Tungkol sa pag-uulat ng asset para sa mga Demand Gen campaign

Makakapagbigay ang mga ulat sa asset ng komprehensibong larawan ng performance ng asset sa iyong mga Demand Gen ad at campaign. Puwede mong subaybayan ang performance ng asset para sa mga partikular na ad at alamin ang performance ng mga asset sa maraming ad sa iyong iba't ibang Demand Gen campaign.

Nakalista sa ulat sa asset ang bawat asset kaya maihahambing mo ang performance ng mga asset sa iyong iba't ibang ad at campaign. Sa paglipas ng panahon, makakagawa ka ng madidiskarteng desisyon tungkol sa iyong mga asset, gaya ng kung alin ang iro-rotate, aalisin, o pahuhusayin. Makakatulong ito sa iyong tumuon sa paggawa ng mga asset na mas malamang na maghatid ng mas mahusay na performance.

Maraming sukatan ng performance na available sa isang advertiser para sa pagsuri ng kanilang mga asset Narito ang mga default na column na nakatakda sa iyong ulat ng asset:

Mga Pag-click

Ipinapakita ng column na ito ang bilang ng mga pag-click na natanggap ng iyong mga asset sa mga Demand Gen ad mo. Kapag may nag-click sa anumang bahagi ng iyong ad, tulad ng headline, paglalarawan, larawan, logo, o call to action, na magdadala sa kanya sa external na website, ituturing iyon ng Google Ads bilang pag-click. Para sa video, ibig sabihin nito ay hindi binibilang na click ang mga click na nagpo-pause sa video o dinadala ang user sa page sa panonood ng video . Matuto pa tungkol sa mga sukatan ng YouTube at Mga Click.

• Nagtatala ng pag-click kahit na hindi ma-access ng bisita ang website, posibleng dahil pansamantalang hindi available ang website. Bilang resulta, puwede kang makakita ng pagkakaiba sa pagitan ng bilang ng mga pag-click sa iyong ad at sa bilang ng mga pagbisita sa iyong website.
• Ang kabuuang mga pag-click mula sa lahat ng asset para sa isang ad ay posibleng mas mataas kaysa sa mga aktwal na pag-click para sa ad na iyon. Nangyayari ito habang gumagawa ang iyong Demand Gen campaign ng mga tumutugong ad na may maraming kumbinasyon.

Halimbawa

Ipagpalagay natin na ipinakita ang isang headline nang may 5 iba't ibang larawan sa 5 na-click na ad. Sa ganitong sitwasyon, makikita mong:

• Magpapakita ang headline ng limang pag-click (isa para sa bawat pag-click sa ad)
• Magpapakita ang bawat larawan ng limang pag-click (isa para sa bawat pag-click sa ad)

Kapag pinagsama ang parehong bilang, magkakaroon ng 10 pag-click kahit na mayroon lang limang pag-click.

Click-through rate (CTR)

Ipinapakita ng column na ito ang bilang ng mga pag-click na natatanggap ng iyong asset na hinati sa dami ng beses na ipinakita ang asset mo.

CTR = mga pag-click ÷ mga impression

Halimbawa, kung mayroon kang 10 pag-click at 100 impression, ang CTR mo ay magiging 10%.

Puwedeng gamitin ang CTR para masukat kung alin sa iyong mga asset ang matagumpay para sa iyo at kung alin ang kailangang pahusayin. May sariling CTR ang bawat asset. Matuto pa tungkol sa Click-through rate (CTR).

Mga Impression

Ipinapakita ng column na ito kung gaano kadalas ipinapakita ang iyong asset. Nagbibilang ng impression sa tuwing ipinapakita ang iyong asset sa isang ad sa YouTube, Gmail, at Discover. Matuto pa tungkol sa mga impression.

Tip: Kung minsan, posibleng walang matanggap na kahit anong impression ang isang asset kung nahulaang mas mahusay ang magiging performance ng iba pang asset. Kung ilang linggong walang matatanggap na impression ang isang asset, pag-isipang palitan ang asset ng panibago.

Halaga ng lahat ng conv.

