Creator Music-ში ჩანაწერის გამოყენებასთან დაკავშირებით, შესაძლოა, შემდეგი ვარიანტები ნახოთ:
-
ლიცენზიის მიღება: წინასწარ გადაიხადეთ საკომისიო (ზოგიერთ ჩანაწერზე საკომისიო არ ვრცელდება) თქვენს მონეტიზებად ვიდეოში მუსიკის გამოსაყენებლად. მიიღეთ იგივე შემოსავლის წილი, რომელიც ვრცელდება თქვენს მონეტიზებად ვიდეოზე მუსიკის გარეშე.
-
შემოსავლის წილი: ნუ გადაიხდით წინასწარ საკომისიოს და გაუყავით ვიდეოდან მიღებული შემოსავალი ჩანაწერზე საავტორო უფლებების მფლობელს.
გამოყენების დეტალები, რომელიც განსაზღვრავს სიმღერის გამოყენების წესებს, ჩანაწერის მიხედვით განსხვავდება. ჩანაწერზე საავტორო უფლებების მფლობელები აწესებენ მისი გამოყენების წესებს და შეუძლიათ, ის საკუთარი შეხედულებისამებრ შეცვალონ.
- ასევე, არსებობს კონკრეტული შეზღუდვები იმის შესახებ, თუ როგორ უნდა იქნას გამოყენებული ლიცენზირებული მუსიკა ვიდეოში.
- Creator Music-ის ზოგიერთი ჩანაწერი, შესაძლოა, არ ექვემდებარებოდეს ლიცენზიას ან შემოსავლის გაზიარებას. თუ ამ ჩანაწერებიდან რომელიმეს გამოიყენებთ, თქვენს ვიდეოზე, შესაძლოა, კონტენტის ID-სთან დაკავშირებული პრეტენზია ან საავტორო უფლებების დარღვევის გამო ვიდეოს წაშლის მოთხოვნა გავრცელდეს.
- შეგიძლიათ, წინასწარ შეამოწმოთ გამოყენების წესები, რომ იცოდეთ, როგორ შეგიძლიათ თქვენს ვიდეოში ჩანაწერის უსაფრთხოდ გამოყენება.
ლიცენზიის გამოყენების წესები
ლიცენზია პირს კანონიერ ნებართვას ანიჭებს, რომ გამოიყენოს კონტენტი, რომლის უფლებაც სხვა ადამიანებს ეკუთვნის. ჩანაწერის ლიცენზირებამდე, მნიშვნელოვანია იცოდეთ მისი გამოყენების წესები, რომ განსაზღვროთ, რა ნებართვები გაქვთ თქვენ მიერ ლიცენზირებული ჩანაწერის გამოსაყენებლად.
Creator Music შემქმნელებს მუსიკის ლიცენზირების საშუალებას აძლევს უშუალოდ მუსიკის მიმართულებით პარტნიორებისგან, მაგალითად, მუსიკალური ლეიბლებისგან და გამომცემლებისგან, რომლებიც მუსიკის საავტორო უფლებებს ფლობენ. როგორც უფლებების მფლობელები, მუსიკის მიმართულებით პარტნიორები აწესებენ გამოყენების წესებს, მათ შორის, ლიცენზიის ღირებულებას ჩანაწერებისთვის, რომელსაც ისინი სალიცენზიოდ სთავაზობენ Creator Music-ზე.
ზოგიერთ ლიცენზიას ფიქსირებული ღირებულება აქვს ყველა შემქმნელისთვის, ხოლო ზოგიერთ ჩანაწერზე, შესაძლოა, დაწესებული იყოს ინდივიდუალური ფასები, არხის მოცულობიდან გამომდინარე. ზოგიერთი ლიცენზია უფასოა, მაგალითად, YouTube აუდიო ბიბლიოთეკის თუ Creative Commons-ის თუ სხვა უფასო ლიცენზიები, რომელთაც უფლებების მფლობელები სთავაზობენ.
გაითვალისწინეთ, რომ თუ არ გსურთ ლიცენზიის შეძენა, შეგიძლიათ, შემოსავლის გაზიარება აირჩიოთ, თუ თქვენი ვიდეო აკმაყოფილებს შემოსავლის გაზიარების მოთხოვნებს.
სიმღერის მოცულობა გულისხმობს იმას, თუ ვიდეოში ჩანაწერის რა მოცულობის გამოყენების უფლებას იძლევა საავტორო უფლებების მფლობელი.
თქვენ მიერ ლიცენზიისთვის არჩეული ნებისმიერი ლიცენზირებადი ჩანაწერისთვის შეგიძლიათ გამოიყენოთ სიმღერის იმდენი მოცულობა, რამდენიც გსურთ ნებისმიერი ხანგრძლივობის ვიდეოსთვის.
