Saan dapat ilagay ang iyong mga Wifi device

Mahalaga ang pagkakalagay ng iyong Google Nest Wifi router at mga point o Google Wifi point sa pagiging maaasahan ng Wi-Fi network mo sa iyong buong bahay. Pero walang tiyak na paraan para malaman kung saan mainam na ilagay ang mga ito. Ang pinakamagandang lokasyon para sa iyong router at mga point ay nakadepende sa ilang iba't ibang bagay gaya ng:

• Laki ng bahay
• Uri ng pagkakagawa ng tahanan
• Saan ka madalas gumagamit ng Wi-Fi
• Layout ng iyong bahay
• Pagkakalagay ng iyong mga Wifi point

Maglagay ng bagong Wifi router o add-on point

 Saan dapat i-set up ang mga Nest Wifi device

Kasama sa mga Nest Wifi device ang Google Nest Wifi router at mga Nest Wifi point na may mga speaker na may Google Assistant. Puwede ka ring magdagdag ng mga Google Wifi point sa iyong Nest Wifi network sa paraang pareho sa kung paano ka magdagdag ng mga Nest Wifi point.

Ilagay ang iyong Nest Wifi router

Kailangan ay nakakonekta ang iyong router sa isang modem. Puwede nitong malimitahan ang paglalagyan mo nito, depende sa kung nasaan ang modem mo at sa haba ng mga Ethernet at power cable.

Kung posible, huwag ilagay sa sahig ang iyong router, sa halip ay sa lugar na madaling makita, tulad ng shelf o TV stand. Subukang pumili ng nasa sentrong lokasyon na kapantay ng mata.

Magdagdag ng Nest Wifi point o Google Wifi point

Para makapaghatid ng coverage ng Wi-Fi sa bawat sulok ng iyong bahay, malakas dapat ang koneksyon sa pagitan ng bawat point. Tiyaking magkakapareho ang pagitan ng Nest Wifi router at mga point pero hindi masyadong malayo ang mga ito sa isa't isa.

1. Magsimula sa iyong router.
2. Ngayon, isipin kung saan mo pa gusto ng malakas na signal ng Wi-Fi sa iyong bahay. Ilagay ang iyong point sa gitna, papunta sa direksyong iyon, pero nang may layong hindi hihigit sa 2 kuwarto mula sa router mo o sa isa pang point.
   • Kung nagse-set up ka ng Nest Wifi point, sa lokasyong ito ka rin makikipag-ugnayan sa Google Assistant.
   • Ilagay ang iyong point sa isang bukas na lugar at iwasang ilagay ito malapit sa iba pang bagay na pisikal na makakaharang sa signal.
3. Maghanap ng malapit na saksakan. Tiyaking nakakonekta ang power adapter sa iyong point, pagkatapos ay isaksak ang kabilang dulo. Kung nagse-set up ka ng Nest Wifi point, magpapatay-sindi ang ilaw ng point para ipakitang nag-o-on ito.

4. Kapag na-set up mo na ang iyong network, puwede kang magsagawa ng pagsusuri sa mesh para i-verify na malakas ang mga koneksyon mo at isaayos ulit ang pagkakalagay sa iyong mga point kung kinakailangan. Para sa higit pang tip sa paglalagay ng Wifi device, alamin kung paano palawakin ang coverage para sa isang kasalukuyang network.

Ulitin ang mga hakbang na ito para sa anumang karagdagang point.

 Saan dapat i-set up ang mga Google Wifi device

Ang Google Wifi ay binubuo ng mga Google Wifi point. Puwede ka ring magdagdag ng mga Google Nest Wifi point bilang mga karagdagang point. Hindi puwedeng gamitin bilang pangunahing point (router) ang Nest Wifi point. 

Ilagay ang iyong pangunahing Google Wifi point

Kailangang nakakonekta ang iyong pangunahing Wifi point sa isang modem. Puwede nitong malimitahan ang paglalagyan mo nito, depende sa kung nasaan ang modem mo at sa haba ng mga Ethernet at power cable.

Kung posible, huwag ilagay sa sahig ang iyong point, at ilagay ito sa lugar na madaling makita, gaya ng istante o TV stand. Subukang pumili ng nasa sentrong lokasyon na kapantay ng mata.

Magdagdag pa ng mga point

Para makapaghatid ng coverage ng Wi-Fi sa bawat sulok ng iyong bahay, malakas dapat ang koneksyon sa pagitan ng bawat point. Tiyaking magkakapareho ang pagitan ng mga point pero hindi masyadong malayo ang mga ito sa isa't isa.

