Maghanap gamit ang isang larawan sa Google

Puwede kang matuto pa tungkol sa isang larawan o mga bagay sa iyong paligid gamit ang Google Lens. Halimbawa, puwede kang kumuha ng larawan ng halaman at gamitin ito para maghanap ng impormasyon o iba pang katulad na larawan.

Ang makikita mo kapag naghanap ka

Puwedeng kasama sa iyong mga resulta ang:

• Mga resulta ng paghahanap para sa mga bagay na nasa larawan
• Mga katulad na larawan
• Mga website na may larawan o katulad na larawan

Ang kailangan mo

• Ang pinakabagong bersyon ng Google app
  • Alamin kung paano i-update ang iyong mga Android app.
• Ang Google app o ang Chrome app

Maghanap gamit ang isang larawan mula sa mga resulta ng paghahanap

1. Sa iyong Android phone o tablet, pumunta sa Google.com.
2. Maghanap ng larawan.
3. I-tap ang larawan.
4. Sa kaliwang bahagi sa ibaba, i-tap ang Google Lens .

Maghanap gamit ang isang larawan mula sa website

Mahalaga: Para maghanap gamit ang isang larawan sa website sa Chrome app, dapat mong gawing iyong default na search engine ang Google.

1. Sa iyong Android phone o tablet, pumunta sa Google app o Chrome app .
2. Pumunta sa website kung nasaan ang larawan.
3. Pindutin nang matagal ang larawan.
4. I-tap ang Hanapin ang larawan gamit ang Google Lens.
   • Para hanapin ang isang bahagi ng isang larawan, i-drag ang mga sulok ng box sa paligid ng iyong napili.
5. Sa ibaba, mag-scroll para makita ang mga kaugnay na resulta ng paghahanap.
6. Para pinuhin ang iyong paghahanap, i-tap ang Idagdag sa paghahanap mo.
7. Maglagay ng mga keyword.

Maghanap gamit ang isang larawan mula sa iyong device

1. Sa iyong Android phone o tablet, buksan ang Google app o ang Chrome app .
2. Sa search bar, i-tap ang Google Lens .
3. Kumuha o mag-upload ng larawang gagamitin sa iyong paghahanap:
   • Para kumuha ng larawan: Itutok sa isang bagay ang iyong camera at i-tap ang Hanapin .
   • Para mag-upload ng kasalukuyang larawan: Sa ilalim ng "Mga Screenshot," pumili ng larawan.
4. Piliin ang bahaging gusto mong gamitin para sa iyong paghahanap:
   • Para hanapin ang isang bahagi ng isang larawan, i-tap ang larawan, pagkatapos ay i-drag ang mga sulok ng box sa paligid ng iyong napili.
5. Sa ibaba, mag-scroll para makita ang iyong mga resulta ng paghahanap.
6. Para pinuhin ang iyong paghahanap, i-tap ang Idagdag sa paghahanap mo.
7. Maglagay ng mga keyword.

Tip: Para makakuha ng mga mas partikular na resulta, pumili ng mas maliit na bahagi sa larawan.

Mga kaugnay na resource

• I-on ang SafeSearch para i-block ang mga hindi naaangkop na larawan