Para sa mga subtitle sa iyong wika, i-on ang mga caption sa YouTube. Piliin ang icon ng mga setting sa ibaba ng video player, pagkatapos ay piliin ang "Mga Subtitle/CC" at piliin ang iyong wika.
Puwede mong subaybayan ang performance ng iyong campaign para matukoy kung gaano kaepektibo ang mga iyon sa paghikayat ng mga potensyal na customer. Magagamit mo ang impormasyong ito para gumawa ng mga pagsasaayos sa iyong mga ad para mapahusay ang performance ng mga ito. Halimbawa, sa pangkalahatang-ideya ng iyong Smart campaign, maaari mong subaybayan ang dami ng beses na gumawa ng pagkilos ang mga customer sa iyong ad, gaya ng pag-click dito o pagtawag sa telepono mula rito.
Paano gumagana ang mga impression
Ginagamit ng pangkalahatang-ideya ng mga Smart campaign ang “mga impression” para sabihin sa iyo kung gaano kadalas ibinabahagi sa mga potensyal na customer ang ad mo. Nagbibilang ng isang impression, na hindi mo babayaran, sa tuwing ipapakita ang iyong ad sa isang taong gumagamit ng Google Search, Google Maps, YouTube, Gmail, o mga partner na website ng Google.
Pagsusuri sa iyong mga impression at pag-click ng customer
Makikita mo sa iyong dashboard ang bilang ng mga impression at pagkilos ng customer sa ad mo.
Maaari ding ipakita ng iyong dashboard ang alinman sa sumusunod na impormasyon, depende sa mga setting ng account mo:
- Mga Impression: Tukuyin kung gaano kadalas natingnan ang anumang bersyon ng ad mo.
- Mga Pag-click: Tukuyin kung gaano kadalas na-click ang anumang bersyon ng iyong ad.
- Mga pag-click para tumawag: Tukuyin ang bilang ng beses na na-tap ng mga potensyal na customer ang button na "Tawagan" sa iyong ad mula sa mga mobile device.
- Mga na-verify na tawag: Tukuyin kung gaano kadalas ka nakatanggap ng mga tawag sa pagpapasahang numero ng Google sa anumang bersyon ng ad.
- Mga Panonood: Tukuyin kung gaano kadalas pinanood ang iyong video ad. (Available lang para sa layuning “Kumuha ng higit pang panonood at engagement sa YouTube.”)
- Mga pagkilos sa mapa: Subaybayan ang dami ng beses na tiningnan ng mga customer ang iyong ad at pagkatapos ay nag-click sila sa pin ng negosyo mo sa Google Maps o kumuha sila ng mga direksyon papunta sa iyong negosyo.
- Mga layunin sa Analytics: Sa pamamagitan ng pag-link ng iyong Google Analytics account at Google Ads account, puwede kang gumamit ng mga tracking ID at tag para subaybayan ang trapiko mula sa mga ad mo.
- Nagastos na halaga: Tukuyin kung magkano ang nagastos ng iyong ad.
Pahusayin ang performance ng iyong campaign
Kung hindi naaayon sa mga inaasahan mo ang performance ng iyong Smart campaign, itanong mo sa iyong sarili ang mga tanong sa ibaba para makaisip ka ng mga paraan para mapahusay ito.
Partikular at naaangkop ba sa gusto mong audience ang iyong mga termino para sa paghahanap?
Dapat malapit na nauugnay ang iyong mga termino para sa paghahanap sa ina-advertise mo. Kapag mas malapit ang kaugnayan ng iyong mga termino para sa paghahanap sa iniaalok mo at mas partikular ang mga ito, mas malamang na magdala ang mga ito ng mga customer para sa iyo.
Kung hindi angkop para sa iyong negosyo ang mga termino mo para sa paghahanap, tiyakin munang tumpak at nauugnay sa iyong negosyo ang mga tema ng keyword na napili mo hangga't posible.
Kung tumpak na inilalarawan ng mga tema ng iyong keyword ang negosyo mo, pero hindi nalalapat sa iyong negosyo ang ilang termino para sa paghahanap, subukang i-off ang mga iyon. Tandaang puwede mong i-on ulit ang mga iyon anumang oras.
Matuto pa tungkol sa Mga termino para sa paghahanap sa mga Smart campaign
Mayroon ka bang nauugnay na landing page?
Para mapahusay ang performance, tiyaking susuriin mo ang iyong landing page (ang page sa iyong website kung saan naka-link ang ad mo). Siguraduhing maglagay ng malinaw na call-to-action sa iyong ad na direktang nagdadala sa mga tumitingin sa landing page na iyon.
Halimbawa, kung “Tawagan kami,” ang nakalagay sa iyong ad text, tiyaking isama sa landing page ang numero ng telepono ng negosyo mo. Kung “Alok na may limitadong oras” ang sinasabi ng iyong ad text, siguraduhing idirekta ang mga customer sa promosyong iyon sa landing page.
Naaabot ba ng iyong ad ang mga tamang customer sa mga tamang lokasyon?
Tiyaking ipinapakita ang iyong ad sa mga lugar kung saan mas malamang na naroon ang mga customer mo.
Halimbawa, sabihin nating gumawa ka ng ad para sa iyong klinika ng dentista at itinakda mo ang iyong ad para maipakita sa Quezon City. Kapag may isang tao sa Quezon City na naghanap ng "dentista" sa Google, kwalipikadong lumabas ang iyong ad. May isa pang tao sa Makati na naghanap ng "dentista sa Quezon City" sa Google. Makikita rin niya ang iyong ad dahil isinama niya ang napili mong lokasyong “Quezon City” sa paghahanap niya.
Matuto pa tungkol sa Mga setting ng lokasyon sa mga Smart campaign.
Nakakahimok ba ang iyong ad para sa mga customer mo?
Ang iyong mga ad ang boses ng mga tema ng keyword mo. Kapag mas may kaugnayan at nakakahikayat ang mga ito sa hinahanap ng mga customer mo, mas malamang na magdala ang mga ito ng mga resulta para sa iyo.
- 6 na tip para sa matatagumpay na Smart campaign
- Magsulat ng epektibong ad para sa mga Smart campaign
Sapat ba ang iyong badyet?
Subukang dagdagan ang badyet mo kung mahusay ang performance ng iyong ad at gusto mo ng mas mahuhusay pang resulta. Kung hindi nasasapatan ng mga resulta ng iyong ad ang mga inaasahan mo, pag-isipang dagdagan ang iyong badyet at ilapat ang mga tip sa itaas. Alamin kung paano I-edit ang iyong badyet para sa mga Smart campaign.