’n Kopieregverwyderingversoek, ook bekend as ’n “verwyderingkennisgewing” of bloot ’n “verwydering”, is ’n regsversoek om inhoud op YouTube weens beweerde skending van kopiereg te verwyder.
Hoe die proses werk
As ’n kopieregeienaar hul kopieregbeskermde inhoud sonder hul toestemming op YouTube kry, kan hulle ’n kopieregverwyderingversoek indien.
Nadat ’n verwyderingversoek ingedien is
Nadat ’n verwyderingversoek ingedien is, gaan YouTube dit na om seker te maak dat dit die inligting het wat deur toepaslike kopieregwetgewing vereis word en geen tekens van misbruik toon nie. As die verwyderingversoek die kontrolering slaag, verwyder YouTube die inhoud wat na bewering skendend is om aan toepaslike kopieregwetgewing te voldoen.
As inligting in die verwyderingversoek ontbreek, of as meer besonderhede nodig is, sal YouTube die eiser (die persoon wat die verwyderingversoek ingedien het) vir meer inligting nader. Eiesers kan byvoorbeeld gevra word:
- Om ’n meer spesifieke titel van die werk met kopiereg te verskaf
- Om bewys in te dien dat hulle gemagtig is om namens die kopieregeienaar op te tree, indien van toepassing
- Om te bevestig of kopiereguitsonderings, soos billike gebruik of billike handelgebruik, in ag geneem is.
Die betrokke inhoud kan op YouTube bly totdat ons die vereiste inligting ontvang het.
As inhoud verwyder is
As die verwyderingversoek verwerk is, word die inhoud uit YouTube verwyder, en ’n kopieregwaarskuwing word op die oplaaier se kanaal toegepas. Die oplaaier het 3 opsies om ’n kopieregwaarskuwing op te los.
Gereelde vrae
Kopieregverwyderingversoeke word nagegaan met ’n kombinasie van geoutomatiseerde stelsels en kontrolering deur mense.
Ons geoutomatiseerde stelsels gebruik masjienleer om kopieregverwyderingversoeke te verwerk. Die stelsels word deurlopend opgelei met data uit vorige besluite wat met kontrolering deur ’n mens gedoen is, en verwerk verwyderingversoeke slegs wanneer daar groot mate van sekerheid is dat die versoek al die elemente het wat werlik vereis word en nie misbruik is nie. Versoeke is misbruik wanneer iemand doelbewus en kwaadwillig probeer om inhoud uit YouTube te verwyder deur kopieregeienaarskap waarskynlik valslik aan te voer.
Wanneer ons geoutomatiseerde stelsels onseker is of die verwyderingversoek geldig is (dat dit al die elemente het wat wetlik vereis word en nie misbruik is nie), evalueer ’n mens wat vir kontrolering opgelei is die versoek. As hulle meer inligting nodig het om die versoek te bekragtig, sal ’n menslike kontroleerder ’n e-pos aan die eiser stuur en meer inligting vra. Eiesers kan byvoorbeeld gevra word:
- Om ’n meer spesifieke titel van hul werk met kopiereg te verskaf
- Om bewys in te dien dat hulle gemagtig is om op te tree namens die kopieregeienaar wat hulle verteenwoordig
- Om te bevestig dat hulle in ag geneem het of die video dalk beskerm word deur kopiereguitsonderings, soos billike gebruik of billike handelgebruik.
Die betrokke inhoud sal op YouTube bly as ’n eiser nie op die e-pos antwoord nie, of nie die nodige inligting verskaf nie.
Geoutomatiseerde stelsels word gebruik om vinniger en doeltreffender antwoorde te verskaf op die groot aantal verwyderingversoeke wat ons ontvang terwyl ’n hoë vlak van akkuraatheid volgehou word.
In 2022 het YouTube byvoorbeeld kopieregverwyderingversoeke vir meer as 16 miljoen video’s ontvang. Die gebruik van outomatisering om verwyderingversoeke te verwerk wat ’n groter kans het om geldig te wees, maak dit vir ons ondanks hierdie groot getal moontlik om verwerking vinniger te doen sonder om akkuraatheid prys te gee. Trouens, ons merk op dat daar minder gereeld geappelleer word teen verwyderings wat deur ons geoutomatiseerde stelsels verwerk is as teen verwyderings wat deur menslike kontroleerders verwerk is.
Kom meer te wete oor hoe YouTube se stelsels inhoud nagaan.
Kry ’n video se URL só:
- Soek die betrokke video op YouTube.
- Daar behoort in die adresbalk aan die bokant ’n video-URL soos hierdie een te wees: www.youtube.com/watch?v=xxxxxxxxxxx
Volg die stappe hier om ’n kopieregverwyderingversoek in te dien.
Ons vereis ingevolge toepaslike kopieregwetgewing dat ’n kopieregverwyderingversoek vir elke bewering van kopieregskending gestuur word.
Die maklikste manier om nog ’n verwyderingversoek in te dien, is om by YouTube aan te meld en ons webvorm te gebruik.
Hou in gedagte dat ons bykomende kopieregbestuurnutsgoed vir kopieregeienaars met gereelde kopieregbestuurbehoeftes aanbied.As jy jou YouTube-video sonder jou toestemming op ’n ander platform kry, sal jy hul proses moet volg om die verwydering van die video te versoek. YouTube kan nie die verwydering namens jou versoek nie.
Die meeste werwe wat skeppers toelaat om video’s op te laai, steun op die Amerikaanse Digital Millennium Copyright Act (DMCA) se Veilige Hawe. Wanneer hulle ’n volledige en geldige kopieregverwyderingversoek van ’n kopieregeienaar af kry, behoort hulle die inhoud te verwyder. Daar is ’n paar uitsonderings, maar as jy seker is dat die kopie van jou werk nie vir ’n kopiereguitsondering, soos billike gebruik of billike handelgebruik, kwalifiseer nie, kan jy die verwydering daarvan versoek.
Lees die vereistes vir ’n DMCA-verwyderingkennisgewing om te verstaan wat jy by ’n kopieregverwyderingversoek moet insluit.
Werwe wat op die DMCA steun, moet kontakinligting vir ’n aangewese DMCA-agent hê wat by die VSA se Kopieregkantoor en op hul webwerf aangedui word. As jy jou video sonder jou toestemming op een van hierdie werwe kry, kan jy jou kopieregverwyderingversoek na die toepaslike e-posadres hier onder toe stuur. As die werf waarna jy soek nie hier onder gelys is nie, kan jy ook die DMCA-agentdatabasis van die VSA se Kopieregkantoor nagaan.
Dailymotion: notifications@dailymotion.com
Instagram: ip@instagram.com
Facebook: ip@fb.com
TikTok: copyright@tiktok.com
Twitter: copyright@twitter.com
Vimeo: dmca@vimeo.com