Pahusayin ang performance ng iyong Smart campaign

Google Ads Smart campaigns | How can I optimize my campaigns?

Para sa mga subtitle sa iyong wika, i-on ang mga caption sa YouTube. Piliin ang icon ng mga setting sa ibaba ng video player, pagkatapos ay piliin ang "Mga Subtitle/CC" at piliin ang iyong wika.

---

Kung matagal nang gumagana ang iyong Smart campaign at naghahanap ka ng mga paraan para mapahusay ang mga resulta, tingnan ang mga tip na ito para matiyak na naka-set up ang campaign mo para maabot ang mga tamang customer.

Piliin ang mga tamang tema ng keyword para sa iyong mga Smart campaign

Tinutulungan ka ng mga tema ng keyword na pipiliin mo na matukoy kung kailan ipinapakita ang iyong mga ad, kaya tiyaking tumpak, tiyak, at nauugnay sa negosyo mo ang iyong mga tema ng keyword.

Matuto pa Tungkol sa mga tema ng keyword sa mga Smart campaign

Tingnan ang iyong mga setting ng lokasyon

Mainam kung lalabas ang iyong mga ad sa mga lugar kung saan naghahatid ng serbisyo ang negosyo mo, halimbawa, kung gusto mong maabot ang mga customer na 30 milya ang layo sa iyong negosyo, tiyaking i-set up ang mga ad mo ayon dito. Pinipigilan din nito ang iyong mga ad na lumabas sa mga lugar kung saan hindi naghahatid ang negosyo mo.

Matuto pa tungkol sa mga setting ng lokasyon sa mga Smart campaign.

Suriin ang iyong badyet

Makakatulong ang isang makatwirang badyet na matiyak na nakakakuha ang iyong mga ad ng tamang dami ng pagkakalantad sa mga customer. Kapag ginawa mo ang iyong Smart campaign, magrerekomenda kami ng badyet batay sa average na dami ng pag-click para sa uri ng negosyo mo at sa iyong lokasyon. Pumili ng badyet na kumportable ka, habang nagbibigay-daan din sa iyong ihatid ang mga ad mo sa dalas na gusto mo.

Matuto pa tungkol sa kung paano i-edit ang iyong badyet para sa mga Smart campaign

Sumulat ng mga epektibong ad

Ang iyong mga ad ay nagbibigay sa iyo ng pagkakataong ipakita ang negosyo mo at makahimok ng mga potensyal na customer. Malinaw at tumpak na inilalarawan ng isang epektibong ad ang iyong negosyo at ibinubukod ka mula sa kakumpitensya mo. Regular na suriin ang iyong mga ad para makatiyak na ipinapadala nila ang tamang mensahe, o hayaan kaming tulungan kang pahusayin ang ad text mo sa pamamagitan ng mga suhestyon sa ad.

Para matiyak na natutugunan ng iyong mga ad ang mga pinili mong layunin, gamitin ang mga sumusunod na alituntunin:

• Magsulat ng 3 hanggang 15 headline na hindi lalampas sa 30 character bawat isa
• Magsulat ng 2 hanggang 4 na paglalarawan na hindi lalampas sa 90 character bawat isa

Tip: Puwedeng lumabas ang mga headline sa anumang pagkakasunod-sunod, kaya tiyaking may kabuluhan ang mga iyon nang mag-isa (o nang may kasama) at hindi lumalabag ang mga iyon sa aming mga patakaran o lokal na batas.

Matuto pa tungkol sa kung paano magsulat ng epektibong ad para sa mga Smart campaign

Suriin ang 6 na tip para sa mga matagumpay na Smart campaign

Magsulat ng iba't ibang bersyon ng iyong ad

Para sa pinakamahuhusay na resulta, inirerekomenda naming sulitin mo ang 3 ad na maximum, sa pamamagitan ng pagdaragdag ng 3 iba't ibang bersyon ng iyong ad para sa bawat Smart campaign. Walang dagdag na gastos kapag lampas 1 ang ad mo, at magbibigay-daan din ito sa Google na i-optimize ang performance ng iyong campaign batay sa ad na may pinakamahusay na performance.

Para magdagdag ng mahigit sa 3 ad, gumawa ng bagong Smart campaign.

 

Para mabilis na makagawa ng higit pang bersyon ng ad, i-click ang Gumawa ng bagong ad kapag tapos mo nang isulat ang iyong ad.

Magbigay ng napakagandang experience sa website

Na-click ng isang customer ang iyong ad. Paano na yan? Tiyaking kapag nakarating sila sa iyong website, madali na lang mahanap ang dahilan ng pagpunta nila. Mag-isip gaya ng isang customer: pumili ng landing page na naglalaman ng lahat ng impormasyong ipinangako sa ad. Kung hindi makikita ng mga customer ang gusto nila, mas malamang na umalis sila.

Suriin ang Mga tip para mapahusay ang iyong website

Ikumpara ang bilis ng iyong pang-mobile na site

Mag-opt in para sa naka-customize na tulong at mga suhestyon sa performance

Tandaan: Ang mga tagubilin sa ibaba ay bahagi ng bagong disenyo para sa experience ng user sa Google Ads. Para gamitin ang dating disenyo, i-click ang icon ng "Hitsura," at piliin ang Gamitin ang dating disenyo. Kung ginagamit mo ang dating bersyon ng Google Ads, suriin ang Quick reference na mapa o gamitin ang Search bar sa panel ng navigation sa itaas ng Google Ads para makita ang page na hinahanap mo.

Sa paglipas ng panahon, kung mapapansin namin na puwedeng mapahusay ang performance ng iyong mga Smart campaign, papadalhan ka namin ng mga email na may naka-customize na tulong at mga suhestyon. Para i-enable ito:

1. Sa iyong Google Ads account, i-click ang icon ng Admin .
2. I-click ang Mga Kagustuhan.
3. I-click ang Mga Notification sa may itaas para makapunta sa page na "Mga Notification."
4. Tingnan kung nag-opt in ka para makatanggap ng naka-customize na tulong at mga suhestyon sa performance para sa iyong account.