Mikilvægt: Þar sem við nálgumst nú lok árs ættu tekjuöflunarhöfundar að fara yfir skattaupplýsingarnar sínar í AdSense fyrir YouTube. Sendu skattaeyðublaðið þitt og farðu fram á fríðindi samkvæmt skattasamningi, ef þú átt rétt á slíku, fyrir 10. desember 2023. Þar sem við á mun Google endurreikna skattinn fyrir 2023 og endurgreiða mismuninn.
Ef þú sendir ekki inn neinar skattaupplýsingar gæti Google þurft að draga frá hámarks skatthlutfall af heildartekjum þínum á heimsvísu. Ef þú sendir inn skattaupplýsingar gæti skatthlutfallið verið allt að 30% af tekjum þínum í Bandaríkjunum.
Skoðaðu skattaupplýsingarnar þínar og farðu fram á fríðindi samkvæmt skattasamningi:
- Gakktu úr skugga um að við séum með skattaupplýsingarnar þínar. Gættu þess að staðan á skattaeyðublaðinu þínu sé græn og „Samþykkt“ í AdSense fyrir YouTube.
- Fáðu það staðfest hjá skattaráðgjafanum þínum hvort þú eigir rétt á fríðindum vegna skattasamninga. Fríðindi vegna skattasamninga geta lækkað skatthlutfallið á ákveðnum tekjuflokkum:
- Aðrar þóknanir frá höfundarrétti (til dæmis þjónusta YouTube fyrir samstarfsaðila og Google Play)
- Þjónustur (til dæmis Google AdSense)
Fáðu frekari upplýsingar um staðgreiðsluskatt á YouTube eða skoðaðu algengar spurningar um innsendingu á bandarískum skattaupplýsingum til Google.
Google er skylt að safna skattupplýsingum frá höfundum í þjónustu YouTube fyrir samstarfsaðila. Ef nauðsynlegt er að draga frá skatt mun Google draga skattaupphæðina frá YouTube tekjum af áhorfendunum í Bandaríkjunum. Þessi grein er sérstaklega ætluð höfundum sem eru í rásaneti Frekari upplýsingar má finna um staðgreiðsluskatt á YouTube hér og þú getur líka skoðað ítarlega grein okkar um algengar spurningar: Innsending á bandarískum skattaupplýsingum til Google.
Upplýsingar fyrir hlutdeildarfélög
Ertu í rásaneti? Þá þarftu að senda inn bandarískar skattaupplýsingar á AdSense fyrir YouTube-reikningnum sem tengist rásinni þinni. Þessar upplýsingar eru notaðar til að ákvarða staðgreiðsluskatt, ef við á. Til að tryggja réttan útreikning staðgreiðsluskatta ætti AdSense fyrir YouTube-reikningurinn að vera skráður á nafnið þitt eða fyrirtækisins þíns. Einnig þarf skráða heimilisfangið að vera það sama og skattalegt og lagalegt heimilisfesti.
Rásartekjur þínar verða áfram greiddar til rásanetsins þíns. Ef staðgreiðsluskattur er lagður á er hann dreginn frá tekjugreiðslum til rásanetsins.
Staðgreiðsluupphæðirnar verða ekki sýnilegar í YouTube greiningu og þær verður því að reikna út handvirkt með þessari aðferð. Rásanetið fær mánaðarlega skýrslu með heildarfrádrætti vegna bandarískra staðgreiðsluskatta.
Ef þú sendir inn bandarískar skattaupplýsingar eftir að staðgreiðsluskattur var dreginn frá og þú átt rétt á lægra skattahlutfalli verður staðgreiðsluskatturinn leiðréttur á næsta greiðslutímabili.
Endurgreiðslur skatta fyrir hlutdeildarfélög
Hlutdeildarrásir í rásanetum gætu verið gjaldgengar í endurgreiðslur frá 2023. Hlutdeildaraðilar þurfa að senda okkur gild gögn sem sanna að eldri greiðsla heyrði undir lægra gjald. Einungis skattar sem staðgreiddir voru á sama almanaksári verða gjaldgengir í endurgreiðslur. Breytingin á ekki við um 2022 eða nein fyrri ár. Við gjaldgengi verður endurgreiðslan send á upprunalega efniseigandann sem sætti staðgreiðslu skatta.
Upplýsingar fyrir rásanet
Mögulega þarf einnig að greiða staðgreiðsluskatt af YouTube-tekjum rásanets frá eigendum efnis í eigu og reknum af rásanetinu. Google mun nota skattaupplýsingarnar sem eru sendar í AdSense fyrir YouTube-reikningi þínum til að reikna út staðgreiðsluskatta á eigendur efnis sem þú átt og rekur. Þetta á við um allar aðrar rásir eða eigendur efnis sem tengjast reikningnum og eru ekki hlutdeildarfélög.
Ef staðgreiðsluskattur er lagður á muntu sjá hann í AdSense fyrir YouTube-greiðsluskýrslunni. Þú færð aðra skýrslu fyrir staðgreiðsluskatt sem er lagður á hlutdeildarfélög.
Google mun senda skattaskjöl (t.d. 1042-S, 1099-MISC) beint til hlutdeildarrása byggt á skattaupplýsingunum sem þær senda í AdSense fyrir YouTube-reikningnum sem tengist rásunum þeirra.