Ang pagsubaybay sa conversion ay isang libreng tool na nag-uulat tungkol sa mga gustong pagkilos na ginagawa ng mga bisita sa iyong website pagkatapos nilang mag-interact sa mga ad mo. Sinusukat ng mga pag-click ang trapiko at sinusukat naman ng mga conversion ang halaga. Kabilang sa mga halimbawa ng mga layunin sa conversion ang mga monetaryong pagkilos, tulad ng mga pagbibigay ng donasyon, pagbili, pagbebenta ng ticket, bayarin sa membership, pati na rin mga hindi monetaryong pagkilos, tulad ng mga pag-sign up sa email, pag-sign up bilang boluntaryo, bagong pagkumpleto ng membership form, pagsusumite ng kahilingan para sa impormasyon, pagtawag sa iyong organisasyon, o panahong ginugol sa pagbabasa ng content sa website mo.
Paano masubaybayan ang makabuluhang aktibidad sa iyong website:
Tukuyin kung aling tool sa pagsubaybay ang gagamitin (source ng conversion)
Sumubaybay gamit ang isang tag mula sa iyong Ad Grants account o mag-import ng mga layunin mula sa Google Analytics
Nasusubaybayan ang isang conversion sa pamamagitan ng pagdaragdag ng code sa iyong site at nati-trigger ito ng isang bisitang nakikipag-engage sa mga page o content kung saan nilagay ang code. May dalawang pangunahing opsyon na gumagamit ng libreng tool sa Google: puwede kang gumamit ng alinman sa tag ng pagsubaybay sa conversion ng Google Ads o mga na-import na layunin mula sa Google Analytics.
Tukuyin ang iyong layunin (pagkilos na conversion)
Pumili ng makabuluhang pagkilos na conversion
Ipinapakita dapat ng mga pagkilos na susubaybayan mo sa iyong site ang mga layunin ng iyong organisasyon. Mula sa listahan sa ibaba, pag-isipang pumilli sa lahat ng pagkilos na nagsasaad na may bisita ng website na nag-engage sa organisasyon mo.
Mga opsyon sa Layunin sa Google Analytics (i-import sa iyong Ad Grants account)
Mga tinatanggap na uri ng layunin sa Google Analytics
Rekomendasyon: Subaybayan ang isang bisita na nakakakita ng URL ng page na 'salamat,' na naaabot lang kapag may kumumpleto ng makabuluhang pagkilos sa iyong site.
Hindi pinapayagan: Hindi puwedeng gamitin ang iyong homepage o ang isang madalas bisitahing webpage bilang landing page para sa isang Destination URL na layunin, dahil ang bilang ng conversion mo ay hindi magpapakita ng malaking pagkakaiba sa iyong mga pag-click. Kung wala kang page na 'salamat,' gumamit na lang ng Smart Goal.
Smart Goal
Event
Tiyaking i-import sa AdWords ang iyong mga layunin sa Google Analytics pagkatapos mong gawin ang mga ito.
Mga opsyon sa pagkilos na conversion sa Google Ads
Website
Rekomendasyon: Ilagay ang code sa isang page na 'salamat' na naaabot lang ng isang bisita kapag kumumpleto siya ng makabuluhang pagkilos sa iyong site.
Hindi pinapayagan: Hindi puwedeng gamitin ang iyong homepage o ang isang madalas bisitahing webpage bilang landing page para sa isang Conversion sa website, dahil ang bilang ng conversion mo ay hindi magpapakita ng malaking pagkakaiba sa iyong mga pag-click. Kung wala kang page na 'salamat,' i-install ang Analytics at gamitin na lang ang Mga Smart Goal.
App
Tawag sa telepono (Tandaan: availability sa bansa)
Piliin ang naaangkop na kategorya ng conversion
Patakaran sa Ad Grants: Dapat gamitin ang kategorya ng conversion na Pagbili/Benta para sa anumang conversion na batay sa pera, hal. Mga pagbibigay ng donasyon, pagbebenta ng mga produkto, bayarin sa membership o pagbebenta ng ticket.
