Bestuur jou klankopnamemetadata

Hierdie kenmerke is slegs beskikbaar vir vennote wat YouTube Studio Inhoudbestuurder gebruik. Kontak jou YouTube Vennootbestuurder om toegang te kry.

As jy ’n musiekvennoot is wat Klankopnamebates lewer, kan jy die inligting hieronder gebruik om jou klankopnamemetadata suksesvol te bestuur.

Bekyk klankopnamemetadata

1. Meld aan by Studio Inhoudbestuurder.
2. Kies Bates  op die linkerkieslys.
3. Klik die titel van die Klankopnamebate waarvan jy die metadata wil bekyk. Die Komponentebesonderhede-bladsy sal oopmaak.
4. Kies Metadata  op die linkerkieslys op die Komponentebesonderhede-bladsy.

Identifiseer globale/aansigmetadata

Global metadata, ook bekend as aansigmetadata, is die metadatastel wat YouTube vir YouTube-gebruikers wys. Dit is die metadataweergawe wat verskyn wanneer oplaaiers ’n Content ID-eis kry, en in kenmerke soos Musiek in hierdie video.

Die globale/aansigmetadata verskyn in die Metadata -afdeling op die Komponentebesonderhede-bladsy aan die bokant onder Globaal.

Wanneer jy VERGELYK METADATA klik, word globale/aansigmetadata met die groen Aansigikoon geëtiketteer. Kom meer te wete oor die Vergelyk metadata-kenmerk.

Lewer klankopnamemetadata

Hieronder is ’n paar beste praktyke vir die suksesvolle lewering van metadata vir jou Klankopnamebates:

Voeg volledige en akkurata metadata by in jou aanvanklike lewering

Ons beveel aan dat jy soveel moontlik metadatavelde voltooi wanneer jy ’n Klankopnamebate vir die eerste keer lewer.

Ons moedig vennote ook aan om finale metadata te lewer en dit te vermy om plekhouermetadata te stuur, selfs vir bates wat met toekomstige vrystellings verband hou. Kom meer te wete oor die lewering van metadata.

Sluit batespesifieke identifiseerders in wanneer jy opdaterings lewer

Ons beveel aan dat wanneer jy ’n bestaande komponent opdateer, jy die bestaande komponent-ID saam met die ISRC (Internasionale Standaardopnamekode) en gepasmaakte ID, indien van toepassing, insluit. As hierdie inligting ingevoer word, sal dit help om die opdatering na die korrekte bate en Klankopnamedeling toe te stuur. Dit sal ook die moontlikheid verklein dat ’n nuwe bate of deling geskep word.

As jy die ISRC of gepasmaakte ID opdateer, moet jy steeds die komponent-ID in jou lewering invoer. Hou in gedagte dat as ’n nuwe ISRC of nuwe Gepasmaakte ID ingevoer word, dit kan veroorsaak dat ’n nuwe Klankopnamedeling geskep word. Kom meer te wete oor Klankopnamedelings.

Stuur Klankopnamebates voordat Kunssnitte gelewer word

Ons beveel dat jy ’n Klankopnamebate lewer voordat jy ’n Kunssnit lewer.

Maak ook seker dat die ISRC van die Kunssnit met die ISRC van die Klankopnamebate ooreenstem. Dit sal help om ’n behoorlike ingebedde verhouding tussen die Kunssnit en die ooreenstemmende Klankopnamebate te skep. Kom meer te wete oor ingebedde bates.

Gereelde vrae

Hoe besluit YouTube watter globale-/aansigmetadatastel vir gebruikers gewys word?

Wanneer daar een eienaar van ’n Klankopnamebate is, word die metadata in die eienaar se nuutste en volledigste Klankopnamedeling as die globale/aansigmetadata gewys. 

Wanneer daar meer as een eienaar is, word die nuutste en volledigste deling van enige vennoot met aktiewe bate-eienaarskap gewys.

Hoe kan ek ’n Klankopnamebate opdateer om my metadata as die globale/aansigmetadata te laat wys?

Jy kan die waarskynlikheid vergroot dat jou metadata gekies sal word deur ’n metadatastel te lewer wat so volledig moontlik is.

Maak ook seker dat jy jou metadata bygewerk hou om te sorg dat dit akkuraat bly. Hierdie handelinge sal help om die kans te vergroot dat jou metadata as ’n bate se globale metadata gekies word.

Hoekom word my metadata nie as die globale/aansigmetadata gewys nie?

’n Ander vennoot het dalk meer onlangs metadata gelewer of ’n vollediger stel metadata ingevoer. Gebruik die Vergelyk metadata-kenmerk om metadata te bekyk wat deur ander vennote bygevoeg is.

Ons beveel aan dat jy bevestig dat jy ’n volledige stel metadata gelewer het en die komponentmetadata wanneer nodig opdateer.

Ek het sopas ’n bate met veelduldige eienaars opgedateer. Hoekom word my metadata nie nou as die globale/aansigmetadata gewys nie?

Al het jy metadata meer onlangs gelewer, is dit moontlik dat ’n ander vennoot ’n vollediger stel metadata gelewer het. Gebruik die Vergelyk metadata-kenmerk om metadata te bekyk wat deur ander vennote bygevoeg is.

Ons beveel aan dat jy bevestig dat jy ’n volledige stel metadata gelewer het en die komponentmetadata wanneer nodig opdateer

Ek het ’n bate gelewer wat met ’n bestaande bate saamgevoeg is. Hoekom word my metadata nie nou as die globale/aansigmetadata gewys nie?

Dit is moontlik dat die bestaande bate se metadatastel gekies is weens kwessies met teenstrydige metadata in jou lewering. Hoe om vir kwessies met teenstrydige metadata te kyk:

1. Meld aan by Studio Inhoudbestuurder.
2. Kies Bates op die linkerkieslys.
3. Klik die titel van die saamgevoegde bate. Die Batebesonderhede-bladsy sal oopmaak.
4. Kies Metadata  op die linkerkieslys op die Batebesonderhede-bladsy.
5. Klik die Klankopnamedelings-oortjie.
6. Soek en kopieer die bate-ID wat geassosieer word met die deling wat uit jou lewering geskep is. Die bate-ID behoort met “AA” te begin.
7. Klik die terugpyl  en gaan terug na die Bates-bladsy.  
8. Kies Verslae op die linkerkieslys.
9. Klik die Bates-oortjie.
10. Klik Weergawe 1.1  onder Bates (delings) en kies Batedelingverslag. Die aflaai van die verslag as ’n CSV-lêer sal begin.
11. Maak die verslag oop. Soek die bate-ID wat met “AA” begin in die klankopnamedelingbate-id-kolom. 
12. Soek die kolom genaamd “vanaf_samevoeging_van_teenstrydige_metadata” in die bate se ry. As hierdie kolom die etiket Waar het, beteken dit dat ons stelsel die bestaande metadata gebruik het omdat jou metadata verskille met die metadata in die bestaande bate bevat het.

Wenk: Jy kan teenstrydige metadata in Studio Inhoudbestuurder of deur inhoudlewering wysig:

• Studio Inhoudbestuurder: Volg hierdie Wysig komponentmetadata-instruksies.
• Inhoudlewering: Gebruik jou voorkeurleweringmetode, soos CSV, DDEX of API, en voer die volledige stel metadata in wat jy wil hê moet verskyn. Maak seker dat jy die komponent-ID en ISRC of gepasmaakte ID spesifiseer wat vroeër verskaf is, indien van toepassing.