ლიცენზირებადი ჩანაწერებისთვის, რომელთათვისაც ლიცენზიის შეძენა არ გსურთ, შეგიძლიათ აირჩიოთ შემოსავლის გაზიარება, თუ სიმღერის მოცულობა, რომელსაც 3 წუთზე მეტი ხანგრძლივობის ვიდეოში იყენებთ, 30 წამზე ნაკლებია. შეიტყვეთ მეტი შემოსავლის გაზიარების გამოყენების პირობების შესახებ.
ლიცენზიის შეძენისას, თქვენი ლიცენზიის მოქმედების ვადის მიხედვით შეიტყობთ, რამდენი ხანი დარჩება თქვენი ლიცენზია აქტიური. თითოეულ ჩანაწერს Creator Music-ის მაღაზიაში თავისი პირობები აქვს, რომელთაც უფლებების მფლობელი ადგენს, ამიტომაც თქვენი ლიცენზიის ხანგრძლივობა შეიცვლება თქვენ მიერ ლიცენზირებული ჩანაწერის საფუძველზე.
თქვენი ლიცენზია ძალაში შედის Creator Music-ის ბაზრის მეშვეობით მისი შეძენისთანავე. მისი მოქმედების ვადის ამოწურვისთანავე, ჩანაწერის შემცველ ვიდეოებზე, შესაძლოა, გავრცელდეს შემდეგი:
- მონეტიზაციის განახლებული პირობები
- ცვლილებები ვიდეოს ხილვადობასთან დაკავშირებით
- საავტორო უფლებების დარღვევის ახალი გასაჩივრება
თქვენი ვიდეოდან შემოსავლის წყვეტის აღსაკვეთად შეგიძლიათ გააგრძელოთ თქვენ მიერ შეძენილი ჩანაწერების ლიცენზიები.
- მხოლოდ YouTube-ის აუდიო ბიბლიოთეკას აქვს უფლება, გამოიყენოს YouTube-ზე ატვირთული რამდენიმე ვიდეო. Creator Music-ის ყველა დანარჩენი ფასიანი ლიცენზია მოქმედებს მხოლოდ ერთჯერადი გამოყენებისთვის მხოლოდ YouTube-ზე ატვირთულ ერთ ვიდეოში.
- Creator Music-ის ლიცენზიების სხვა პლატფორმებისთვის ან სხვა YouTube არხებისთვის გადაცემა შეუძლებელია. Creator Music-ის ლიცენზიების გადაცემა შესაძლებელია სხვა ვიდეოებისთვის YouTube არხის ფარგლებში, თუ ისინი არ გამოყენებულა გამოქვეყნებულ ვიდეოში.
- ასევე, არსებობს შეზღუდვები იმის შესახებ, თუ როგორ უნდა იქნას გამოყენებული ლიცენზირებული მუსიკა ვიდეოში. დამატებითი ინფორმაციისთვის გადადით სექციაზე Creator Music-ის მოთხოვნებთან შესაბამისობა და შეზღუდვები.
გამოყენების წესები შემოსავლის გაზიარებისთვის
თუ თქვენს ვიდეოში ისეთ ჩანაწერს იყენებთ, რომელიც ექვემდებარება შემოსავლის გაზიარებას, შეგიძლიათ ვიდეოდან მიღებული შემოსავალი ჩანაწერზე უფლებათა მფლობელს გაუნაწილოთ. შემოსავლის გაზიარების დაწყებამდე გაეცანით ჩანაწერის გამოყენების წესებს, რომ იცოდეთ, ამ ჩანაწერის გამოყენებასთან დაკავშირებით რა უფლებები გაქვთ.
ვიდეოებმა, რომლებიც შეიცავს Creator Music-ის შემოსავლის გაზიარების შესაძლებლობის მქონე ჩანაწერებს, შემოსავლის გაზიარების უფლების მოსაპოვებლად უნდა დააკმაყოფილოს შემდეგი მოთხოვნები:
- ჩანაწერისა და ვიდეოს ხანგრძლივობა: ვიდეო შეიცავს ჩანაწერთა სათანადო რაოდენობას მის სათანადო მონაკვეთში:
- თუ ჩანაწერი ლიცენზირებადია, თუმცა, ლიცენზიის ყიდვა არ გსურთ, შემოსავლის გაზიარება შეგიძლიათ, თუ ჩანაწერს ვიდეოში 30 წამზე დიდი ხნით არ გამოიყენებთ (3 წუთზე ხანგრძლივ ვიდეოში).
- თუ ჩანაწერი არალიცენზირებადია, თუმცა, ექვემდებარება შემოსავლის გაზიარებას, შემოსავლის გაზიარება შეგიძლიათ ნებისმიერი რაოდენობის ჩანაწერების გამოყენებით (ნებისმიერი ხანგრძლივობის ვიდეოში).
- მონეტიზაციასთან დაკავშირებული პრობლემების არარსებობა: დაუშვებელია, ვიდეოს ჰქონდეს მონეტიზაციის პრობლემები, მაგალითად:
- კონტენტის ID-სთან დაკავშირებული პრეტენზიები, რომლებმაც ვიდეოს ხილვადობა დაბლოკეს ან გათიშეს მონეტიზაცია.