Kategorya ng Conversion |
Mga layunin sa conversion ng nonprofit |
| Pagbili/Benta |
|
| Pag-sign up |
|
| Lead |
|
| Pagtingin sa isang pangunahing page |
|
| Iba pa |
|
Magtakda ng mga halaga ng conversion
Magtakda ng mga halaga para sa mga conversion mo para masubaybayan mo kung aling mga uri ng campaign ang pinakaepektibo
Hindi lahat ng conversion ay pantay-pantay — mas may halaga ang ilan sa iyong mga layunin kumpara sa iba. Kung magtatalaga ka ng mga halaga sa iyong mga conversion, matatantiya mo ang kabuuang halagang inihahatid ng iyong mga ad para sa iba't ibang uri ng conversion, sa halip na ang bilang lang ng mga conversion. Pagkatapos, magagawa mong tukuyin at pagtuunan ang mga conversion na may pinakamalaking halaga.
[Inirerekomenda] Gumamit ng iba't ibang halaga para sa bawat conversion
Posibleng mag-iba ang halaga na partikular sa transaksyon tuwing mangyayari ang parehong uri ng conversion. Halimbawa, kung tumatanggap ka ng mga donasyon online, posibleng nagkakahalaga ng $25 ang isang conversion sa donasyon, habang nagkakahalaga ng $100 ang isa pa. Puwede mong subaybayan ang mga natatanging halaga para sa bawat conversion para sa maraming uri ng conversion, tulad ng:
- Mga Donasyon
- Mga Pagbili
- Mga bayarin sa membership
- Mga pagbebenta ng ticket
- Iba pang monetaryong layunin
Kung ipinapakita ng website mo ang mga partikular na halaga ng bawat conversion at hindi napupunta ang iyong site sa hiwalay na page ng pasasalamat para sa bawat conversion; gamitin ang pagsubaybay ng Ecommerce ng Google Analytics o ang Halaga ng conversion na partikular sa transakyon ng AdWords para subaybayan ang mga dynamic na halaga.
Inirerekomenda naming piliin mo ang "Bawat" sa iyong mga setting sa pagbibilang ng conversion kung ganito ang sitwasyon, para mabilang ang bawat donasyon kahit na mula sa parehong tao, sa halip na sa unang donasyon lang mula sa taong iyon.
Sa ibaba, makakakita ka ng mga step-by-step na tagubilin para sa kung paano subaybayan ang mga natatanging halaga sa ilan sa mga pinakasikat na platform ng donasyon:
Gamitin ang parehong halaga para sa bawat conversion:
Kung hindi naka-set up ang iyong website para magpakita ng natatanging bilang ng benta o halaga ng donasyon, o kung mayroon lang itong libreng text box na daragdagan ng halaga ng donasyon, gamitin na lang ang average mong halaga.
Halimbawa, kung napupunta sa parehong page na ‘salamat’ ang lahat ng donasyon at alam mong $20 ang average na online na donasyon, puwede mong itakda ang iyong average na halaga sa $20 para sa lahat ng pagbisita sa page na ‘salamat.’
Para magbago ng halaga ng conversion, sundin ang mga hakbang na ito:
- Mag-sign in sa iyong Google Ads account.
- Sa kanang sulok sa itaas ng iyong account, i-click ang tool icon.
- Sa ilalim ng "Pagsukat," i-click ang Mga Conversion.
- I-click ang pangalan ng pagkilos na conversion na gusto mong baguhin.
- I-click ang I-edit ang mga setting.
- I-click ang Halaga.
- Piliin ang “Gamitin ang parehong halaga para sa bawat conversion”
- Ilagay ang currency at average na halaga ng bawat donasyon sa mga opsyon sa drop down.
- I-click ang I-save.
- I-click ang Tapos na.
