағы мекенжай жолағында бейненің URL мекенжайы (мысалы, www.youtube.com/watch?v=xxxxxxxxxxx) болады.
Авторлық құқықты бұзған контентті жою туралы сұрау жіберу үшін мына қадамдарды орындаңыз.
Қолданыстағы авторлық құқық заңына сәйкес біз авторлық құқықтың бұзылуы туралы әрбір мәлімдеме үшін авторлық құқықты бұзған контентті жою туралы сұрау жіберуді талап етеміз.
Тағы бір жою туралы сұрауды жіберудің ең оңай жолы – YouTube жүйесіне кіріп, веб-үлгіні толтыру.
Авторлық құқық мәселелерін жиі қарастыратын авторлық құқық иелеріне қосымша авторлық құқықты басқару құралдарын ұсынамыз.YouTube бейнеңіздің рұқсатыңызсыз басқа платформада пайдаланылғанын анықтасаңыз, бейнені жоюды сұрау үшін сол платформаның тиісті процестерін орындауыңыз керек. YouTube сіздің атыңыздан жою туралы сұрау жібере алмайды.
Авторларға бейнелерді жүктеп салуға рұқсат беретін көптеген сайт Digital Millennium Copyright Act (DMCA) Safe Harbor бағдарламасына сүйенеді. Авторлық құқық иесінен авторлық құқықты бұзған контентті жою туралы толық және жарамды сұрау алған жағдайда, олар контентті жоюы тиіс. Кейбір ерекше жағдайлар бар, бірақ жұмысыңыздың көшірмесі әділ пайдалану немесе адал пайдалану сияқты авторлық құқықтың ерекше жағдайына сәйкес келмейтініне сенімді болсаңыз, оны жоюды сұрай аласыз.
Авторлық құқықты бұзған контентті жою туралы сұрауға не қосу керектігін білу үшін DMCA-дің жою туралы сұрау талаптарын қарап шығыңыз.
DMCA-ге сүйенетін сайттарда АҚШ Авторлық құқық кеңсесінде және олардың веб-сайтында тізімделген тиісті DMCA агентінің байланыс ақпараты болуы керек. Осындай сайттардың бірінен бейнеңіздің рұқсатсыз пайдаланылғанын анықтасаңыз, авторлық құқықты бұзған контентті жою туралы сұрауыңызды төмендегі сәйкес электрондық пошта мекенжайына жіберуіңізге болады. Егер сіз іздеген сайт төмендегі тізімде болмаса, АҚШ Авторлық құқық кеңсесінің DMCA агентінің дерекқорын тексеріңіз.
Dailymotion: notifications@dailymotion.com
Instagram: ip@instagram.com
Facebook: ip@fb.com
TikTok: copyright@tiktok.com
Twitter: copyright@twitter.com
Vimeo: dmca@vimeo.com