Kapag na-on ang pag-verify ng pagbili, o pag-authenticate, makakatulong na pigilan ang mga hindi pinapahintulutang pagbili sa iyong device.
Kung na-on mo ang pag-verify, hihilingin sa iyong gamitin ang biometrics o ang password ng Google Account mo para i-verify na ikaw iyan sa tuwing bibili ka sa pamamagitan ng Google Play sa iyong device. Kung kakailanganin mo, puwede mong baguhin o i-reset ang password ng iyong Google Account.
Tumutukoy ang biometrics sa anumang fingerprint o face model na naka-store sa iyong device. Tandaang magagamit ang anumang biometrics na naka-store sa iyong device para sa pag-verify. Kung may ibang gumagamit sa iyong device at pipiliin mo ang biometrics bilang paraan ng pag-verify mo, tiyaking kumportable ka sa lahat ng biometrics na naka-store sa iyong device na magagamit para sa pag-verify.
Mahalaga: Nalalapat lang ang mga setting ng pag-verify ng pagbili sa mga pagbiling gagawin sa pamamagitan ng system ng pagsingil ng Google Play.
Para aprubahan ang mga pagbili gamit ang Google Assistant mo, alamin kung paano itakda ang iyong impormasyon ng pagbabayad.Nakakatulong ang pag-verify ng pagbili sa Google Play para mapigilan ang mga hindi pinapahintulutang pagbili sa iyong device. Lalo itong mahalaga kung ibinabahagi mo sa iba ang iyong device. Nakasaad sa ibaba ang mga pagbabago sa kung paano ive-verify ng mga user ng Google Play sa South Korea ang kanilang mga pagbili sa pamamagitan ng Google Play:
- Sa iyong mobile device
- Kapag pumunta ka sa Google Play Store sa iyong mobile device, ive-verify mo ang mga pagbili gamit ang paraan ng pag-verify (hal. PIN, pattern, password, o biometrics) na ginagamit mo rin para i-unlock ang device mo, sa halip na ang password ng iyong Google Account.
- Nalalapat ang iyong setting ng pag-authenticate ng pagbili sa Google Play sa iisang device at Google Account. Puwede mong baguhin ang dalas ng pag-authenticate anumang oras sa Google Play.
- Kung may suporta sa biometrics (gaya ng iyong mukha o fingerprint) para sa pag-unlock ang device mo at ie-enable mo ang feature na iyon, mave-verify rin ang mga pagbili sa Google Play gamit ang anumang biometrics na naka-store sa device. Mahalaga ito kung may naka-store kang biometrics ng iba para ma-unlock ang device at ayaw mong i-enable iyon para sa pag-verify ng pagbili. Sa ganoong sitwasyon, alisin ang anumang biometrics sa iyong device na ayaw mong magamit para sa pag-verify ng pagbili, o gumamit ng ibang uri ng seguridad sa pag-unlock ng device (gaya ng PIN, pattern, o password) at huwag itong ibahagi.
- Para sa higit pang impormasyon, pumunta sa Help Center ng Android para alamin kung paano magtakda ng lock ng screen sa Android device.
- Sa web sa play.google.com
- Para mag-verify ng mga pagbili at pag-install ng app sa web sa play.google.com, kakailanganing gumamit ka ng 2-Step na Pag-verify, na makakatulong sa pagprotekta ng iyong account. Para sa higit pang impormasyon, pumunta sa Help Center ng Google Account para alamin kung paano i-on ang 2-Step na Pag-verify. Tandaang dahil sa mga protocol sa seguridad, posibleng hilingin sa ilang user na tumapos ng panahon ng paghihintay pagkatapos ma-set up ang 2-Step na Pag-verify bago nila ito magamit sa mga transaksyon sa web sa play.google.com. Puwede mong baguhin ang Mga Setting ng pag-verify ng pagbili sa play.google.com/settings anumang oras.
I-on o i-off ang pag-verify
Maliban sa iyong mga setting sa play.google.com at ilang partikular na setting ng Google Assistant, na nalalapat sa lahat ng device, nalalapat lang ang mga setting ng pag-verify sa aktibong account sa device kung saan mo itinakda ang mga ito. Kung ginagamit mo ang iyong Google Account sa mahigit isang device, ulitin ang mga hakbang sa ibaba para sa bawat device. Kung gumagamit ka ng maraming account sa iyong device, ulitin ang mga hakbang sa ibaba para sa bawat account sa device.
Tip: Makakatulong kang pigilan ang mga hindi sinasadyang pagbili sa iyong device mula sa mga app at laro na available sa labas ng seksyong Pampamilya sa pamamagitan ng pag-on sa pag-verify ng pagbili. Sa mga app o laro na idinisenyo para sa mga 12 taong gulang at mas bata, ive-verify ulit ng Google Play ang user bago siya makabili ng anuman sa app. Nakakatulong ito para matiyak na maaaprubahan ng taong responsable sa pananalapi ang pagbili ng bata.
- Buksan ang Google Play app
.
- Sa kanang sulok sa itaas, i-tap ang icon ng profile.
- I-tap ang Mga Setting
Pag-verify ng pagbili
- Pumili ng setting.
- Kumpirmahin ang pagbabago.
Pag-verify ng pagbili - Sa iyong Android phone o tablet, sabihin ang "Hey Google, buksan ang mga setting ng Assistant."
- Sa ilalim ng "Mga sikat na setting," i-tap ang Ikaw
Mga Pagbabayad.
- I-on o i-off ang Magbayad sa pamamagitan ng iyong Assistant.
