Nagbibigay ang artikulong ito ng mga tip para sa paglutas ng mga hindi nai-apply na pagbabayad, adjustment, at nawalang bayad.
Sa artikulong ito
- Paano tingnan kung may mga hindi nai-apply na pagbabayad o adjustment sa Google Ads
- Mga hindi nai-apply na pagbabayad o adjustment
- Mga nawalang bayad
- Makipag-ugnayan sa collections team
Paano tingnan kung may mga hindi nai-apply na pagbabayad o adjustment sa Google Ads
- Sa iyong Google Ads account, i-click ang icon ng Pagsingil
.
- I-click ang Buod.
.Mga hindi nai-apply na pagbabayad o adjustment
Kabilang sa mga posibleng dahilan kung bakit hindi pa rin naa-apply ang mga pagbabayad o adjustment sa iyong account ang mga sumusunod:
- Walang sapat na impormasyon tungkol sa kung para sa aling account ang pagbabayad o adjustment.
- Walang sapat na impormasyon tungkol sa kung sa aling invoice ia-apply ang pagbabayad o adjustment.
- Nawala ang bayad habang nasa proseso ng pagpapadala sa Google.
Sa tuwing may hindi nai-apply na pagbabayad o adjustment sa iyong account, makakakuha ka ng alerto sa tabi ng field na “Halagang dapat bayaran” sa iyong page na Buod ng Pagsingil.
Kung mayroon kang mga hindi nai-apply na adjustment, gaya ng mga credit na hindi pa naa-apply sa isang invoice, mayroon kang 2 opsyon sa pag-apply ng mga credit na ito:
- Ibawas sa iyong susunod na invoice ang halaga ng hindi nai-apply na adjustment. Halimbawa, kung mayroon kang Php2,650 halaga ng mga hindi nai-apply na adjustment at isang hindi pa bayad na invoice para sa Php10,000, magbayad ng Php7,350 (Php10,000 - Php2,650), at isasara namin ang invoice. Siguraduhing ibawas ang eksaktong halaga, kung hindi, hindi namin malalaman kung paano ia-apply ang credit.
- Makipag-ugnayan sa Google Ads collections team at sabihin sa amin kung paano mo gustong i-apply ang mga hindi nai-apply na adjustment. Halimbawa, puwede mong i-request na hatiin ang iyong pagbabayad at i-apply sa 2 hindi pa bayad na invoice. Siguraduhing isama ang mga numero ng invoice at mga halagang dapat naming i-apply sa bawat isa.
Mga nawalang bayad
Kung hindi nakikita ang bayad mo sa account mo, makipag-ugnayan sa Google Ads collections team nang may katibayan ng pagbabayad na naka-attach sa email mo para maipakitang nagbayad ka na. Posibleng isa itong na-scan na larawan o screenshot ng iyong resibo ng bank transfer, iyong bank o credit card statement, o iyong online na bank o credit card account.
Dapat na kasama rin sa iyong katunayan sa pagbabayad ang sumusunod na impormasyon:
- Ang petsa kung kailan isinagawa ang pagbabayad. Kung posible, ipakita ang lahat ng mga transaksyon para sa 5 araw bago at pagkatapos ng pagbabayad
- Ang halaga at currency ng pagbabayad
- Ang makikinabang sa mga pondo, gaya ng Google Ads
- Ang pangalan ng bangko na nagpadala ng paglipat
Para sa seguridad, i-redact ang anumang sensitibong impormasyon sa iyong bank o credit card statement, lalo na ang buong bank account number mo o ang gitnang 8 digit ng iyong credit card number.
Makipag-ugnayan sa collections team
Puwede kang makipag-ugnayan sa Google Ads collections team gamit ang form na Humingi ng tulong sa mga pagbabayad ng invoice, kaugnay na pagsususpinde, at request para sa statement of account.
