I-block o i-ulat ang isang tao mula sa pagtawag o pagmemensahe sa iyo sa Google Meet

Kung ayaw mo nang makatanggap ng mga tawag o mensahe mula sa isang tao, puwede mo siyang i-block.

In-update ng Meet kung paano pinapangasiwaan ang pag-block. Kapag nag-block ka ng isang tao sa Meet:

• Posibleng ma-block ang kanyang email account sa maraming produkto ng Google. Alamin kung paano mag-block o mag-unblock ng mga account ng mga tao.
• Kung iba-block mo ang kanyang numero ng telepono sa Meet, maba-block din ito sa Google Voice at Google Fi, at vice versa.
• Dahil sa pagbabagong ito, sa ilang partikular na sitwasyon, posibleng kailanganin mong mag-block ulit ng mga contact. Para ibalik ang pag-block, sundin ang mga tagubilin sa pag-block.

Tip: Kapag na-block mo ang isang tao mula sa pagtawag sa iyo sa Meet app, puwede pa rin siyang makasali sa Mga panggrupong tawag o meeting sa Meet sa pamamagitan ng isang nakabahaging link. Alamin kung sino ang puwedeng sumali sa iyong mga meeting.

I-block o iulat ang isang tao

Kapag na-block mo na ang isang tao, hindi niya magagawang direktang makipag-ugnayan sa iyo sa pamamagitan ng pag-ring sa iyo sa Meet, pero puwede mo pa ring makaugnayan ang isang taong na-block mo kung magkasama kayo sa isang panggrupong tawag.

1. Sa iyong computer, mag-sign in sa meet.google.com/calling/.
2. Sa ilalim ng "Kamakailang Aktibidad," i-click ang contact na gusto mong i-block Mga Opsyon .
3. Pumili ng isa:
   • I-click ang I-block ang user.
     • Kung naaangkop, lagyan ng check ang kahon sa tabi ng "Iulat bilang spam."
   • I-click ang Mag-ulat ng pang-aabuso at i-block.
4. I-click ang I-block.

Mahalaga: Puwede kang "Mag-block" o "Mag-ulat ng pang-aabuso at i-block" nang hindi nag-uulat bilang spam o pumipili ng uri ng pang-aabuso.

I-unblock ang isang tao

Mahalaga: Kung gumagamit ka ng mga tawag sa Meet sa pamamagitan ng isang Business o EDU account, alamin kung paano mag-block at mag-unblock ng tao.

1. Sa iyong computer, mag-sign in sa meet.google.com/calling/.
2. Sa kanang bahagi sa itaas, buksan ang Mga Setting .
3. Piliin ang Mga naka-block na user.
4. Sa tabi ng pangalan ng tao, i-click ang I-unblock .

Huwag nang makatanggap ng mga tawag sa Google Meet

Alamin kung paano hindi na makatanggap ng mga tawag sa Google Meet.

Mag-ulat ng pang-aabuso sa isang meeting

Bilang bahagi ng aming pangako na panatilihing ligtas ang mga meeting, may kakayahan kang mag-ulat ng pang-aabuso mula sa Google Meet. Alamin kung paano mag-ulat ng pang-aabuso.