Puwede kang makakuha ng mga naka-personalize na suhestyon at update tungkol sa mga kalapit na lugar gaya ng mga komunidad, lungsod, o estado sa feed ng komunidad sa Google Maps. Kasama sa feed ng komunidad ang:
- Mga update mula sa iba pang user ng Maps, at mga third party gaya ng mga lokal na online na site ng balita
- Mga post mula sa mga taong sinusubaybayan mo
- Mga naka-personalize na rekomendasyon batay sa iyong mga kagustuhan at nakaraang aktibidad
Para mahanap ang feed ng komunidad, kasama sa mga opsyon mo ang:
- Sa tab na “I-explore,” mag-swipe pataas sa placesheet.
- Maghanap ng lungsod o iba pang lugar at mag-swipe pataas sa placesheet.
Tip: Kung namamahala ka ng Profile ng Negosyo at gusto mong mag-post sa feed ng komunidad, alamin kung paano mag-post bilang negosyo.
Mahalaga: Puwedeng mag-alis ng content ang Google kung malalaman naming lumalabag ito sa aming mga patakaran sa content o kung lumalabag ito sa mga naaangkop na batas. Hindi naiimpluwensyahan ang mga rekomendasyon ng pagbabayad mula sa ibang kumpanya. May label ang bayad na content sa Google Maps.
Gamitin ang feed sa tab na Mag-explore
Ang content sa feed mo ay naka-personalize at naka-rank batay sa iyong Aktibidad sa Web at App at kasalukuyang bahagi ng mapa. Kapag inilipat mo ang bahagi ng mapa, awtomatiko nitong ire-reload ang mga kalapit na lugar sa iyong screen. Para i-off ang mga naka-personalize na rekomendasyon, i-update ang mga setting ng iyong Aktibidad sa Web at App.
Matuto pa tungkol sa kung paano i-personalize ang iyong feed.
Puwede kang mag-like, magbahagi, sumubaybay, o magmensahe sa mga negosyo sa kanilang mga indibidwal na card sa iyong feed. Para subaybayan at makatanggap ng mga update mula sa isang tao, i-tap ang Subaybayan sa tabi ng pangalan ng kanilang profile.
Puwede mo ring idagdag ang sarili mong mga post nang direkta mula sa tab na I-explore. Puwedeng irekomenda ang mga larawan o review na idinagdag mo tungkol sa isang lugar sa mga tab na I-explore ng iba pang tao. Puwede ring makita ng iyong mga tagasubaybay ang content mo sa kanilang mga tab. Matuto pa tungkol sa kung paano pamahalaan ang iyong profile sa Maps.
Tip: Para i-minimize ang feed, mag-swipe pababa.
I-explore ang feed ng komunidad kapag naghanap ka ng mga lugar
Para mahanap ang feed ng komunidad, maghanap ng lugar, gaya ng komunidad, lungsod, o estado, at mag-swipe pataas sa placesheet. Makikita mo ang mga kamakailang larawan at review ng lugar na ibinahagi ng aming mga Local Guide.