- I-on o i-off ang Kumpirmahin gamit ang fingerprint o mukha at Kumpirmahin gamit ang Voice Match.
Mga Pagbabayad.Matuto kung paano magsagawa ng mga pagbabayad gamit ang Voice Match.
Kung ginagamit mo ang Play Store app sa iyong Chromebook:
- Buksan ang Google Play Store app
- I-click ang Menu
- I-click ang Mga kagustuhan sa pag-verify.
- Pumili ng setting.
- Sundin ang mga tagubilin sa screen.
Mga Tip:
- Gagana lang ito kung ginagamit mo ang Google Play Store app sa iyong Chromebook. Alamin pa kung paano gamitin ang Google Play Store sa Mga Chromebook.
- Para mabago ang mga setting ng pag-verify, kakailanganin mo ang iyong password sa Google. Bumisita sa pag-recover ng account kung hindi mo naaalala ang iyong password.
Kapag naka-on ang iyong biometric na pag-verify, hihilingin sa iyong gamitin ang fingerprint o mukha sa tuwing bibili ka para i-verify na ikaw ito.
Mahalaga: Puwedeng gamitin ang lahat ng biometrics na naka-store sa iyong device para mag-verify ng mga pagbiling ginawa sa Google Account mo. Tandaan ito kung ibabahagi mo ang iyong device sa iba.- Buksan ang Google Play app
- Sa kanang sulok sa itaas, i-tap ang icon ng profile.
- I-tap ang Mga Setting
- Sundin ang mga prompt para i-on o i-off ang Biometric na pag-verify.
- Pumunta sa play.google.com.
- Sa kanang bahagi sa itaas, i-click ang iyong icon ng profile.
- I-click ang Mga Setting.
- Sa "Mga kagustuhan sa pag-verify," pumili ng setting.
- I-click ang I-update.
- Sa iyong computer, buksan ang Google Play Games
.
- Sa itaas, i-click ang iyong gamer name.
- I-click ang Mga Setting
.
- Sa tabi ng "Pag-verify ng pagbili," i-click ang I-reset.
.Ang ibig sabihin ng mga setting ng pag-verify
Kung pansamantala mong io-off ang pag-verify para sa mga pagbili, posibleng mauwi ito sa pagkakaroon ng mga hindi pinapahintulutang pagbili. Responsibilidad mo ang lahat ng singil kasama ang hindi sinasadya o hindi pinapahintulutang pagbili.
Mga Tip:
- Para panatilihing secure ang iyong account, i-on ang pag-verify ng pagbili para sa bawat pagbili.
- Nalalapat lang ang mga setting ng pag-verify sa mga pagbiling ginawa sa pamamagitan ng system ng pagsingil ng Google Play sa device kung saan pinili ang setting.
- Palaging kinakailangan ang pag-verify para sa bawat pagbili sa pamamagitan ng system ng pagsingil ng Google Play para sa app o larong idinisenyo para sa mga 12 taong gulang pababa, kahit na iba ang pagkaka-set up ng iyong mga setting.
- Kapag gumawa ka ng grupo ng pamilya sa Google Play, puwedeng gamitin ng mga miyembro ng iyong pamilya ang paraan ng pagbabayad ng pamilya para bumili sa pamamagitan ng system ng pagsingil ng Google Play. Alamin kung paano mag-set up at mamahala ng grupo ng pamilya.
Available ang mga sumusunod na opsyon para sa dalas ng pag-verify:
- I-verify ang lahat ng pagbili: Kinakailangan ang pag-verify para sa bawat pagbili ng digital na content sa pamamagitan ng system ng pagbili ng Google Play, pati sa loob ng mga app.
- I-verify ang mga pagbili kada 30 minuto (Mobile device lang): Sa tuwing magve-verify ka ng pagbili, puwede kang magpatuloy sa pagbili ng lahat ng anyo ng digital na content sa pamamagitan ng system ng pagsingil ng Google Play (pati sa loob ng mga app) sa susunod na 30 minuto nang hindi nagve-verify ulit.
- Huwag kailanman i-verify ang mga pagbili: Hindi kinakailangan ang pag-verify para sa anumang pagbili sa pamamagitan ng system ng pagsingil ng Google Play.
Nalalapat lang ang mga setting na ito kapag naka-sign in ka sa play.google.com sa anumang device at nalalapat lang ang mga ito sa mga pagbiling gagawin sa pamamagitan ng system ng pagsingil ng Google Play. Hindi naaapektuhan ng mga setting na ito ang iyong mga setting ng pag-verify sa labas ng play.google.com (halimbawa, kapag nasa Google Play app ka sa mobile device mo).
Lahat ng pagbili at pag-install ng app sa pamamagitan ng play.google.com (default na setting): Kinakailangan ang pag-verify para sa bawat pagbili ng digital na content sa pamamagitan ng iyong Google account sa play.google.com.
Mga pag-install lang ng app sa pamamagitan ng play.google.com: Kapag naka-sign in ka sa play.google.com, hindi kinakailangan ang pag-verify para sa mga pagbili ng digital na content tulad ng bayad na content at mga in-app na pagbili. Kinakailangan ang pag-verify para sa mga malayuang pag-install ng app sa pamamagitan ng iyong Google account sa play.google.com.
Mga Tip:
- Kung ibinabahagi mo sa iba ang iyong mga device o kung gusto mong pigilan ang pagbili ng pambatang content sa pamamagitan ng play.google.com, i-on ang pag-verify para sa mga pagbili.
- Nalalapat lang ang mga setting ng pag-verify sa mga pagbiling gagawin sa pamamagitan ng system ng pagsingil ng Google Play.