YouTube дүкеніндегі тауарларды басқару

YouTube Shopping функцияларын пайдалана алатын авторлар YouTube-те өз тауарлары мен ресми бренд тауарларын ұсына алады. Мына локациялардағы көрермендер YouTube-тегі келесі платформалардан тауарларыңызды шолып, сатып ала алады:

• арна дүкені;
• тауарлар белгіленген бейне сипаттамалары;
• бейненің және тікелей трансляцияның төменгі жағында немесе жанында орналасқан тауар сөресі;
• сатып алу түймесі бар бейнелер, Shorts бейнелері және тікелей трансляциялар.
• Жинақтар

Тауарлардың осы платформаларда көрсетілу тәртібін YouTube Studio-дан немесе YouTube Studio мобильдік қолданбасынан реттей аласыз. Онда тауарлардың орналасу тәртібін қажеттілігіңізге сәйкес етіп арна мен жеке бейнелер деңгейінде реттей аласыз.

Сондай-ақ тауарларды арна дүкеніне сілтеме қалдыру немесе көрермендеріңізге қажет жинақтар жасау және оларды бөлісу арқылы көрсете аласыз.

YouTube Shopping: дүкеніңіздегі тауарларды белгілеп, сатыңыз

Арнаңыздағы тауарларды іріктеу тәртібі

Дүкенді байланыстырған кезде, көрсетілетін кемінде бір тауар болса, сәйкес тауарлар автоматты түрде мына жерлерде көрсетіледі: 

• бейне сипаттамалары;
• арнаның негізгі бетіндегі "Дүкен" қойындысы.

Тауарлардың орналасу тәртібі мүмкіндігінше сатып алушылардың қызығушылығын тудыратындай етіп оңтайландырылған. Ол баға, танымалдық және қолжетімділік сияқты әртүрлі факторларға сәйкес автоматты түрде анықталады. Бүкіл арнаңыз бен дүкеніңізде көрсетілетін тауарлардың орналасу тәртібін өз бетіңізше таңдай аласыз.

Арна деңгейінде реттелген параметрлер тікелей трансляцияларға қолданылмайды.

Төменде тауарларды бүкіл арнада және дүкенде көрсету тәртібін YouTube Studio-да қалай орнату керектігі айтылған.

1. Монетизация қойындысын түртіңіз.
2. Shopping қойындысын таңдаңыз. 
   • Әдепкі тәртіпті бірінші рет өзгертіп жатсаңыз, Жеке таңдау жасау опциясын басыңыз.
   • Бұрын жасалып қойған таңдауды өзгерткіңіз келсе, Бейімдеу опциясын басыңыз.
3. 30 тауарға дейін таңдап, сүйреп апарып, тапсырыс беріңіз.
4. Сақтау түймесін басыңыз.

Арнаңыздағы және дүкеніңіздегі тауарлардың орналасу тәртібінің автоматты түрде қойылуын қайта қосу үшін YouTube Studio-ның "Монетизация" бөлімін ашыңыз. Содан кейін "Сауда-саттық" қойындысы  Автоматты түрде таңдауға оралу Сақтау тармағын басыңыз.

Белгілі бір контентке арналған тауарларды таңдау

Жеке бейнелерде немесе Shorts бейнелерінде ең көбі 30 тауарды белгілеп, оларды көрсету тәртібін аудиторияңызға ыңғайлап, бейімдей аласыз. Тікелей трансляцияда да ең көбі 30 тауарды белгілеп, орналасу тәртібін ауыстыруға болады..

Арна дүкеніне сілтеме жасау

Дүкен қойындысының URL мекенжайын пікірлерге, сипаттамаларға және "Қауымдастық" қойындысындағы посттарға көшіріп қоюға болады. Сонымен қатар арна дүкенінің сілтімесін бейне сипаттамаларында және басқа медиа арналарда қалдыра аласыз. Көрермендер сілтемені басқан кезде, дүкендегі заттарды алдын ала көру терезесі ашылады, бұл терезе бейненің әрі қарай ойнатылуына кедергі келтірмейді. Қандай да бір затты сатып алуға дайын болған кезде, көрермендер сілтемені қайта басып, дүкеніңізге кіре алады.

Тауарларға қатысты мәселелерді шешу

Қолдау көрсетілетін сауда алаңдарында немесе платформаларда орналастырылған немесе түрлендірілген тауарлар деректерінің саясаттарымызға сәйкестігі тексеріледі. Тексеруге әдетте бірнеше жұмыс күні кетеді.

YouTube Studio-да тауарлардың тексерілу статусын көру үшін:

1. Сол жақ мәзірдегі Монетизация тармағын түртіңіз.
2. Сауда-саттық қойындысын басыңыз.
3. Статус картасындағы Ретке келтіру опциясын түртіңіз.

Ескертпе: тауарлардың Google Merchant Center және YouTube саясаттарына сәйкестігі автоматты түрде тексеріледі. Екі саясатқа да сәйкес келмейінше, тауарлар YouTube Studio-да көрсетілмейді. Тауар деректеріне (соның ішінде тауар атауы, сипаттамасы, суреті және т.б.) кез келген өзгеріс енгізілген жағдайда, сәйкестік қайта тексеріледі. Тексеруге әдетте бірнеше жұмыс күні кетеді.

Тауарларды ретке келтіру панелінде қандай да бір тауардың көрсетілмеуіне байланысты сұрағыңыз болса, сатушыға немесе платформа өкіліне хабарласыңыз.

Егер Shopping функциялары контентіңізде көрсетілмесе:

• Аудиторияңыздың параметрлері балаларға арналған етіп реттелген.
• Контентіңізде билет сату немесе қайырымдылыққа беру туралы хабарландыру көрсетіліп тұр.
• Авторлық құқықтың бұзылғаны туралы шағым түсті.
• Контентіңіздің пайда табу мүмкіндігі шектеулі немесе мүлдем өшірулі.
• Контентіңізде Creator Music-тен алынған табысы бөлінетін трек бар.
• Көрермен талаптарға сай елде немесе аймақта орналаспаған.
• Көрермен контентіңізді мобильдік браузер, Smart TV немесе ойын консолі арқылы көреді.
• Мақұлданған тауарларыңыз жоқ.

Белгілі бір контенттен немесе бүкіл арнадан Shopping функцияларын өшіру

Кез келген уақытта арнаңыздағы Shopping функцияларын уақытша өшіруге немесе дүкенді толықтай өшіруге болады.

Белгілі бір бейнеден немесе Shorts бейнесінен Shopping функцияларын өшіргіңіз келсе, осы бейнелердегі барлық тауар тэгін алып тастаңыз.

Арнадан Shopping функцияларын уақытша өшіру

Shopping функцияларын бүкіл арнадан өшіру үшін компьютерден YouTube Studio-ны ашып, келесі әрекеттерді орындаңыз:

1. Сол жақ мәзірдегі Монетизация тармағын түртіңіз.
2. Сауда-саттық қойындысын басыңыз.
3. Тауар сөресін уақытша жасыру үшін "Сауда-саттық" ауыстырғышын өшіру күйіне қойыңыз.

Android-қа немесе iPhone-ға орнатылған YouTube Studio мобильдік қолданбасын пайдаланып та, Shopping функцияларын бүкіл арнадан өшіруге болады. Ол үшін:

1. Төмендегі мәзірден Монетизация тармағын түртіңіз.
2. Сауда-саттық қойындысын басыңыз.
3. "Арнадағы тауарлар" бөлімінің жанындағы "Тағы" белгішесін түртіңіз.
4. Өшіру түймесін түртіңіз.