Gaano kalaki ang kinita mo mula sa iyong mga ad at libreng listing ng produkto kumpara sa kung magkano ang iyong nagastos sa mga iyon.
Para kalkulahin ang ROI, kunin ang kitang naging resulta ng iyong mga ad at listing, ibawas ang mga pangkalahatang gastusin, pagkatapos ay hatiin ito sa iyong mga pangkalahatang gastusin: ROI = (Kita - Gastusin sa mga naibentang produkto) / gastusin sa mga naibentang produkto.
Halimbawa
Sabihin nating mayroon kang produktong nagkakahalaga ng PhP5,000 para gawin, at naibebenta ito sa halagang PhP10,000. Nakabenta ka ng 6 ng mga produktong ito bilang resulta ng pag-advertise sa Google Ads. Ang iyong kabuuang benta ay PhP60,000, at ang iyong mga gastos sa Google Ads ay PhP10,000. Ang iyong ROI ay (PhP60,000-(PhP30,000+PhP10,000))/(PhP30,000+PhP10,000), o 50%.
Para makatulong na sukatin ang ROI ng iyong Google Ads, kakailanganin mong subaybayan ang mga conversion, mga pagkilos na gusto mong gawin ng iyong mga customer sa website mo pagkatapos i-click ang iyong ad gaya ng pagbili, pag-sign-up, o pag-download. Subukan ang pagsubaybay sa conversion o Google Analytics, mga libreng tool na tutulong sa iyong subaybayan ang mga conversion sa account mo.
Karaniwan, ang ROI ang pinakamahalagang sukatan para sa mga retailer dahil ipinapakita nito ang totoong epekto ng Google Ads sa iyong negosyo. Bagamat kapaki-pakinabang na malaman ang dami ng mga pag-click at impression na nakukuha mo, mas mainam na malaman kung paano nakakaambag ang iyong mga ad at listing sa tagumpay ng negosyo mo.