1. Magsimula sa iyong pangunahing Google Wifi point.
2. Ngayon, isipin kung saan mo pa gusto ng malakas na signal ng Wi-Fi sa iyong bahay. Ilagay ang susunod mong point sa gitna, papunta sa direksyong iyon, pero nang may layong hindi hihigit sa dalawang kuwarto mula sa pangunahing point. 
   • Kung nagse-set up ka ng Nest Wifi point, sa lokasyong ito ka rin makikipag-ugnayan sa Google Assistant.
   • Ilagay ang iyong point sa isang bukas na lugar at iwasang ilagay ito malapit sa iba pang bagay na pisikal na makakaharang sa signal. 
3. Maghanap ng malapit na saksakan at isaksak ang iyong point.
4. Kapag na-set up mo na ang iyong network, puwede kang magsagawa ng pagsusuri sa mesh para i-verify na malakas ang mga koneksyon mo at isaayos ulit ang pagkakalagay sa iyong mga point kung kinakailangan. Para sa higit pang tip sa paglalagay ng Wifi device, alamin kung paano palawakin ang coverage para sa isang kasalukuyang network.

Ulitin ang mga hakbang na ito para sa anumang karagdagang point.

Palawakin ang coverage para sa isang kasalukuyang network

Kapag na-set up mo na ang iyong mga device, magsagawa ng pagsusuri sa mesh para malaman kung mahina ang koneksyon ng isa sa mga point mo. Para mapalakas ang koneksyon, subukan ang mga rekomendasyong ito:

Ilipat ang Wifi point sa parehong kuwarto

• Line of sight. Mas mahusay ang performance ng mga point kapag walang nakaharang sa pagitan ng mga ito. Posibleng humusay ang performance ng mga point kapag iniba ang puwesto ng mga ito para maiwasan ang mga harang gaya ng mga pader, pinto, at aquarium.
• Huwag ilagay sa sahig. Posibleng lubos na lumawak ang coverage kapag hindi inilagay ang mga device sa sahig, at ipinatong ang mga ito sa isang istante.

Ilipat ang Wifi point sa ibang kuwarto

• Panatilihing magkakalapit ang mga ito. Pinakamahusay gumana ang mga point kapag hindi hihigit sa dalawang kuwarto ang layo ng mga ito sa isa't isa. Halimbawa, kung mahina ang Wi-Fi sa isang sulok ng iyong bahay, huwag maglagay ng Wifi point sa lokasyong iyon. Sa halip, ilagay ito sa gitna, papunta sa direksyong iyon.
• Isaalang-alang ang iyong buong mesh network. Umaasa ang mga point sa isa't isa pagdating sa paghahatid ng malawak na coverage sa iyong bahay. Para maisaayos ang isang partikular na “mahinang” point, posibleng kailanganin mong maglipat ng ibang point para maisaayos ito.

Tiyaking tama ang bilang ng mga Wifi point para sa iyong bahay

• Kung mayroon pa ring mga isyu sa coverage sa ilang bahagi ng iyong bahay pagkatapos mong iIipat ang iyong mga point, pag-isipang magdagdag ng 1 o higit pang point para maghatid ng higit pang coverage. Alamin kung ilang Wifi point ang kailangan mo batay sa laki ng iyong bahay.
• Idinisenyo ang Nest Wifi at Google Wifi para sumuporta ng hanggang 5 router at point sa bawat network, at hindi ginawa ang mga ito para gamitin sa maraming tirahan. Kapag ginamit ang Nest Wifi o Google Wifi sa ganitong paraan, puwedeng mas bumagal ang Wi-Fi at maging paputol-putol ang mga koneksyon.

Kung may ililipat kang point, magsagawa ng isa pang pagsusuri sa mesh para matiyak na malakas ang koneksyon sa bagong lokasyon.

Mga insight sa network

Puwedeng lumabas ang mga insight sa Wi-Fi network sa iyong Aktibidad sa Google Home  para sa mga isyung nauugnay sa artikulong ito. Kapag may natukoy na isyu sa iyong network ang mga Nest Wifi o Google Wifi device, magkakaroon ka ng card ng insight sa Google Home feed mo na nagpapabatid sa iyong posibleng may problema at nagmumungkahi ng solusyon.

Kung nakatanggap ka ng nauugnay na insight sa network, tingnan ang iyong mensahe ng insight sa ibaba para sa higit pang impormasyon:

"Ilipat ang [Wifi router o point] para lumakas ang signal"

Matatanggap mo ang alertong ito kung made-detect ng Nest Wifi o Google Wifi na mahina ang signal ng Wi-Fi ng isang point na nakakonekta sa iyong network. 

"Nakakonekta ang iyong Wifi point, pero mahina at wala pang -77dBm (decibel-milliwatts) ang average na signal nito sa nakalipas na 24 na oras."

Pag-aayos: Sundin ang mga hakbang sa itaas para palawakin ang coverage ng iyong network.