Ibahagi ang iyong real-time na lokasyon sa iba

Sa Pagbabahagi ng lokasyon sa Google, mapipili mo kung sino ang makakakita sa iyong lokasyon at kung gaano katagal mo gustong ibahagi ang iyong lokasyon.

Tip: Sa iba pang produkto ng Google, posible ka ring makapagbahagi ng one-time na lokasyon sa iba. 

Palaging makikita ng mga taong pinagbabahagian mo ng iyong lokasyon ang:

• Iyong pangalan at larawan.
• Kamakailang lokasyon ng iyong device kahit na hindi gumagamit ng mga Google app.
• Power ng baterya ng iyong device at kung nagcha-charge ito.
• Oras ng pagdating at pag-alis mo kung magdaragdag sila ng notification ng Pagbabahagi ng Lokasyon.

Puwede rin silang makakita ng iba pang impormasyon depende kung paano ka nagbabahagi.

Ibahagi ang iyong lokasyon

Availability ng Pagbabahagi ng lokasyon

Gumagana ang Pagbabahagi ng Lokasyon kahit na naka-off ang History ng Lokasyon.

Baka makakuha ka ng babala kapag binuksan mo ang Pagbabahagi ng lokasyon. Kabilang sa mga karaniwang dahilan ang sumusunod:

• Nasa bansa o rehiyon ka kung saan hindi mo maibabahagi ang iyong lokasyon.
• Hindi available ang pagbabahagi ng lokasyon para sa iyong domain sa Google Workspace. Para i-on ang pagbabahagi ng lokasyon, hilingin sa iyong administrator.
• Masyado ka pang bata para ibahagi ang iyong lokasyon.
  • Kung ang iyong account ay pinapamahalaan ng isang magulang o tagapag-alaga, mapapamahalaan nila ang Pagbabahagi ng Lokasyon sa Family Link App .

Kung hindi gumagana para sa iyo ang Pagbabahagi ng lokasyon, padalhan kami ng feedback.

Mahalaga: Dapat kang gumamit ng mobile device para ibahagi ang iyong real-time na lokasyon sa pamamagitan ng Pagbabahagi ng lokasyon. Gayunpaman, puwede mong kontrolin ang iyong mga setting ng Pagbabahagi ng lokasyon mula sa computer. Alamin kung paano ibahagi ang lokasyon mo sa iyong Android phone o tablet, o iPhone o iPad.

Hanapin ang lokasyon ng isang tao

Kapag ibinahagi sa iyo ng isang tao ang kanyang lokasyon, makikita mo siya sa iyong mapa.

1. Sa iyong computer, buksan ang Google Maps .
2. I-click ang Menu   Pagbabahagi ng lokasyon.
3. Pumili ng isang tao.

Itago o ipakita ang lokasyon ng isang tao

Kung ayaw mong makita ang real-time na lokasyon ng isang tao sa iyong mapa, puwede mo itong itago. Puwede mong i-on ulit ang kanyang lokasyon anumang oras.

1. Sa iyong computer, buksan ang Google Maps.
2. I-click ang Menu   Pagbabahagi ng lokasyon.
3. I-tap ang kanyang icon.
4. Para pansamantalang itago ang isang tao, i-tap ang Itago sa mapa.

Tip: Puwede mong permanenteng i-block ang lokasyon ng isang tao sa iyong mapa. Alamin kung paano i-block ang account ng ibang tao.

I-on ang lokasyon ng isang tao na itinago mo

1. Sa iyong computer, buksan ang Google Maps .
2. I-click Menu  Pagbabahagi ng lokasyon.
3. Mag-hover sa icon para sa pagtatago sa tabi ng isang tao.
4. I-click ang Ipakita sa mapa.

Ihinto ang pagbabahagi

1. Sa iyong computer, buksan ang Mga setting ng pagbabahagi ng lokasyon.
2. Sa tabi ng tao kung kanino mo gustong ihinto ang pagbabahagi, i-click ang Alisin .