საავტორო უფლებების დარღვევის გამო ვიდეოს წაშლის მოთხოვნა („ვიდეოს წაშლის შეტყობინება“) ან უბრალოდ „ვიდეოს წაშლა“ წარმოადგენს იურიდიულ მოთხოვნას YouTube-იდან ვიდეოს ამოშლის შესახებ, საავტორო უფლებების სავარაუდო დარღვევის გამო.
პროცესის მიმდინარეობის პრინციპი
თუ საავტორო უფლებების მფლობელი აღმოაჩენს საკუთარი საავტორო უფლებებით დაცულ, უნებართვოდ გამოყენებულ კონტენტს YouTube-ზე, მას შეუძლია საავტორო უფლებების დარღვევის გამო ვიდეოს წაშლის მოთხოვნის წარდგენა.
ამოშლის მოთხოვნის წარდგენის შემდეგ
ამოშლის მოთხოვნის წარდგენის შემდეგ YouTube განიხილავს მას, რათა დარწმუნდეს, რომ დართულია ყველა მოთხოვნილი ინფორმაცია საავტორო უფლებების მოქმედი კანონმდებლობის შესაბამისად და არ შეიცავს რაიმე დარღვევას. ამოშლის მოთხოვნის განხილვის წარმატებით დასრულების შემდეგ YouTube ამოშლის წესების დამრღვევ კონტენტს საავტორო უფლებების მოქმედი კანონმდებლობის შესაბამისად.
თუ ამოშლის მოთხოვნაში გამორჩენილია ინფორმაცია ან მეტი დეტალის მითითებაა საჭირო, YouTube დაუკავშირდება მოსარჩელეს (ამოშლის მოთხოვნის წარმდგენ პირს) ინფორმაციის მიღების მიზნით. მაგალითად, მოსარჩელეს შეიძლება მოსთხოვონ:
- საავტორო უფლებებით დაცული ნამუშევრის უფრო კონკრეტული სათაური
- თუ შესაძლებელია, საავტორო უფლებების მფლობელის სახელით მოქმედების ნებართვის დამადასტურებელი დოკუმენტი
- საავტორო უფლებების გამონაკლისის მოქმედების დადასტურება (მაგალითად, სამართლიანი გამოყენება ან სამართლიანი ქმედება).
მოთხოვნილი ინფორმაციის მიღებამდე საეჭვო კონტენტი შეიძლება დარჩეს YouTube-ზე.
კონტენტის ამოშლის შემთხვევაში
ამოშლის მოთხოვნის დამუშავების შემთხვევაში კონტენტი ამოიშლება YouTube-იდან და ამტვირთავის არხზე ამოქმედდება საავტორო უფლებების დარღვევასთან დაკავშირებული გაფრთხილება. ამტვირთავს ექნება 3 ვარიანტი საავტორო უფლებების დარღვევასთან დაკავშირებული გაფრთხილების გადასაჭრელად.
ხშირად დასმული კითხვები (FAQ)
საავტორო უფლებების დარღვევის გამო ვიდეოს წაშლის მოთხოვნები განიხილება ავტომატიზებული სისტემებისა და მიმომხილველი ადამიანების კომბინაციით.
ჩვენი ავტომატიზებული სისტემები იყენებს მანქანურ სწავლებას, რათა დაამუშაოს საავტორო უფლებების დარღვევის გამო ვიდეოს წაშლის მოთხოვნები. სისტემები მუდმივად იხვეწება მიმომხილველი ადამიანების მიერ მიღებული წარსული გადაწყვეტილებების საფუძველზე; აღნიშნული სისტემები დაამუშავებს ამოშლის მოთხოვნებს მხოლოდ მაშინ, როდესაც მოთხოვნა, მაღალი სარწმუნოობით, შეიცავს ყველა მოთხოვნილ სამართლებრივ ელემენტს და არ არის არაგონივრული. არაგონივრულია მოთხოვნა, როცა ვინმე განზრახ ან მავნებლურად ცდილობს კონტენტის YouTube-იდან ამოშლას საავტორო უფლებების ყალბი მტკიცებით.
როცა ჩვენი ავტომატიზებული სისტემები დარწმუნებული არ არის ამოშლის მოთხოვნის მართებულობაში (შეიცავს ყველა მოთხოვნილ ელემენტს და არ არის არაგონივრული), მას დახელოვნებულო მიმომხილველი ადამიანები განიხილავენ. თუ ადამიან მიმომხილველებს მოთხოვნის დასამტკიცებლად დამატებითი ინფორმაცია დასჭირდებათ, ისინი ელფოსტით დაუკავშირდებიან მოსარჩელეს აღნიშნულის თაობაზე. მაგალითად, მოსარჩელეს შეიძლება მოსთხოვონ:
- საავტორო უფლებებით დაცული მისი ნამუშევრის უფრო კონკრეტული სათაური
- საავტორო უფლებების მფლობელის სახელით მოქმედების დამადასტურებელი დოკუმენტი
- საავტორო უფლებების გამონაკლისის მოქმედების დადასტურება (მაგალითად, სამართლიანი გამოყენება ან სამართლიანი ქმედება)
თუ მოსარჩელე არ უპასუხებს ელფოსტას ან არ მოგვაწვდის მოთხოვნილ ინფორმაციას, გასაჩივრებული კონტენტი შენარჩუნდება YouTube-ზე.
