Ang request sa pag-aalis dahil sa copyright, na tinatawag ding "abiso sa pagtanggal" o "pagtanggal" lang, ay isang legal na request para maalis ang content sa YouTube dahil sa sinasabing paglabag sa copyright.
Paano gumagana ang proseso
Kung makikita ng isang may-ari ng copyright na nasa YouTube ang kanyang content na protektado ng copyright nang walang pahintulot niya, puwede siyang magsumite ng request sa pag-aalis dahil sa copyright.
Pagkatapos maisumite ang isang request sa pag-aalis
Pagkatapos maisumite ang isang request sa pag-aalis, susuriin ito ng YouTube para tiyakin na mayroon ito ng impormasyong nire-require ng naaangkop na batas sa copyright at hindi ito nagpapakita ng mga senyales ng pang-aabuso. Kung makakapasa sa pagsusuri ang request sa pag-aalis, aalisin ng YouTube ang sinasabing lumalabag na content para sumunod sa naaangkop na batas sa copyright.
Kung may kulang na impormasyon ang request sa pag-aalis o kung kailangan ng higit pang detalye, makikipag-ugnayan ang YouTube sa naghahabol (ang taong nagsumite ng request sa pag-aalis) para sa higit pang impormasyon. Halimbawa, posibleng hilingin sa mga naghahabol na:
- Magbigay ng mas partikular na pamagat ng naka-copyright na gawa
- Magsumite ng patunay ng awtorisasyong kumilos sa ngalan ng may-ari ng copyright, kung naaangkop
- Kumpirmahin kung naisaalang-alang ang mga pagbubukod sa copyright, gaya ng patas na paggamit o patas na transaksyon.
Hangga't hindi namin natatanggap ang nire-require na impormasyon, posibleng manatili sa YouTube ang pinag-uusapang content.
Kung inalis ang content
Kung naproseso ang request sa pag-aalis, aalisin ang content sa YouTube at maglalapat ng paglabag sa copyright sa channel ng uploader. May 3 opsyon ang uploader para lutasin ang isang paglabag sa copyright.
Mga madalas itanong (Mga FAQ)
Sinusuri ang mga request sa pag-aalis dahil sa copyright gamit ang kumbinasyon ng mga naka-automate na system at taong tagasuri.
Gumagamit ang aming mga naka-automate na system ng machine learning para magproseso ng mga request sa pag-aalis dahil sa copyright. Tuloy-tuloy na sinasanay ang mga system sa data na mula sa mga dating desisyong ginawa ng mga taong tagasuri, at pinoproseso lang ng mga ito ang mga request sa pag-aalis kapag mataas ang kumpiyansa ng mga ito na mayroon ng lahat ng legal na nire-require na element ang request at hindi ito mapang-abuso. Ang mga mapang-abusong request ay kapag sinasadyang tangkain ng isang tao at sinusubukan niya sa mapaminsalang paraan na maalis ang content sa YouTube sa pamamagitan ng malamang na maling paghahayag ng pagmamay-ari ng copyright.
Kapag hindi sigurado ang aming mga naka-automate na system kung valid (mayroon ng lahat ng legal na nire-require na element at hindi mapang-abuso) ang request sa pag-aalis, susuriin ng isang sinanay na taong tagasuri ang request. Kung kailangan niya ng higit pang impormasyon para ma-validate ang request, magpapadala ng email ang taong tagasuri sa naghahabol at hihingi siya ng higit pang impormasyon. Halimbawa, posibleng hilingin sa mga naghahabol na:
- Magbigay ng mas partikular na pamagat para sa kanilang naka-copyright na gawa
- Magsumite ng patunay na awtorisado silang kumilos sa ngalan ng kinakatawan nilang may-ari ng copyright
- Kumpirmahing naisaalang-alang nila kung posibleng protektado ang video ng mga pagbubukod sa copyright, gaya ng patas na paggamit o patas na transaksyon
Kung hindi sasagot sa email ang isang naghahabol o kung hindi niya ibibigay ang nire-require na impormasyon, mananatili sa YouTube ang pinag-uusapang content.
