Kapag gumawa ka ng bagong Google Ads campaign, itatakda sa "ngayong araw" ang iyong petsa ng pagsisimula maliban na lang kung may iba kang tinukoy. Kung hahayaan mong "ngayong araw" ang petsa ng pagsisimula, magsisimula ang iyong campaign sa sandaling maaprubahan na ang mga una mong ad. Pero kung gagawa ka ng campaign at ayaw mong magsimula ito kaagad, o alam mo ang partikular na petsa kung kailan mo gustong matapos ang iyong campaign, puwede kang magtakda ng mga awtomatikong petsa ng pagsisimula at pagtatapos ng campaign.
Ipinapaliwanag ng artikulong ito kung paano magtakda ng mga awtomatikong petsa ng pagsisimula at pagtatapos ng campaign.
Paano mag-edit ng petsa ng pagsisimula
- Mag-sign in sa iyong Google Ads account.
- Sa menu ng page sa kaliwa, i-click ang Mga Campaign.
- I-click ang campaign na gusto mong i-edit.
- Sa menu ng page sa kaliwa, i-click ang Mga Setting.
- Mag-click para palawakin ang seksyong "Mga petsa ng pagsisimula at pagtatapos."
- Tandaan: Kung ipinapagpatuloy mo ang pag-set up ng isang campaign, i-click ang Magpakita ng higit pang setting para ipakita ang seksyong ito.
- Mag-click para palawakin ang drop-down na "Petsa ng pagsisimula," pagkatapos ay pumili ng petsa ng pagsisimula.
- I-click ang I-save.
Kapag nagtakda ka na ng petsa ng pagsisimula, mae-edit mo ang petsang iyon anumang oras hanggang sa magsimula ang iyong campaign. Kapag lumipas na ang petsa ng pagsisimula, imposible nang i-edit ang petsang iyon. Halimbawa, kung Pebrero 1 ang iyong petsa ng pagsisimula, hindi mo mae-edit ang iyong petsa ng pagsisimula sa Pebrero 2. Gayunpaman, maaari mo pa ring i-pause, ipagpatuloy o alisin ang iyong campaign.
Paano magtakda ng petsa ng pagtatapos
- Mag-sign in sa iyong Google Ads account.
- Sa menu ng page sa kaliwa, i-click ang Mga Campaign.
- Piliin ang campaign na gusto mong i-edit.
- Sa menu ng page sa kaliwa, i-click ang Mga Setting.
- Mag-click para palawakin ang seksyong "Mga petsa ng pagsisimula at pagtatapos."
- Tandaan: Kung ipinapagpatuloy mo ang pag-set up ng isang campaign, i-click ang Magpakita ng higit pang setting para ipakita ang seksyong ito.
- Mag-click para palawakin ang drop-down na "Petsa ng pagtatapos," pagkatapos ay pumili ng petsa ng pagtatapos.
- I-click ang I-save.
Kapag pumili ka ng petsa ng pagtatapos, magtatapos ang iyong campaign sa petsang iyon nang 11:59 p.m. (o 23:59) sa time zone na pinili mo para sa iyong account.
Magtakda ng petsa ng pagtatapos para sa maraming campaign nang sabay-sabay
- Mag-sign in sa iyong Google Ads account.
- Sa menu ng page sa kaliwa, i-click ang Mga Setting.
- Lagyan ng check ang kahon sa tabi ng mga campaign na gusto mong baguhin.
- I-click ang I-edit, pagkatapos ay piliin ang "Baguhin ang petsa ng pagtatapos."
- Mag-click para palawakin ang drop-down na "Pumili ng petsa," pagkatapos ay pumili ng petsa ng pagtatapos.
- I-click ang Ilapat.