Maraming advertiser ang umaasang magki-click ang mga tumitingin sa kanilang ad -- pero hindi iyon palagi ang pangunahing layunin. Baka gusto mo lang makita ng maraming tao ang iyong ad. Sa ganoong sitwasyon, magandang gumamit ng pag-bid batay sa cost-per-thousand viewable impressions (vCPM). Sa pag-bid na vCPM, magbi-bid ka para sa iyong ad batay sa dalas ng paglabas nito sa natitingnang posisyon sa Google Display Network. Itatakda mo ang pinakamalaking halagang gusto mong bayaran para sa mga natitingnang ad, ma-click man ang mga ito o hindi.
Bakit dapat gumamit ng pag-bid na vCPM
Mas gusto ng ilang tao ang pag-bid na vCPM dahil gusto nilang makapagtakda ng maximum na halagang babayaran nila sa tuwing makikita ang kanilang ad, o para sa bawat natitingnang impression, sa halip na para sa bawat pag-click.
Hindi available ang pag-bid na vCPM para sa mga Search Network campaign.
Tip
Kung mga online na benta o mga pagbisita sa iyong website ang pangunahin mong layunin, baka mas magandang opsyon para sa iyo ang pag-bid na Pag-maximize sa mga pag-click o Pag-maximize ng mga conversion.
Isang mabilisang paghahambing ng pag-bid na vCPM at CPC
Tatalakayin natin ang ilan pang detalye sa ibaba, ngunit narito ang ilan sa mga pangunahing kaalaman:
| Pag-bid na viewable CPM | Pag-bid na CPC | |
| Pag-isipang gamitin ito kung: | Mas mahalaga sa iyong makita ang mga ad mo kaysa sa makabuo ng mga pag-click | Mas mahalaga sa iyo ang mga pag-click |
| Bid: | Maximum na halagang handa mong gastusin para sa 1000 natitingnang impression | Maximum na halagang handa mong gastusin para sa 1 pag-click |
| Aktwal na halagang sisingilin: | Hindi lalampas sa kailangan para magkaroon ng mas mataas na rank kaysa sa advertiser na nasa ibaba mo. Hindi ka magbabayad para sa anumang impression na hindi natitingnan. Alamin kung paano mag-bid sa mga natitingnang impression gamit ang viewable CPM. | Hindi lalampas sa kailangan para magkaroon ng mas mataas na rank kaysa sa advertiser na nasa ibaba mo |
Paano nagkukumpitensya ang mga bid na vCPM at CPC
Maaaring magkumpitensya ang mga ad na may iba't ibang uri ng bid para sa mga parehong placement sa Display Network.
Para mapanatiling patas ang mga bagay-bagay, kapag nagkukumpitensya ang mga CPC at vCPM ad para sa parehong placement sa Display Network, pinaghahambing-hambing ang mga detalye ng dalawang uri ng mga ad pagdating sa kung magkano ang handang bayaran ng mga ito para sa impression. Sa isang vCPM ad, kinakatawan ng pinakamalaking viewable CPM na bid kung magkano ang handang bayaran ng advertiser para sa bawat 1,000 natitingnang impression; sa isang CPC ad, tinatantya ng Google kung ilang pag-click ang maaaring matanggap ng ad sa 1,000 impression para makuha ang paghahambing.
Paano gumamit ng pag-bid na vCPM
Sa pag-bid na vCPM, itatakda mo ang pinakamalaking halagang gusto mong bayaran para sa bawat 1,000 natitingnang ad impression. Tinatawag namin itong maximum na vCPM bid, o "max viewable CPM" lang. Kapag mas mataas ang iyong max viewable CPM, mas malaki ang pagkakataong lumabas ang ad mo. Gaya ng nakasanayan, ang sisingilin lang sa iyo ng Google Ads system ay kung ano ang kailangan para mailagay ang ad mo sa itaas ng susunod na pinakamataas na ad, at maniningil lang ito kung naging natitingnan ang ad. Matuto pa tungkol sa Aktibong View.
Tip
Maaaring magkaroon ng espesyal na bentahe ang mga text ad na gumagamit ng mga vCPM na bid: kapag nakuha ng mga ito ang isang placement, palaging ibinibigay sa mga ito ang buong espasyo ng ad, sa halip na gamitin ang espasyo kasama ng iba pang text ad. Dahil doon, mas malamang na mapansin ang mga ito.
Ang iyong max viewable CPM na bid ay puwedeng makakuha ng iba't ibang antas ng impression sa iba't ibang presyo kumpara sa mga nakaraang max CPM na bid. Dahil hindi mo binabayaran ang mga impression na hindi natitingnan, maaari mong taasan ang iyong max viewable CPM na bid para makuha ang parehong antas ng paggastos at dami ng trapiko. Matuto pa tungkol sa mga pagkakaiba ng CPM at vCPM
Maaari mong itakda ang iyong max viewable CPM na bid sa dalawang paraan. Sabihin nating nagbebenta ka ng mga bulaklak, at nag-set up ka ng ad group na may mga keyword gaya ng mga rosas, daisy, at tulip.
- Mga bid sa ad group: Itakda ang iyong max viewable CPM sa antas ng ad group, at magkakaroon ka ng parehong viewable CPM na bid para sa lahat ng keyword at placement sa ad group na iyon. Sabihin nating pumili ka ng viewable CPM ng ad group na PHP70. Kung lumabas ang iyong ad sa isang site na nauugnay sa mga rosas o tulip, o kung lumabas ito sa isang blog tungkol sa mga bulaklak, palaging PHP70 ang max viewable CPM. Ito ang pinakamadaling paraan para pamahalaan ang iyong mga viewable CPM na bid.
- Mga bid sa antas ng placement: Maaari kang magtakda ng viewable CPM na bid para sa bawat placement kung gusto mo. Kung alam mong nakakakuha ng mahuhusay na resulta para sa iyo ang isang website, puwede kang mag-bid nang higit pa para sa mga placement sa site na iyon.
