- Kapag idinisenyo at pinahusay mo ang iyong website, ang pag-iisip nang tulad ng customer mo ay malamang na makatulong sa iyong makaisip at makapagpatupad ng mga makabuluhang pagbabago.
- Sundin ang aming mga alituntunin na makakatulong na magdisenyo ng mga website na mahusay na naka-index sa Google Search, at subukan ang mga tool ng Google tulad ng Analytics para matulungan kang subaybayan at subukan ang iyong site.
Mga elemento ng isang napakagandang website
Ang nakakapagpaganda sa isang website ay nakadepende sa kung sino ang gusto mong makapansin nito. Halimbawa, kung gusto mong mag-book ng appointment sa pagtutubero ang mga may-ari ng bahay, iba ang gagawin mong disenyo ng iyong website kumpara sa kung sinusubukan mong magbenta ng mga croissant sa iyong panaderya.
Tiyaking naka-optimize ang content at layout ng iyong website para sa magandang karanasan ng customer. Ang mga site na kaakit-akit, madaling i-navigate, at nagbibigay-kaalaman ay may posibilidad na magkaroon ng mas malaking kita.
Gamitin ang mga tip na ito bilang panimula sa pag-iisip ng mga paraan para idisenyo at baguhin ang iyong website:
- Mag-isip tulad ng iyong mga customer
Kapag nagplano, nagdisenyo, o nagsuri ka ng iyong website, magpanggap ka bilang isa sa mga customer mo, na sumusubok gumawa ng isang bagay. Ano ang nagdala sa customer doon? May tanong o partikular na layunin ba ang customer? Gaano kapamilyar ang customer sa iyong mga produkto? Posibleng isa itong mahirap na gawain dahil ang iyong kaalaman sa mga produkto at website mo ay malamang na mas malalim kaysa sa kaalaman ng iyong customer – pag-isipang hilingin sa katrabaho, kaibigan, o miyembro ng pamilya na wala masyadong karanasan sa negosyo at website mo na i-navigate ito para sa iyo.
- Ang kailangan mo lang ang ilagay
Para sa bagong customer, posibleng nakakalito ang mga hindi pamilyar na website. Kung magbibigay ka ng masyadong maraming link, masyadong maraming larawan, o masyadong maraming text, baka malito mo ang isang potensyal na customer. Sa huli, makapagbibigay ng mas mahusay na karanasan para sa mga customer ang maayos at malinaw na website, at mas magiging mas madali para sa kanila na bumili o makipag-ugnayan sa iyo.
- Panatilihing mabilis ang pag-load ng iyong mga page
Siguraduhing mabilis na maglo-load ang iyong mga page para sa lahat ng customer mo, lalo na kung ang isang segment ng iyong mga customer ay gumagamit ng mas mababagal na koneksyon sa Internet (gaya ng dial-up na internet). Sa pangkalahatan, subukang iwasan ang maraming larawan, malalaking larawan, at kumplikadong widget sa website.
- Panatilihing napapanahon ang iyong content
Siguraduhing wala kang lumang impormasyon, gaya ng mga anunsyo para sa mga sale na tapos na o maling pagpepresyo. Pinapababa ng mga ganitong detalye ang kumpyansa ng iyong mga customer sa website mo at sa iyong kumpanya.
- Isama ang iyong impormasyon sa pakikipag-ugnayan
Maraming customer, lalo na ang mga customer ng mga tindahang may mga pisikal na lokasyon, ang pupunta sa mga website para kunin ang impormasyon sa pakikipag-ugnayan, address, at mga oras ng negosyo. Pag-isipang ilagay ang impormasyong ito sa ibaba ng bawat page.
- Gawin itong pang-mobile
Marami sa iyong customer ang bibisita sa website mo sa pamamagitan ng mga mobile phone. Marami sa mga teleponong ito ang hindi makakapag-play ng Flash o makakapangasiwa ng kumplikado at interactive na graphics. Kaysa mawala ang mga potensyal na customer na ito, magbigay ng paraan para kahit papaano ay makakuha sila ng mahalagang impormasyon, o kaya naman, ma-browse ang buo mong website.
Piliin ang tamang landing page
Pagkatapos mong suriin ang iyong website, mainam din kung pag-iisipan mo kung saan sa iyong site mo gustong pumunta ang iyong mga customer. Dalhin ang iyong customer sa page na may impormasyon, promosyon, o produktong ipinangako sa ad mo. Kung hindi madaling makikita ng mga customer ang nagtulak sa kanilang i-click ang iyong ad, mas malamang na umalis sila sa site mo.
Pataasin ang iyong ranking sa paghahanap
Ang Search Engine Optimization (SEO) — ang pagpapalabas ng iyong website nang kitang-kita sa mga organic at hindi binabayarang resulta ng paghahanap — ay posibleng maging kumplikadong gawain. Gayunpaman, marami sa mga bagay na magpapaganda sa iyong website para sa mga search engine, gaya ng malinaw na pamagat ng page at naglalarawang link text, ay mga elemento ring malamang na pahalagahan ng mga customer mo.
Para matulungan kang mailista ang iyong page sa mga resulta ng paghahanap ng Google, matuto pa tungkol sa mga alituntunin para sa web developer.
Subaybayan at subukan ang iyong website
Kapag gumagana na ang iyong website, puwede mong subaybayan ang performance nito at puwede kang maghanap ng mga bahaging papahusayin. Para matukoy ang mga bahaging iyon, puwede mong pag-isipang gumamit ng Google Analytics. Sinusubaybayan ng Google Analytics ang mga bisita ng website mo at sinasabi nito sa iyo kung ilang beses tiningnan ang mga page ng website mo, gaano katagal ang ginugol ng mga tao sa mga page mo, saan pumunta ang iyong mga bisita pagkatapos tingnan ang isang partikular na page, at higit pa.
