Kung ang iyong pangunahing layunin sa pag-advertise ay para pataasin ang trapiko papunta sa site mo, subukang tumuon sa pagpaparami ng iyong mga pag-click at clickthrough rate (CTR). Magsimula sa pamamagitan ng paggawa ng mahusay na ad text at mga epektibong keyword para makagawa ng mga ad na lubos na may kaugnayan at talagang nakapanghihimok sa iyong mga customer, pagkatapos ay subaybayan nang mabuti ang mga pag-click, CTR, keyword, at termino para sa paghahanap mo.
Bakit mag-aalala tungkol sa ugnayan sa pagitan ng ad text at mga keyword? Isipin ang isang bangka at isang sagwan, at ang paraan ng kanilang pagtutulungan sa isa't isa upang makarating sa isang patutunguhan. Naihahatid ng maiinam na keyword ang isang ad na mahusay na nakakonekta patungo sa mga tamang customer, na nagpapataas sa iyong mga click at CTR.
Sa Google Ads, maaari ka ring gumawa ng campaign gamit ang layuning Trapiko ng website, na nagrerekomenda ng mga setting at feature para tulungan kang makahimok ng mga interesadong customer sa iyong website. Gamit ang layunin ng campaign na ito, makakabuo ka ng listahan ng mga bisita sa site na maaaring mong makaugnayang muli sa ibang pagkakataon. Matuto pa tungkol sa mga layunin sa bagong karanasan sa Google Ads.
Ano ang dapat sukatin
Narito ang ilang mahahalagang bagay na maaari mong sukatin upang tulungan kang subaybayan at pahusayin ang isang campaign na nakatuon sa trapiko:
- Mga pag-click at clickthrough rate (CTR): Tinutulungan ka ng 2 sukatang ito na maunawaan kung gaano karaming tao ang sapat na nahimok ng iyong ad upang aktwal na mag-click dito at bumisita sa iyong website. Masusukat mo ang mga pag-click at CTR sa lahat ng antas ng iyong account. Halimbawa, maaari mong makita kung ilang pag-click ang natanggap ng isang buong campaign, ad group o ad, o maaari mong makita kung ilang pag-click ang nabuo ng mga indibidwal na keyword pagkatapos ma-trigger ang iyong mga ad. Sa Search Network, ang isang magandang CTR ay karaniwang itinuturing na 1% o mas mataas pa.
- Mga Keyword: Subaybayang mabuti ang performance ng keyword gamit ang mga diskarteng ito:
- Regular na i-update ang iyong mga listahan ng keyword. I-pause o alisin ang mga salitang hindi gumagana nang mahusay para sa iyo (halimbawa, kung ang mga ito ay may mga CTR na mas mababa sa 1% o mabababang Marka ng Kalidad) at magdagdag ng mga bago. Matutunan kung paano Sukatin ang performance ng iyong keyword sa Search Network.
- Gamitin ang 4 na opsyon sa pagtutugma ng keyword upang makatulong na kontrolin kung sino ang nakakakita ng iyong mga ad. Gamit ang ilang opsyon, magkakaroon ka ng higit pang mga ad impression, pag-click at conversion. Gamit ang iba, magkakaroon ka ng mas kaunting impression at mas maliit na pagta-target.
- Para sa komprehensibong view ng kalidad ng keyword, paganahin ang diagnosis ng keyword. Binibigyan ka nito ng impormasyon tungkol sa Mga Marka ng Kalidad ng iyong mga keyword at kung tini-trigger ng mga ito ang iyong mga ad. Itinuturing na mahusay sa pangkalahatan ang isang Marka ng Kalidad na 5 o mas mataas pa.
-
Mga termino para sa paghahanap: Kapag gumamit ka ng mga malawak na tugmang keyword (ang default na setting), maaaring lumabas ang iyong mga ad kapag may naghanap ng variation ng iyong keyword, tulad ng kaparehong parirala o nauugnay na salita. Upang makita ang listahan ng mga paghahanap na nag-trigger sa iyong ad, gamitin ang Ulat ng mga termino para sa paghahanap. Magagamit mo ang ulat na ito upang tumukoy ng mga may kaugnayang termino na naghihimok ng trapiko papunta sa iyong website, at pagkatapos ay idagdag ang mga ito bilang mga bagong keyword. O, kung walang kaugnayan sa iyong negosyo ang alinman sa mga keyword, maaari mong idagdag ang mga ito bilang mga negatibong keyword upang hindi ma-trigger ng mga ito ang iyong mga ad.
- Halimbawa, kung ang iyong campaign ay mayroong keyword na mga digital camera sa malawak na tugma, maaaring ipakita ng ulat na lumabas ang iyong mga ad para sa query sa paghahanap na "mga digital camera London." Kung ang iyong negosyo ay nagbebenta sa mga tao sa London, maaari mong idagdag ang pariralang ito bilang keyword sa iyong account. Kung hindi ka naghahatid sa London, maaari mong idagdag ang London bilang negatibong keyword para makatiyak na hindi na lalabas ang iyong ad sa paghahanap na iyon. Sa pamamagitan ng pagdaragdag ng mga walang kaugnayang termino para sa paghahanap bilang mga negatibong keyword, makakatulong kang pahusayin ang iyong clickthrough rate.
Tip
Kung minarkahan ng “Idinagdag” ang isang keyword sa Ulat ng mga termino para sa paghahanap, nangangahulugan ito na mayroon ka nang eksaktong termino para sa paghahanap na iyon sa listahan ng iyong keyword.