Nagbibigay-daan sa iyo ang mga draft na magmungkahi ng mga pagbabago sa mga kasalukuyan mong Search at Display campaign at ilapat ang mga pagbabagong iyon para gumawa ng bagong campaign. Puwede kang gumamit ng mga draft para maghanda ng maraming pagbabago sa isang campaign. Mula roon, puwede mong ilapat ang mga pagbabago ng iyong draft sa orihinal na campaign o gumawa ng bagong campaign.
Ipinapaliwanag ng artikulong ito kung paano gumagana ang mga draft ng campaign, at kung ano ang pakinabang ng mga ito sa iyong diskarte sa pag-advertise. Kapag handa ka na, puwede kang mag-set up ng draft ng campaign.
Halimbawa:
Tumutulong si Anthony na magpatakbo ng pag-advertise para sa kanyang kumpanya, at hiniling sa kanya ng kanyang boss na magdisenyo ng isang binagong diskarte para sa kanilang mga search ad. Gumawa si Anthony ng draft mula sa isang kasalukuyang campaign at naipakita niya sa kanyang boss kung paano mismo magbabago ang campaign. Nakatanggap siya ng pag-apruba at inilapat niya ang draft sa orihinal na campaign.
Paano gumagana ang mga draft ng campaign
Nagbibigay-daan sa iyo ang mga draft na gumawa ng mga bagong campaign o maghanda ng maraming pagbabago sa isang kasalukuyang campaign nang hindi nakakaapekto sa performance nito. Kapag gumawa ka ng draft, mini-mirror mo ang setup ng iyong campaign. Mula roon, makakagawa ka ng mga update sa iyong draft sa paraang gagawin mo sa isang pangkaraniwang campaign. Sa anumang pagkakataon, puwede kang umalis at bumalik sa iyong draft para magsagawa ng anumang karagdagang pagbabago rito, o i-discard ang buong draft.
Para sa isang draft na ginawa mula sa isang medyo kumpleto nang bagong campaign, puwede mong puntahan ang page na Mga Campaign at i-delete ang iyong draft, o i-enable ito sa pamamagitan ng paggawa ng bagong campaign at pagpili sa Ipagpatuloy ang draft ng campaign. Alamin kung paano Hanapin at i-edit ang iyong mga draft ng campaign.
Para sa isang draft na ginawa para i-edit ang isang dati nang campaign, puwede mong ilapat ang iyong draft sa orihinal na campaign.
Tandaan: Hindi dadaan sa proseso ng pagsusuri ang mga creative sa mga campaign na nasa draft na status. Bilang resulta, mananatili sa “Sinusuri” ang status ng creative hanggang sa mailapat ang draft sa orihinal na campaign.
Tungkol sa mga status ng draft ng campaign
Para sa mga kasalukuyang campaign na ginagawan mo ng draft ng mga edit, malalaman mo sa status ng iyong draft kung nalapat na ba ang iyong mga draft sa campaign, o kung mayroong mga isyu sa paglalapat ng iyong draft.
Para makita ang iyong talahanayan ng mga draft, i-click ang Mga Draft mula sa menu ng page sa kaliwa. Dapat may katumbas na status na naka-attach sa bawat draft, na makikita sa column na "Status."
Narito ang ibig sabihin ng bawat status:
- Naka-draft: Nagawa na ang iyong draft.
- Inilalapat: Inilalapat sa orihinal na campaign ang iyong draft.
- Nailapat na: Nailapat na sa orihinal na campaign ang iyong draft.
- Hindi mailapat: Hindi mailapat sa orihinal na campaign ang iyong draft. I-click ang status na ito para malaman kung bakit at para subukang ilapat ulit ang mga pagbabago sa iyong draft.
- Inalis: Inalis na ang iyong draft at hindi na ito mailalapat sa isang campaign.
Tandaan
Available lang ang mga draft para sa mga Search at Display campaign. Hindi ka makakagawa ng draft para sa mga Video, App, o Shopping campaign.
Mga feature at ulat na hindi available para sa mga draft
- Ulat sa iskedyul ng ad
- Kategorya at mga termino para sa paghahanap
- Mga Insight sa Auction
- Ulat ng Mga Placement ng Display
- Mga ulat ng naka-iskedyul na Email
- Mga landscape ng bid
- Mga customizer ng ad na gumagamit ng "Target na campaign" o "Target na ad group"
- Diagnosis ng keyword
- Mga nakabahaging badyet
Matuto pa tungkol sa Mga bagay na dapat tandaan tungkol sa mga custom na eksperimento.
