Kuchukua hatua dhidi ya arifa ya kukanusha

Maudhui yako yanapoondolewa kutokana na ombi la kuondoa video kwa kukiuka hakimiliki, mpakiaji wa maudhui hayo au mwakilishi aliyeidhinishwa, anaweza kutuma arifa ya kukanusha kukiuka hakimiliki. Hili ni ombi la kisheria la kurejesha maudhui yaliyoondolewa kutokana na madai ya kosa au kutambulishwa kimakosa.

Arifa za kukanusha husambazwa kwa mlalamikaji (aliyetuma ombi halisi la kuondoa) ili azijibu ikiwa:

• Mahitaji yote ya kisheria yametimizwa
• Aliyepakia anaeleza kwa uwazi haki yake ya kutumia maudhui husika

Walalamikaji wana siku 10 za kazi za nchini Marekani kujibu wakijumuisha ushahidi wa hatua ya kisheria iliyochukuliwa ili kuzuia maudhui husika kurejeshwa kwenye YouTube.

Kupata ushahidi wa hatua ya kisheria

Ili kujibu arifa ya kukanusha, ni sharti walalamikaji wajumuishe ushahidi kuwa mojawapo ya hatua zifuatazo za kisheria imechukuliwa:

• Hatua ya kutafuta amri ya mahakama dhidi ya aliyepakia ili kuzuia shughuli ya ukiukaji inayodaiwa (si tu dai la uharibifu).
• Dai la ukiukaji wa hakimiliki dhidi ya aliyepakia (ikiwa aliyepakia yupo nchini Marekani) kwenye Bodi ya Madai ya Hakimiliki (CCB) ya Ofisi ya Hakimiliki Marekani, panapohitajika.

Hatua au dai la mlalamikaji linapaswa kumtaja aliyepakia na maudhui mahususi, kama vile URL za video ya YouTube. Ushahidi unaokubalika unaweza kujumuisha nakala ya mojawapo ya yafuatayo:

• Mashtaka
• Amri ya mahakama
• Dai la Bodi ya Madai ya Hakimiliki (CCB)
• Uamuzi wa ukiukaji kutoka Bodi ya Madai ya Hakimiliki (CCB)

Mashtaka yanapaswa kuwasilishwa katika mahakama zenye mamlaka ya kukagua kesi za hakimiliki. Kwa mashtaka yanayowasilishwa nchini Marekani, tunaweza tu kupokea mashtaka yaliyofunguliwa katika mahakama za taifa za Marekani.

Usitume maelezo yasiyo sahihi. Utumiaji mbaya wa michakato yetu, kama vile kutuma hati za ulaghai, unaweza kusababisha kusimamishwa kwa akaunti yako au kuchukuliwa hatua nyingine za kisheria.

Kujibu kupitia barua pepe

Ili ujibu arifa ya kukanusha:

1. Pata nakala ya ushahidi wa hatua ya kisheria kama ilivyoelezwa hapo juu.
   • Viungo vya faili zilizohifadhiwa katika wingu, kama vile viungo vya Hifadhi ya Google, haviwezi kukubaliwa.
2. Nenda kwenye barua pepe ya arifa ya kukanusha iliyosambazwa kutoka YouTube.
   • Arifa za kukanusha hutumwa kwenye anwani ya barua pepe iliyotumiwa kutuma ombi halisi la kuondoa. 
3. Jibu moja kwa moja kwenye barua pepe ukiwa na nakala ya ushahidi.
   • Usitume jibu lako kama barua pepe mpya kwenye YouTube.

Maswali yanayoulizwa sana (FAQ)

Je, nina muda kiasi gani wa kujibu arifa ya kukanusha?

Walalamikaji wana siku 10 za kazi za nchini Marekani kujibu barua pepe ya arifa ya kukanusha wakijumuisha ushahidi unaohitajika wa hatua ya kisheria.

Nini hutokea baada ya kutuma ushahidi wa hatua ya kisheria?

Maudhui husika hayatarejeshwa kwenye YouTube hatua ya kisheria inaposhughulikiwa. Pia, dai la ukiukaji wa hakimiliki na arifa ya kukanusha huchukuliwa kuwa haijatatuliwa hatua ya kisheria inaposhughulikiwa.

Nini kitatokea nisipojibu arifa ya kukanusha?

Ikiwa mlalamikaji hatajibu arifa ya kukanusha au ikiwa ushahidi hautoshi au haupo, huenda maudhui husika yakarejeshwa kwenye YouTube.

Maelezo zaidi

• Matumizi ya haki kwenye YouTube
• Kufuta ombi la kuondoa video kwa kukiuka hakimiliki
• Maswali yanayoulizwa sana kuhusu hakimiliki