- YouTube-ის რეკლამის განმთავსებლებისთვის შესაფერისი კონტენტის მითითებების დარღვევები.
- პირდაპირი სტრიმინგისა და Shorts-ის არარსებობა: ვიდეო არ შეიძლება წარმოადგენდეს პირდაპირ სტრიმინგს ან Short-ს. შეიტყვეთ მეტი Shorts-ის შემოსავლის გაზიარების შესახებ.
გახსოვდეთ, გამოყენების მოთხოვნები შეიძლება შეიცვალოს უფლებათა მფლობელის შეხედულებისამებრ. მაგალითად, შემოსავლის გაზიარების შესაძლებლობის მქონე ჩანაწერის შემცველი ვიდეოს ატვირთვის შემდეგ უფლებათა მფლობელმა შესაძლოა ჩანაწერს მონეტიზაცია გაუთიშოს, რაც, შედეგად, ასევე გაუთიშავს მონეტიზაციას თქვენს ვიდეოს. გამოყენების პირობებში შესული ცვლილებების მოქმედება შესაძლოა გავრცელდეს ცალკეულ ან ნებისმიერ ტერიტორიაზე.
სიმღერის მოცულობა გულისხმობს იმას, თუ ვიდეოში ჩანაწერის რა მოცულობის გამოყენების უფლებას იძლევა საავტორო უფლებების მფლობელი.
ჩანაწერებისთვის, რომლებზეც შემოსავლის გაზიარება ვრცელდება, შეგიძლიათ გამოიყენოთ სიმღერის იმდენი მოცულობა, რამდენიც გსურთ ნებისმიერი ხანგრძლივობის ვიდეოსთვის.
ლიცენზირებადი ჩანაწერებისთვის, რომელთათვისაც ლიცენზიის შეძენა არ გსურთ, შეგიძლიათ აირჩიოთ შემოსავლის გაზიარება, თუ სიმღერის მოცულობა, რომელსაც 3 წუთზე მეტი ხანგრძლივობის ვიდეოში იყენებთ, 30 წამზე ნაკლებია. შეიტყვეთ მეტი შემოსავლის გაზიარების შესახებ.
Creator Music-ის დახმარებით, თუ ხანგრძლივი ქრონომეტრაჟის ვიდეო იყენებს ჩანაწერებს, რომლებიც ექვემდებარება შემოსავლის გაზიარებას, შემოსავლის სტანდარტული 55%-იანი წილი დაკორექტირდება მუსიკაზე უფლებების მოპოვების ხარჯებით, როგორც ეს ნაჩვენებია ქვემოთ მოცემულ მაგალითში. ეს დამოკიდებულია შემდეგზე:
- გამოყენებული ჩანაწერების რაოდენობაზე: რამდენი შემოსავლის გაზიარების შესაძლებლობის მქონე ჩანაწერს გამოიყენებს შემქმნელი თავის ვიდეოში (იხილეთ მაგალითები ქვემოთ).
- მუსიკაზე დამატებითი უფლებების ხარჯები: დაქვითვები მუსიკაზე დამატებითი უფლებების ხარჯების დასაფარად (მაგალითად, შესრულების უფლებები). აღნიშნული დაქვითვა შეიძლება შეადგენდეს მაქსიმუმ 5%-ს და აისახება მუსიკაზე დამატებითი უფლებების შერეულ ხარჯებში Creator Music-ის ჩანაწერებისთვის, რომლების აკმაყოფილებს შემოსავლის გაზიარების მოთხოვნებს.
მაგალითი: შემოსავლის გაზიარებას დაქვემდებარებული 1 ჩანაწერის გამოყენება |
|||||||||||
მაგალითი: შემქმნელი იყენებს შემოსავლის გაზიარებას დაქვემდებარებულ 1 ჩანაწერს თავის ხანგრძლივი ქრონომეტრაჟის ვიდეოში და გამოიმუშავებს სტანდარტული 55%-იანი წილის ნახევარს (27,5%). მაგალითად, მუსიკაზე დამატებითი უფლებების ხარჯია 2,5%. ამ ვიდეოსთვის შემქმნელი გამოიმუშავებს მთელი შემოსავლის 25%-ს (27,5% - 2,5%). |
|
||||||||||
მაგალითი: შემოსავლის გაზიარებას დაქვემდებარებული 2 და ლიცენზირებადი 1 ჩანაწერის გამოყენება |
|||||||||||
მაგალითი: შემქმნელი იყენებს შემოსავლის გაზიარებას დაქვემდებარებულ 2 და ლიცენზირებად 1 ჩანაწერს თავის ხანგრძლივი ქრონომეტრაჟის ვიდეოში და გამოიმუშავებს სტანდარტული შემოსავლის 55%-იანი წილის 1/3-ს (18,33%). მაგალითად, მუსიკაზე დამატებითი უფლებების ხარჯია 2%. ამ ვიდეოსთვის შემქმნელი გამოიმუშავებს მთელი შემოსავლის 16,33%-ს (18,33% - 2%). |
|