Geskiktheid en beperkings vir Skeppermusiek

Skeppermusiek is nou beskikbaar vir VSA-skeppers in die YouTube Vennootprogram (YVP). Uitbreiding na YVP-skeppers buite die VSA is hangende.

Geskiktheid vir Skeppermusiek

Om te kwalifiseer om Skeppermusiek te gebruik, moet YouTube-skeppers óf in die YouTube Vennootprogram wees, óf ’n kennisgewing van Google af ontvang het dat hulle kwalifiseer. Skeppers moet ook aan alle toepaslike YouTube-beleide voldoen, insluitend, maar nie beperk nie tot:

• Kanaalmonetiseringsbeleide
• Skepperverantwoordelikheidprojek
• Gemeenskapsriglyne
• Kopiereg

Skeppermusiek is nie tans beskikbaar nie vir:

• Maatskappye of YouTube-skeppers wat hoofsaaklik inhoud skep wat kommersieel vrygestel word in teaters, op televisie, en/of via televisie-stromingdienste met regstreekse internetverspreiding.
• Kommersiële handelsmerke waarvan die YouTube-kanale daaraan toegewy is om sulke handelsmerke, goedere en/of dienste te bevorder.

Google hou die reg voor om die geskiktheidskriteria vir Skeppermusiek na hul vrye oordeel te verander.

Beperkings vir Skeppermusiek

Die beperkings hier onder sit uiteen hoe Skeppermusiek-snitte in YouTube-video’s gebruik kan word. Hierdie beperkings is van toepassing op alle snitte wat vir lisensiëring deur Skeppermusiek beskikbaar is. Individuele snitte het hul eie gebruikbesonderhede, wat deur die snit se regtehouers gestel word.

Beperkte kategorieë

Skeppers moet seker maak dat snitte wat deur Skeppermusiek gelisensieer is, nie gebruik word in video’s wat inhoud in enige van die volgende beprkte kategorieë bevat nie:

• Geweld
• Volwassene-inhoud
• Inhoud wat onvanpas is vir kinders en gesinne

Kommersiële gebruik

Skeppers word verbied om Skeppermusiek-snitte te gebruik in ’n video waar die skepper deur ’n handelsmerk of diens betaal is om inhoud te maak wat hoofsaaklik daaraan toegewy is om daardie handelsmerk of diens te onderskryf of te bemark.

Voorbeelde van beperkings vir kommersiële gebruik

Toegelaat: Skepper A, ’n kosskepper, laai ’n video van 10 minute op wat ’n derdepartyhandelsmerkborg se produk as deel van die video se inleiding noem. Die video is grootliks ingestel op die skepper se verduideliking van ’n nuwe resep.

Nie toegelaat nie: Skepper B, ’n skoonheidskepper, is deur ’n handelsmerk betaal om ’n video te maak wat ’n nuwe produk bemark en resenseer. Skepper B publiseer ’n video van 10 minute wat hoofsaaklik daarop gemik is om die maatskappy se nuwe produk te bemark.

Daarbenewens kwalifiseer video’s wat inkomstedelingsnitte gebruik nie vir YouTube Inkopies-kenmerke nie. Kry meer inligting oor inkomstedeling deur Skeppermusiek of inkomstedeling op dekweergawevideo’s wat kwalifiseer.

Gebruikbeperkings

Skeppers wat snitte uit Skeppermusiek lisensieer, moet die volgende gebruikbeperkings nakom:

• Mag nie die Skeppermusiek wesenlik verander nie (byvoorbeeld, geen hermenging nie).
• Mag nie nuwe lirieke skep en ook nie lirieke in ander tale vertaal nie.
• Mag nie ’n kunstenaar of liedjieskrywer se naam of beeltenis gebruik nie, afgesien daarvan om die Skeppermusieksnit en -kunstenaar of -liedjieskrywer te identifiseer.
• Mag nie ’n Kunssnit (statiese beeld deur die speel van die hele liedjie), visualiseerder (eenvoudige herhalende visuele elemente deur die speel van die hele liedjie), liriekevideo of karaokevideo uit die Skeppermusieksnitte skep nie.
• Mag nie Skeppermusieksnitte afsonderlik van die Skeppervideo(’s) beskikbaar maak, versprei of uitvoer nie (byvoorbeeld, alleenstaande verspreiding van musieklêers word nie toegelaat nie)
• Mag nie Skeppermusieksnitte op ’n manier gebruik wat neerhalend is of wat die kunstenaar, platemaatskappy of liedjieskrywer in ’n negatiewe lig stel nie.

Voorbeelde van gebruiksbeperkings

Toegelaat: Skepper A koop ’n lisensie vir ’n snit en gebruik dit as deel van hul video se inleiding sonder om die oorspronklike liedjie te wysig.

Nie toegelaat nie: Skepper B koop ’n lisensie vir ’n liedjie en gebruik redigeringsagteware van ’n derde party om die liedjie te hermeng en ’n nuwe vers by te voeg.

Oortreding van hierdie beperkings kan beëindiging van die lisensie tot gevolg hê, en die geassosieerde video’s kan verwyder word. Gaan na Skeppermusiek se diensbepalings vir volledige besonderhede oor beperkings vir Skeppermusiek.