Itakda ang bilang ng iyong conversion
Tiyaking binibilang mo nang tumpak ang bawat makabuluhang pagkilos
Subaybayan kung paano mo binibilang ang mga conversion batay sa uri ng conversion na iyong sinusubaybayan. Puwede mong piliing bilangin ang bawat conversion na nangyayari pagkatapos ng pag-click, o isang conversion lang na nangyayari pagkatapos ng isang pag-click.
Gamitin lang ang bawat kapag may karagdagang halaga na idinaragdag sa karagdagang conversion. Halimbawa, ang pag-sign up ng isang bisita para mangasiwa ng dalawang charity race pagkatapos ng iisang pag-click sa ad ay isang bagay na gugustuhin mong subaybayan bilang 2 conversion, kaya piliin ang bawat.
Kung walang gagawing karagdagang halaga, piliin ang isa. Halimbawa, kung dalawang beses ida-download ng iisang tao ang parehong content, gugustuhin mo lang itong subaybayan bilang 1 conversion, kaya piliin ang isa.
Kapag napagpasyahan mo na ang pinakamainam na paraan para bilangin ang mga conversion na iyong nagawa, i-adjust ang mga setting sa pagbibilang.
Tukuyin ang palugit ng iyong conversion
Isama ang lahat ng conversion na nangyayari sa loob ng naaangkop na time frame
Ang isa pang opsyon para mag-customize kapag nagse-set up ng pagsubaybay sa conversion ay ang iyong palugit ng conversion. Puwede mong i-adjust ang time frame, o palugit, kung kailan gusto mong bilangin ang conversion mula sa isang taong nag-click sa iyong ad.
Nakatakda sa “30 araw” ang default na palugit, na nangangahulugang masusubaybayan mo ang mga conversion na nangyari sa loob ng 30 araw ng pag-click sa iyong ad.
Magsama lang ng mga macro at lower funnel na pagkilos sa "Mga Conversion"
Tiyaking gumagamit ng nauugnay na impormasyon ang mga naka-automate na tool
Itinatakda ng setting na ito kung anong mga pagkilos na conversion ang kasama para gamitin ng mga naka-automate na feature.
Para sa mga strategy sa smart bidding tulad ng Pag-maximize ng Mga Conversion, ang lahat ng conversion kung saan "oo" ang "Isama sa mga conversion" ay isasama para gumawa ng mga desisyon sa pag-bid ang system. Ang default na setting ay magsama, pero puwede mong piliing huwag isama ang ilang layunin sa conversion na hindi ganoon kahalaga sa iyong organisasyon.
Tukuyin kung aling modelo ng attribution ang gagamitin mo
Tukuyin kung gaano kalaking credit ang naka-attribute sa bawat pag-click bago ang isang conversion
Bago ang isang conversion, posibleng maghanap ang isang tao nang maraming beses at mag-interact sa maraming ad mula sa parehong advertiser. Nagbibigay-daan sa iyo ang mga modelo ng attribution na pumili kung gaano kalaking credit ang makukuha ng bawat pag-click para sa mga conversion mo. Puwede mong i-attribute ang credit sa unang pag-click, huling pag-click, o kumbinasyon ng maraming pag-click ng customer.
Inirerekomendang pinakamahuhusay na kagawian: Pag-isipang gumamit ng isang modelo ng attribution bukod sa huling pag-click
Inirerekomenda naming gamitin ang Time Decay (tinatawag ding Waterfall model). Nagbibigay ito ng halaga sa mga distribusyon nang may mas malaking naka-allocate sa huling interaction. Halimbawa, kapag may 4 na pag-click sa mga ad bago ang isang conversion, ang bawat pag-click ay makakakuha ng bahagi ng mga conversion, hal. 0.4, 0.3, 0.2 at 0.1.
Gamitin ang data ng iyong conversion para turuan ang smart bidding
Ang mga Ad Grantee na gumagamit ng mga naka-automate na conversion-based bidding strategy, tulad ng Pag-maximize ng Mga Conversion, Target na CPA at Target na ROAS, ay makakapag-bid nang mas mataas sa $2.00 na limitasyon ng programa sa pag-bid.
