Kapag pinino mo ang pag-target ng audience sa iyong App campaign gamit ang mga segment ng pagbubukod ng audience, mapipili mo kung sino ang hindi dapat tumingin sa mga ad mo. Matuto pa tungkol sa mga segment ng pagbubukod ng audience para sa mga App campaign
Bago ka magsimula
Para magamit ang mga pagbubukod sa audience, dapat mong ikonekta ang iyong campaign sa naaangkop na source ng conversion batay sa pag-optimize ng campaign.
- Kung nag-o-optimize ka lang para sa ga pag-install, dapat Firebase ang source ng conversion.
- Kung nag-o-optimize ka para sa mga pag-install at in-app na pagkilos, dapat Firebase o Google Play ang source ng conversion para sa mga pag-install, at dapat Firebase para sa mga in-app na pagkilos.
Para matagumpay na makapagbukod ng ilang partikular na potensyal o kasalukuyang user ng app sa iyong audience base para sa pag-advertise, dapat mong sundin ang lahat ng hakbang sa ibaba.
- I-link ang iyong campaign sa Firebase SDK account mo.
- I-enable ang pagsubaybay sa conversion sa Firebase.
- Kung gumagamit ka ng cross-account na pagsubaybay sa conversion para sukatin ang mga conversion sa isang manager account, i-set up ang pagsubaybay sa conversion sa Firebase at i-enable ang pag-bid mula sa iyong manager account.
- Dapat ay mayroon kang segment ng audience na kwalipikado para sa pagbubukod. Kasama sa mga ito ang mga segment ng audience sa Google Play at mga segment na na-import mula sa Google Analytics para sa Firebase (nakabatay dapat ang mga ito sa mga event sa Firebase).
Tiyaking kumpletuhin ang lahat ng hakbang na nakadetalye sa itaas habang gumagawa ng mga segment ng pagbubukod ng audience. Kung hindi mo pa ito nagagawa, makakatanggap ka ng prompt para matugunan ang mga nawawalang kinakailangan.
Mga Tagubilin
Tandaan: Ang mga tagubilin sa ibaba ay bahagi ng bagong disenyo para sa experience ng user sa Google Ads. Para gamitin ang dating disenyo, i-click ang icon ng "Hitsura," at piliin ang Gamitin ang dating disenyo. Kung ginagamit mo ang dating bersyon ng Google Ads, suriin ang Quick reference na mapa o gamitin ang Search bar sa panel ng navigation sa itaas ng Google Ads para makita ang page na hinahanap mo.
- Sa iyong Google Ads account, i-click ang icon ng Mga Campaign
.
- I-click ang drop down na Mga audience, mga keyword, at content sa menu ng seksyon.
- I-click ang Mga Audience.
- Sa dropdown na "Mga Pagbubukod," i-click ang I-edit ang mga pagbubukod.
- Sa "Piliin ang level para sa pag-edit ng mga pagbubukod," i-click ang Campaign.
- Ifi-filter sa itaas ang lahat ng campaign na kwalipikado para sa mga pagbubukod ng audience.
- Puwede mong i-revert ang segment sa lahat ng campaign sa pamamagitan ng pag-click sa field na “Pagiging kwalipikado” at pagpili sa Lahat sa lalabas na dropdown na menu.
- Piliin ang campaign na gagawan mo ng mga pagbubukod ng audience.
- Lagyan ng check ang mga kahon sa tabi ng lahat ng naaangkop na audience. Sumangguni sa paalala sa mga kwalipikadong segment sa nakaraang seksyon.
- I-click ang I-save.
Available lang ang mga pagbubukod ng audience sa level ng campaign. Hindi mo puwedeng gawin ang mga ito sa level ng account.