Gumagamit ng mga naka-automate na system para makapagbigay ng mga mas mabilis at mas mahusay na sagot sa napakaraming request sa pag-aalis na natatanggap namin habang nagpapanatili ng mataas na level ng katumpakan.
Halimbawa, noong 2022, nakatanggap ang YouTube ng mga request sa pag-aalis dahil sa copyright para sa mahigit 16 na milyong video. Sa kabila ng napakaraming request na ito, nagbigay-daan sa amin ang paggamit ng automation para magproseso ng mga mas malamang na valid na request sa pag-aalis para mas mabilis na makasagot, nang hindi naisasakripisyo ang katumpakan. Sa katunayan, nakita naming mas bihira ang pag-apela sa mga pag-aalis na naproseso ng aming mga naka-automate na system kaysa sa mga pag-aalis na naproseso ng mga taong tagasuri.
Matuto pa tungkol sa kung paano nagsusuri ng content ang mga system ng YouTube.
Narito kung paano kunin ang URL ng isang video:
- Hanapin ang pinag-uusapang video sa YouTube.
- Sa address bar sa itaas, makikita dapat ang URL ng video na tulad nito: www.youtube.com/watch?v=xxxxxxxxxxx
Para magsumite ng request dahil sa copyright, sundin ang mga hakbang dito.
Alinsunod sa naaangkop na batas sa copyright, nire-require naming magpadala ng request sa pag-aalis dahil sa copyright para sa bawat sinasabing paglabag sa copyright.
Ang pinakamadaling paraan para magsumite ng isa pang request sa pag-aalis ay mag-sign in sa YouTube at gamitin ang aming webform.
Tandaang nag-aalok kami ng mga karagdagang tool sa pag-manage ng copyright para sa mga may-ari ng copyright na may mga madalas na pangangailangan sa pamamahala ng copyright.Kung makikita mo ang iyong video sa YouTube sa ibang platform nang walang pahintulot mo, kakailanganin mong sundin ang proseso nito para sa pag-request ng pag-aalis ng video. Hindi mare-request ng YouTube ang pag-aalis para sa iyo.
Nakadepende sa Safe Harbor ng Digital Millennium Copyright Act (DMCA) ang karamihan ng mga site na nagpapahintulot sa mga creator na mag-upload ng mga video. Kapag nakatanggap sila ng kumpleto at valid na request sa pag-aalis dahil sa copyright mula sa may-ari ng copyright, dapat nilang alisin ang content. May ilang pagbubukod, pero kung sigurado kang hindi kwalipikado ang kopya ng iyong gawa para sa pagbubukod sa copyright, tulad ng patas na paggamit o patas na transaksyon, puwede mong i-request ang pag-aalis nito.
Para maunawaan kung ano ang kailangan mong isama sa isang request sa pag-aalis dahil sa copyright, basahin ang mga requirement sa abiso sa pagtanggal ng DMCA.
Ang mga site na nakadepende sa DMCA ay dapat mayroong impormasyon sa pakikipag-ugnayan para sa isang nakatalagang ahente ng DMCA na nakalista sa US Copyright Office at sa website nila. Kung makikita mo ang iyong video sa isa sa mga site na ito nang walang pahintulot mo, puwede mong ipadala ang iyong request sa pag-aalis dahil sa copyright sa naaangkop na email address sa ibaba. Kung hindi nakalista sa ibaba ang site na hinahanap mo, puwede ka ring tumingin sa database ng ahente ng DMCA ng US Copyright Office.
Dailymotion: notifications@dailymotion.com
Instagram: ip@instagram.com
Facebook: ip@fb.com
TikTok: copyright@tiktok.com
Twitter: copyright@twitter.com
Vimeo: dmca@vimeo.com