ავტომატიზებული სისტემები გამოიყენება უფრო სწრაფი და ეფექტური რეაგირებისთვის, განსაკუთრებით, დიდი მოცულობის ამოშლის მოთხოვნების დამუშავებისას, რათა შევინარჩუნოთ სიზუსტის მაღალი ხარისხი.
მაგალითად, 2022 წელს YouTube-მა მიიღო საავტორო უფლებების დარღვევის გამო ვიდეოს წაშლის 16 მილიონზე მეტი მოთხოვნა. მიუხედავად დიდი მოცულობისა, ამოშლის მოთხოვნების დამუშავების ავტომატიზებული სისტემების გამოყენებით, ჩვენ, დიდი ალბათობით, დროულად დავამუშავებთ ყველა მათგანს სიზუსტის ხარისხის შენარჩუნებით. რეალურად, ადამიანი მიმომხილველების მიერ დამუშავებულ მოთხოვნებთან შედარებით, ავტომატიზებული სისტემების მიერ დამუშავებული ამოშლის მოთხოვნები ნაკლებად გრძელდება აპელაციით.
შეიტყვეთ მეტი, თუ როგორ განიხილავს YouTube-ის სისტემები კონტენტს.
აი, როგორ უნდა მიიღოთ ვიდეოს URL:
- იპოვეთ განსახილველი ვიდეო YouTube-ზე.
- მისამართთა ზოლში, ზემოთ, ნაჩვენები იქნება URL, მაგალითად, ასეთი: www.youtube.com/watch?v=xxxxxxxxxxx
საავტორო უფლებებით დაცული ვიდეოს ამოშლის მოთხოვნის გასაგზავნად მიჰყევით ამ ნაბიჯებს.
საავტორო უფლებების მოქმედი კანონმდებლობის მიხედვით, საავტორო უფლებების დარღვევის გამო ვიდეოს წაშლის მოთხოვნა უნდა გაიგზავნოს საავტორო უფლების სავარაუდო დარღვევისთვის ცალკე.
ამოშლი ახალი მოთხოვნის გაგზავნის უმარტივესი გზაა თქვენს YouTube ანგარიშში შესვლა და ჩვენი ვებფორმის გამოყენება.
გაითვალისწინეთ, რომ დამატებით ვთავაზობთ საავტორო უფლებების მართვის ხელსაწყოს საავტორო უფლებების იმ მფლობელებს, რომლებსაც ხშირად უწევთ საავტორო უფლებების მართვა.თუ თქვენს YouTube ვიდეოს სხვა პლატფორმაზე იპოვით, რომელიც თქვენი ნებართვის გარეშე განთავსდა, უნდა მიჰყევით აღნიშნული პლატფორმის მიერ ვიდეოს ამოშლის დადგენილ პროცედურას. YouTube ვერ მოითხოვს თქვენი ვიდეოს ამოშლას.
საიტების უმეტესობა, რომლებიც შემქმნელებს ვიდეოების ატვირთვის საშუალებას აძლევს, ეფუძნება Digital Millennium Copyright Act-ის (DMCA) Safe Harbor-ს. მათ უნდა ამოშალონ კონტენტი, როცა საავტორო უფლებების დარღვევის გამო ვიდეოს წაშლის სრულყოფილ და კანონიერ მოთხოვნას მიიღებენ. არსებობს გარკვეული გამონაკლისები, მაგრამ, თუ დარწმუნებული ხართ, რომ აღნიშნული გამონაკლისები (სამართლიანი გამოყენება ან სამართლიანი ქმედება) თქვენზე არ ვრცელდება, შეგიძლიათ, მოითხოვოთ მისი ამოშლა.
გაეცანით DMCA-ს ამოშლის მოთხოვნის კრიტერიუმებს, რათა გაეცნოთ, რა უნდა დაურთოთ საავტორო უფლებების დარღვევის გამო ვიდეოს წაშლის თქვენს მოთხოვნა.
საიტებს, რომლებიც ექვემდებარება DMCA-ს, მითითებული უნდა ჰქონდეს DMCA-ს პასუხისმგებელი აგენტის საკონტაქტო ინფორმაცია აშშ-ის საავტორო უფლებების ოფისთან და ვებსაიტთან ერთად. თუ ჩამოთვლილთაგან რომელიმე ვებსაიტზე ნახავთ თქვენი ნებართვის გარეშე განთავსებულ თქვენს ვიდეოს, საავტორო უფლებების დარღვევის გამო ვიდეოს წაშლის მოთხოვნა გაგზავნეთ შესაბამის მისამართზე. თუ ვებსაიტი ჩამონათვალში არ არის, შეამოწმეთ ის აშშ-ის საავტორო უფლებების ოფისის ვებსაიტზეც, DMCA-ს აგენტების მონაცემთა ბაზაში.
Dailymotion: notifications@dailymotion.com
Instagram: ip@instagram.com
Facebook: ip@fb.com
TikTok: copyright@tiktok.com
Twitter: copyright@twitter.com
Vimeo: dmca@vimeo.com