Nagkakaproblema ka ba sa pag-unawa o pagtukoy sa isang singilin sa Google Ads? Gamitin itong troubleshooter para sa mga hindi matukoy na singilin sa Google Ads.
Sa artikulong ito
- Average na pang-araw-araw na badyet at overdelivery
- Tingnan kung may mga pagsingil dahil sa overdelivery
- Mga tanong tungkol sa overdelivery
Nagbabago-bago ang trapiko ng internet. Kapag hindi masyadong lumabas ang iyong mga ad dahil sa mababang trapiko, babawi kami sa pamamagitan ng pagpapakita sa mga ito nang mas madalas kapag mas mataas ang tapiko.
Average na pang-araw-araw na badyet
Baka makita mong medyo mas mataas o mas mababa ang iyong mga gastusin sa pag-advertise bawat araw kaysa sa itinakda mo para sa iyong average na pang-araw-araw na badyet. Kung oo, huwag kang mag-alala -- sa loob ng isang buwang yugto ng pagsingil, hindi ka sisingilin nang lampas sa pinayagan sana ng iyong average na pang-araw-araw na badyet sa mahigit sa 30.4 na araw.
Sa madaling salita, 30.4 ang average na bilang ng mga araw sa isang buwan (365 araw sa isang taon / 12 buwan = 30.417). Minu-multiply ng Google ang iyong average na pang-araw-araw na badyet sa numerong ito kaya alam namin kung ano dapat ang badyet mo sa loob ng isang buwan.
Overdelivery
Pinapayagan namin ang hanggang 2 beses ng mga pag-click sa isang araw kaysa sa pinapayaga ng iyong average na pang-araw-araw na badyet para sa mga campaign na hindi nagbabayad para sa mga conversion. Tinatawag itong overdelivery. At isa itong magandang bagay: kung masyadong madalas naming ipapakita ang iyong ad — hanggang sa makaipon ka na ng mas maraming gastusin kaysa sa pinapayagan ng average na pang-araw-araw na badyet mo sa loob ng isang yugto ng pagsingil — bibigyan ka namin ng credit para sa mga dagdag na gastusing iyon.
Para sa higit pang impormasyon, tingnan ang aming FAQ.
Halimbawa
Sabihin nating itinakda mo ang iyong badyet sa Php250 sa isang araw at ang iyong yugto ng pagsingil ay 30 araw. Sa kabuuan ng buwan, napansin mong nag-iiba-iba ang mga singil sa iyo. May mga araw na sinisingil ka ng katumbas ng Php100, at may mga araw naman na sinisingil ka ng katumbas ng Php500. Pero sa katapusan ng buwan, hindi lalampas sa katumbas ng Php7,600 ang sisingilin sa iyo (iyon ay 30.4 na na-multiply sa katumbas ng Php250 badyet mo).
Kaya kahit na ang mga gastos ng iyong campaign ay lumampas at bumaba sa badyet mong Php250 sa bawat araw, sa katapusan ng buwan, sisingilin ka pa rin ng hindi lalampas sa iyong badyet.
Puwedeng mapataas at mapababa ng mga pagbabago-bago ng trapiko sa Internet ang iyong mga pang-araw-araw na gastos. Pero sa katapusan ng buwan, makikita mo ang iyong mga gastusin kung saan mo inaasahan ang mga ito.
Tingnan kung may overdelivery
Kung minsan, naghahatid kami nang lampas sa iyong buwanang badyet. Sa mga ganoong sitwasyon, ibabalik namin ang gastusin sa overdelivery bilang credit.
Kung gusto mong malaman kung binigyan ka namin ng mga overdelivery credit, sundin ang mga hakbang na ito:
- Sa iyong Google Ads account, i-click ang icon ng Mga Campaign
.
- I-click ang dropdown na Mga insight at ulat sa menu ng seksyon.
- I-click ang Editor ng ulat.
- I-click ang "Tingnan lahat" sa tabi ng card na "Mga naka-predefine na ulat (Mga Dimensyon)" at sa seksyong "Iba pa," piliin ang Siningil na gastos.
Makakakita ka ng ulat na naglilista ng mga gastos sa mga naihatid at siningil na gastos para sa bawat campaign. Para kalkulahin ang overdelivery, ibawas ang “Siningil na gastos” sa “Gastos sa mga naihatid.” Para gawin ang mga kalkulasyong ito nang sabay-sabay, piliin ang icon na i-download sa kanang bahagi sa itaas ng ulat at i-save ito bilang .csv file.
Bilang default, ipinapakita ang data araw-araw at pinagbubukod-bukod ito ayon sa gastos sa mga naihatid. Kung gusto mong makita ang data para sa isang partikular na hanay ng petsa, alisin ang filter na “Araw” at magtakda ng hanay ng petsa sa kanang bahagi sa itaas ng talahanayan.
Mga madalas itanong tungkol sa overdelivery
Buksan ang mga link sa ibaba para sagutin ang mga tanong tungkol sa overdelivery.
