Bawat taon, ipinapakita ng Google I/O ang kasiyahang maihahatid ng teknolohiya sa ating mga buhay. Ibinahagi ng mga mobile app ang kasiyahang iyon sa bilyun-bilyong tao sa buong mundo, na nagbigay-daan sa mga developer ng app na magkaroon ng mga bagong pagkakataon sa negosyo.
Ngayon, magbabahagi kami ng ilang paraan para makatulong na palawakin ang iyong negosyo gamit ang mga solusyon ng Google sa pagpapalago at pag-monetize.
Hanapin ang mga tamang user ng app
Nagsisimula ang mahusay na user acquisition sa pag-abot sa mga taong magiging pinakanakatuon sa app mo at makakatulong sa iyong makuha ang pinakamalaking kita. Gamit ang mga Google App campaign, makakapili ka ng opsyon sa pag-bid na pinakamahusay na susuporta sa iyong mga layunin sa pagpapalago. Halimbawa, pinapadali para sa iyo ng Target na CPA na pag-bid na makahanap ng mga bagong user na mag-i-install ng app mo at magsasagawa ng in-app na pagkilos.
Para lumago ang iyong negosyo nang kumikita, mahalaga ring pag-isipan kung magkano ang kinikita mo kumpara sa gastos sa paghimok sa mga pag-install at pagkilos na iyon. Kaya naman, malapit ka nang makapag-bid sa isang target na return on ad spend (tROAS) para awtomatiko kang makapagbayad nang mas malaki para sa mga user na mas malamang na gumastos nang mas malaki, at makapagbayad nang mas maliit para sa mga user na malamang na gumastos nang mas maliit. Kung naghahanap ka ng mga user na gagastos nang doble ng gastos sa pagkuha sa kanila, puwede mong itakda ang multiplier na iyon para sa tROAS na bid mo, at hahanapin nito para sa iyo nang naaayon ang mga tamang user. Magiging available ang tROAS sa susunod na buwan para sa mga Google App campaign sa iOS at Android sa buong mundo. Matuto pa.
Mahusay na paraan ang pag-bid para maabot ang mga customer na gusto mo. Ang susunod na hakbang ay kunin at panatilihin ang atensyon ng mga customer na ito. Kaya naman, bibigyan ka namin ng mga bagong paraan para buuin at pamahalaan ang mga creative mo, na mas magpapadali para sa iyo na magpakita sa mga customer mo ng mga ad na mas may kaugnayan, sa mas maraming lugar.
- YouTube–awtomatiko kang magiging kwalipikadong i-promote ang iyong app sa dalawang bagong placement sa YouTube kapag mayroon kang kahit isang landscape na larawan at isang video. Ang unang placement ay nasa feed sa homepage ng YouTube, at ang pangalawa naman ay nasa in-stream na video.
- Mga ad group–simula sa huling bahagi ng buwang ito, puwede kang mag-set up ng maraming ad group sa iisang campaign at puwede mong iangkop ang mga asset sa bawat ad group sa ibang “tema” o mensahe para sa iba't ibang customer. Matuto pa.
- Pakikipagtulungan sa mga ahensya–makikipagtulungan kami sa 8 pinagkakatiwalaang ahensya kasama na ang Vidmob, Consumer Acquisition, Bamboo, Apptamin, Webpals Mobile, Creadits, Kaizen Ad at Kuaizi para tulungan kang pamahalaan ang mga creative sa lahat ng hakbang, mula sa pagdidisenyo hanggang sa pag-uulat.
Mas madaling makapag-monetize
Ang pangalawang hakbang sa pagbuo ng kumikitang negosyo sa app ay ang paggawa ng napapanatiling stream ng kita. Sa madaling salita, kailangan mong panatilihing nakatuon ang mga user sa iyong app, habang pinagkakakitaan pa rin ito sa mahusay na paraan, na puwedeng maging mahirap balansehin. Kaya naman namumuhunan ang AdMob sa mga naka-automate na solusyon para matulungan kang kumita nang mas malaki sa iyong app habang naghahatid ng napakagandang karanasan ng user.
Noong nakaraang taon, nag-anunsyo kami ng bagong modelo ng pag-monetize na tinatawag na Bukas na Pag-bid na tumutulong sa iyong sulitin nang awtomatiko ang halaga ng bawat impression. Mula noon, dose-dosenang developer ang sumali sa beta at nakakaranas ng kapansing-pansing pagtaas ng kita, kasama na ang Sticky Hands, isang developer ng laro sa Korea.
“Natutuwa talaga kami sa Bukas na Pag-bid. Sa loob ng isang buwan, lumaki ang kita at ARPDAU nang 14% at 15% ayon sa pagkakasunud-sunod, at inaasahan naming patuloy pang tataas ang mga ito habang nag-o-online ang mas marami pang demand source. Ang mas maganda pa, halos wala kaming ginugugol na oras sa pamamahala rito.“
- Minu Kim, CEO ng Sticky Hands
Bukod pa sa pagtaas ng kita, mas simple at nakakatipid ng oras sa Bukas na Pag-bid kumpara sa tradisyonal na pamamagitan--kung mas kaunti ang mga SDK, mas kaunting oras ang gugugulin sa mga pagsasama at mas magiging matatag ang iyong app. Manatiling nakaantabay, dahil papalawakin namin ang programa sa lahat ng publisher sa huling bahagi ng taong ito.
Sa ngayon, narito ang ilan pang paraan kung paano makakatulong sa iyo ang AdMob na palaguin ang pangkalahatang kita ng app mo at protektahan ang karanasan ng user sa mas madaling paraan:
- Ang paghahanap ng larawan ay isang mahusay na bagong tool sa paghahanap na tumutulong sa pagtukoy at pag-aalis ng hindi magagandang ad sa bawat laki, campaign, at pag-rotate, gamit lang ang isang screenshot ng ad. Matuto pa.
- Mapipigilan ng maximum na rating ng content ng ad ang pagpapakita ng mga hindi naaangkop na ad sa mga batang user. Matuto pa.
- Malapit nang maging available sa bagong card sa dashboard ang mga sukatan ng user, gaya ng mga pang-araw-araw na aktibong user at average na tagal ng session, para mabilis mong makita kung paano nakakaapekto sa mga pangunahing tagasaad ng pakikipag-ugnayan ng user ang mga pagbabago sa iyong diskarte sa pag-monetize (hal. pagdaragdag ng rewarded ad. Makakatulong sa iyo ang mga insight na ito na i-optimize ang panghabambuhay na halaga ng mga user mo sa lahat ng iyong source ng kita - mga ad, mga in-app na pagbili, at commerce. Matuto pa.
Para matuto pa tungkol sa kung paano makakatulong sa iyong makatipid ng oras ang mga solusyong ito habang pinapalago ang negosyo mo, sumali sa aming keynote tungkol sa mga ad nang 10:30am PDT, sa Miyerkules, ika-8 ng Mayo sa Stage 1 ng Google I/O o panoorin ang livestream.
Manatili ring nakaantabay para sa higit pang balita tungkol sa pag-advertise ng app sa Google Marketing Live, na magsisimula sa susunod na linggo nang 9am PDT, sa Martes, ika-14 ng Mayo. Mag-sign up para sa livestream dito.