Mahalaga ang tumpak na pagsubaybay sa conversion kaya gumagamit ng mga tumpak na insight ang mga strategy sa smart bidding para mag-bid nang mas mataas para sa mahahalagang pag-click sa iyong organisasyon.
Itakda ang iyong strategy sa pag-bid sa Pag-maximize ng Mga Conversion o Pag-maximize ng Mga Halaga ng Conversion
Gumamit ng strategy sa Smart Bidding na nakabatay sa conversion at hayaan ang system na mag-bid nang mas mataas para sa isang audience na mas malamang na kukumpleto ng iyong mga online na layunin.
Ang Ad Grants ay may limitasyong $2 na Cost-per-click (CPC) pero para matulungan ang mga Grantee na manghikayat ng higit pang makabuluhang bisita puwedeng malampasan ang CPC na ito para sa mga strategy sa Smart Bidding na nakabatay sa conversion.
- Mag-sign in sa iyong Google Ads account.
- Sa menu ng page sa kaliwa, i-click ang Mga Campaign.
- Piliin ang campaign na gusto mong i-edit.
- I-click ang Mga Setting sa menu ng page para sa campaign na ito.
- Buksan ang Pag-bid at pagkatapos ay i-click ang Baguhin ang strategy sa pag-bid.
- Piliin ang Pag-maximize ng Mga Conversion, Pag-maximize ng Mga Halaga ng Conversion, Target na CPA, o Target na ROAS mula sa drop-down na menu. Inirerekomenda namin ang Pag-maximize ng Mga Conversion.
- I-click ang I-save.
Pag-troubleshoot ng Pagsubaybay sa Conversion
Kung nagre-record ka ng hindi karaniwang mababang bilang o walang conversion
Kung ginagamit mo ang tag ng conversion ng Google Ads
I-verify na gumagana ang iyong tag ng conversion: Mag-navigate para makita ang iyong mga conversion at tingnan ang column na “Status ng Pagsubaybay.” Mag-hover sa symbol ng pagmemensahe na ‘Pag-record ng Mga Conversion’ para tukuyin ang iyong status. Sundin ang mga hint para matugunan ang isyu. Tingnan: Suriin ang iyong tag ng pagsubaybay sa conversion.
I-verify na nasa tamang lugar ang code / tag: Pagkatapos mong ma-click ang bawat conversion na naidagdag mo, makakakita ka ng tab na tinatawag na Mga Webpage, na inililista ang mga URL ng mga page kung saan ka sumusubaybay ka ng mga conversion. Ito ang mga page kung saan mo idinagdag ang iyong tag ng conversion. Bisitahin ang mga URL na ito at gamitin ang Google Tag Assistant para makita kung mayroong anumang isyu sa code.
Kung mukhang gumagana nang maayos ang lahat pero nagre-record ka ng 0 conversion:
-
Tiyaking nakopya at na-paste mo ang code sa iyong site mismo.
-
Tingnan kung may iba pang application at/o plugin na nakakaabala sa code.
-
Magkamukha ang code ng remarketing at code ng conversion kaya tiyaking hindi nahalo ang mga ito sa proseso.
Kung gumagamit ka ng Mga Layunin sa Google Analytics
Tingnan: Hindi sumusubaybay ng mga layunin ang Analytics
Kung nagre-record ka ng hindi karaniwang malaking bilang ng conversion o mataas na rate ng conversion
Mga Gabay:
- Artikulo sa pag-troubleshoot ng pagsubaybay sa conversion ng Google Ads: Tingnan ang iyong tag ng pagsubaybay sa conversion.
- Artikulo sa pag-troubleshoot ng layunin sa Analytics: Hindi sumusubaybay ng mga layunin ang Analytics
- Ad Grants Live Stream sa pag-aayos ng mga karaniwang problema sa pagsubaybay sa conversion