Tataasan ba ng overdelivery ng average na pang-araw-araw na badyet ang ko maximum na puwedeng singilin sa akin para sa buwan?
Hindi. Hindi magbabago ang buwanang limitasyon sa pagsingil. Bagama't puwede kang makakita ng mas malaking paggastos sa ilang araw, ang overdelivery na ito ay binabalanse ng mga araw ng buwan kung kailan mas mababa ang paggastos mo kaysa sa iyong average na pang-araw-araw na badyet.
Kailan eksaktong lalampas ang paggastos ko sa average na pang-araw-araw na badyet ko?
Walang pagbabago sa kung paano ginagawang priyoridad ang paggastos sa kabuuan ng buwan. Patuloy na io-optimize ng Google Ads ang iyong paggastos batay sa mga pagbabagu-bago sa trapiko sa araw-araw, sa nagastos mo sa mga nakalipas na araw ng buwan, at sa iba pang salik.
Sa pangkalahatan, puwedeng lumampas ang paggastos sa iyong average na pang-araw-araw na badyet sa mga araw na mas malamang na humimok ng mga pag-click at conversion.
Kung hindi nalilimitahan ng badyet ang aking mga campaign, makakaapekto ba ang overdelivery sa aking paggastos?
Kung hindi nalilimitahan ng badyet ang iyong campaign, hindi magbabago ang iyong pang-araw-araw na paggastos. Walang pagbabago sa paggana ng mga campaign na hindi nalilimitahan ng badyet.
Kung nalilimitahan ng badyet ang iyong mga campaign sa loob ng isa o higit pang araw sa buwan, makakakita ka ng ilang variation sa pang-araw-araw na paggastos mo. Gayunpaman, hinding-hindi ka sisingilin nang lampas sa buwanang limitasyon sa pagsingil. Nakakatulong ang flexibility sa iyong badyet na balansehin ang mga araw na may mababang trapiko sa pamamagitan ng pagpapalaki ng paggastos sa mga araw na malamang na humimok ng mas maraming pag-click at conversion.
Matuto pa tungkol sa ibig sabihin ng pagiging nalilimitahan ng badyet.
Ano ang mangyayari kung isasaayos ko ang average na pang-araw-araw na badyet ko sa anumang araw ng buwan?
Walang pagbabago sa epekto ng pagsasaayos ng badyet mo sa sisingilin sa iyo sa natitirang bahagi ng buwan. Gaya ng dati, kapag binago mo ang iyong badyet, ang paggastos mo para sa natitirang bahagi ng buwan ay hindi lalampas sa iyong bagong average na pang-araw-araw na badyet na na-multiply sa mga natitirang araw sa buwan.
Halimbawa, sabihin nating magtatakda ka ng average na pang-araw-araw na badyet na Php500 sa unang araw ng Setyembre, at gagawin mo itong Php1,000 sa ika-16 na araw. Sa unang 15 araw ng buwan, ang paggastos mo ay malilimitahan ng iyong buwanang limitasyon sa pagsingil na Php500 * 30 (bilang ng araw sa Setyembre). Pagkatapos gawing Php1,000 ang iyong average na pang-araw-araw na badyet, ang paggastos mo sa natitirang bahagi ng buwan ay magiging Php1,000 na na-multiply sa natitirang 15 araw.
Sa unang 15 araw ng buwan, puwedeng lampas sa kalahati ng iyong buwanang limitasyon sa pagsingil ang paggastos mo. Ito ay dahil puwedeng lumampas ang paggastos sa iyong average na pang-araw-araw na badyet sa ilan sa mga araw na iyon. Gayunpaman, kapag binago mo ang iyong badyet, hindi ka sisingilin ng lampas Php1,000 na na-multiply sa mga natitirang araw sa buwan. Kung may gastos ka na sa ad noong Setyembre 16 bago mo binago ang iyong badyet, puwedeng medyo mas mataas kaysa sa Php15,000 ang kabuuang paggastos mo mula Setyembre 16-30.
Matuto pa tungkol sa kung bakit puwedeng lumampas ang mga gastusin sa iyong average na pang-araw-araw na badyet.Posible bang mag-opt out sa overdelivery?
Walang pag-opt out. Idinisenyo ang overdelivery para tulungan kang i-optimize ang paggastos para sa mga araw ng buwan kung kailan mas malamang na makakuha ka ng mga pag-click at conversion.
Puwede ba akong magtakda ng limitasyon sa aking pang-araw-araw na paggastos?
Hindi. Hindi ka makakapagtakda ng limitasyon sa iyong pang-araw-araw na paggastos gamit ang average na pang-araw-araw na badyet ng campaign mo.
Makakapagtakda ba ako ng buwanang badyet?
Sa kasalukuyan, hindi ka makakapagtakda ng buwanang badyet sa Google Ads. Gayunpaman, puwede mong gamitin ang iyong average na pang-araw-araw na badyet na na-multiply sa dami ng mga araw sa buwan para tukuyin kung ano ang magiging buwanang paggastos mo. Matuto pa tungkol sa mga badyet ng campaign.
