Kung hindi nakakatanggap ng sapat na mga impression ang iyong ad o mga keyword, posibleng may simpleng paliwanag. Sa pangkalahatan, ang dami ng mga impression na natatanggap ng iyong mga ad ay batay sa dami ng beses na naghanap ang mga tao ng mga terminong nauugnay sa mga keyword mo, at kung gaano katagumpay ang mga iyong keyword sa pag-trigger sa mga ad mo sa halip ng mga ad ng iyong mga kakumpitensya. Nakakagdagdag din sa mga normal na pagbabago-bago sa iyong mga impression ang mga tuloy-tuloy na variation sa trapiko sa web, gawi ng customer, at content sa web.
Puwedeng makaapekto ang mga pasya ng iyong mga kakumpitensya sa mga impression mo. Puwedeng makaimpluwensiya ang mga bagong kakumpitensya o mga kakumpitensyang nagsasaayos ng kanilang mga kasalukuyang account sa dami ng mga impression na natatanggap ng iyong mga ad. Halimbawa, posibleng magpasya ang iyong pinakamalaking kakumpitensya na taasan ang kanyang mga bid, na tutulak sa ad mo para mawala ito sa unang page ng mga resulta ng paghahanap. Puwede kang makapansin ng pagbaba ng mga impression. Dahil maraming ad impression ang nanggagaling sa unang page ng mga resulta ng paghahanap sa Google, kapag tinaasan mo ang iyong bid, pinapalaki mo ang posibilidad na lumabas ang iyong ad sa unang page at makatanggap ito ng mas maraming impression.
Puwede ring magkaroon ng malaking epekto ang mga pansamantalang event. Pag-isipan ang mga holiday o sikat na paksa ng balita: puwedeng magkaroon ang mga ito ng malaking impluwensya sa iyong mga impression (pati na rin sa mga pag-click mo!). Sa panahon ng holiday, puwedeng makaranas ng kapansin-pansing pagbabago sa dami ng mga bisita sa mga site nila ang mga advertiser para sa mga dekorasyon at napapanahong puno. Isa pang halimbawa ang isang sikat na celebrity na nag-eendorso ng isang partikular na brand ng damit; sa sitwasyong ito, puwedeng makatanggap ng mas maraming impression ang mga advertiser ng brand na ito.
Mga pagbabago-bago sa Display Network
Paminsan-minsan, gumagawa ang Google ng maliliit na pagsasaayos sa kung paano tina-target at rina-rank ang mga ad sa Display Network. Bilang resulta, puwede kang makapansin ng mga pagbabago-bago sa iyong mga impression, pag-click, o average na cost-per-click sa Display Network sa loob ng maikling panahon. Gayunpaman, normal ang mga pagbabago-bagong ito at nakalaan lang ang mga ito para pahusayin ang pangkalahatang performance ng iyong ad. Mahalaga sa amin ang pagpapanatili ng mataas na kalidad ng ad, at nakakatulong ang mga pagbabago sa pagsusuri ng kalidad na ito sa pagtiyak na nakakapagpatakbo ang mga advertiser ng matagumpay at sulit sa halagang mga campaign habang nagpapanatili ng positibong karanasan ng customer.
Mas kaunting impression kaysa sa tantya ng Keyword Planner
Baka mapansin mo na ang dami ng mga impression na ibinibigay sa iyo ng Keyword Planner ay mas malaki kaysa sa aktwal na dami ng mga impression na natatanggap ng mga ad mo. May ilang dahilan kung bakit puwede itong mangyari. Ang paglilimita sa iyong badyet o pag-set up ng pag-iiskedyul ng ad upang sa mga partikular na pagkakataon lang mapatakbo ay maglilimita sa mga natatanggap mong impression, na hindi isinasaalang-alang ng mga tool.
Paano sinusukat ng Google Instant ang mga ad impression
Kapag may naghanap sa Google gamit ang Google Instant, sinusukat ang mga ad impression sa ibang paraan. Binibilang ang mga pagkilos na ito bilang mga impression:
- Ang customer ay magsisimulang mag-type ng paghahanap sa Google at magki-click kahit saan sa page (resulta ng paghahanap, ad, pagwawasto ng pagbabaybay, kaugnay na paghahanap).
- Pipili ang customer ng partikular na suhestyon sa paghahanap sa pamamagitan ng pag-click sa button na Maghanap, pagpindot sa Enter, o pagpili ng isa sa mga nahulaang paghahanap.
- Hihinto sa pag-type ang customer, at ipapakita ang mga resulta nang hindi bababa sa tatlong segundo.
Inirerekomenda naming subaybayan ang performance ng iyong mga ad katulad ng karaniwan mong ginagawa. Posibleng taasan o babaan ng Google Instant ang mga pangkalahatang antas ng impression mo. Gayunpaman, mapapaganda ng Google Instant ang kalidad ng iyong mga pag-click dahil nakakatulong ito sa mga tao na maghanap gamit ang mga terminong mas direktang nagkokonekta sa kanila sa mga sagot na kailangan nila. Samakatuwid, posibleng humusay ang pangkalahatang performance ng iyong campaign.