Nakikita mo sa column na ito ang kabuuang halaga ng conversion na nahihimok ng iyong mga asset sa Demand Gen ad. Nagbibigay ito ng mas malawak na view sa performance ng iyong ad. Kasama sa column na ito ang anumang halaga ng conversion na pinili mong huwag isama sa iyong column na 'Halaga ng conv.'

Kung mapag-alaman mong hindi maganda ang performance ng iyong mga asset, suriin ang aming checklist ng pinakamahuhusay na kagawian at mga alituntunin sa asset na creative para matulungan kang bumuo ng matataas na kalidad na asset na mas malamang maghatid ng mas magagandang resulta. Matuto pa tungkol sa kung paano i-boost ang performance ng ad gamit ang aming mga tip at rekomendasyon para sa pag-uulat ng asset.

Tip: Isa ka bang digital agency na naghahanap ng higit pang inspirasyon para sa creative? Bisitahin ang Create With Google para matuto pa tungkol sa kung paano ka matutulungan ng mga Demand Gen ad na humimok ng engagement sa pamamagitan ng magaganda at visual na karanasan sa mga feed ng Google.

Tandaan: Sa kasalukuyan, hindi kasama sa mga ulat sa asset ang mga asset mula sa mga dynamic na ad ng produkto. Malapit nang maging available ang feature na ito.

Tumingin ng mga ulat sa asset para sa mga ad sa isang partikular na campaign

Para tingnan ang iyong ulat sa asset, sundin ang mga tagubiling ito:

Tandaan: Ang mga tagubilin sa ibaba ay bahagi ng bagong experience ng user sa Google Ads na ilulunsad para sa lahat ng advertiser sa 2024. Kung ginagamit mo pa rin ang dating bersyon ng Google Ads, suriin ang Quick reference na mapa o gamitin ang Search bar sa panel ng navigation sa itaas ng Google Ads para makita ang page na hinahanap mo.

1. Sa iyong Google Ads account, i-click ang icon ng Mga Campaign ___codemirror_selection_bookmark___.
2. I-click ang drop-down na Mga Campaign sa menu ng seksyon.
3. I-click ang Mga Campaign.
4. Hanapin at piliin ang nauugnay na Demand Gen campaign.
5. I-click ang drop down na Mga Ad sa menu ng seksyon.
6. I-click ang Tingnan ang mga detalye ng asset sa kaugnay na ad.

Ano ang makikita mo sa iyong ulat sa asset sa level ng ad

Mga detalye tungkol sa iyong mga Demand Gen ad

Sa pinakaitaas ng ulat, makikita mo ang status ng bawat ad, pangalan nito, at time frame. Kapag lumalabag o nalilimitahan ng isang patakaran sa Ads, ang isa o higit pa sa iyong asset, makakakita ka rin ng impormasyon tungkol niyan dito.

Kalidad ng Ad

Sa itaas ng ulat, makakakita ka rin ng impormasyon ng kalidad ng ad sa iyong ad. Nagbibigay ang kalidag ng ad ng gabay sa kung gaano kahusay sinusunod ng iyong ad ang pinakamahuhusay na kagawian. Makakatulong ang mas mataas na kalidad ng ad sa pag-maximize sa performance ng iyong ad.

Matuto pa tungkol sa Kalidad ng Ad para sa mga Demand Gen campaign.

Tandaan: Available lang ito para sa mga image ad sa ngayon.

Mga Filter

Kung mahaba-haba ang iyong listahan ng mga asset, puwede kang mag-filter ayon sa naka-enable na status, uri ng asset, at performance. Puwede mo ring isaayos ang iyong view ng ulat o i-download ang ulat.

Mga Asset

Sa column na "Mga Asset," makikita mo ang:

• Ang content ng bawat asset (tulad ng thumbnail ng text o larawan)
• Kung naaangkop, mga dimensyon ng asset para sa mga larawan o video

Uri ng asset

Tinutukoy ng column na "Uri ng asset" kung paano ginagamit ang bawat asset. Narito ang mga uri ng asset na puwede mong makita:

• Headline
• Paglalarawan
• Larawan
• Video
• Logo

Tandaan: Dapat ikumpara ang mga asset ayon sa uri ng asset. Halimbawa, ang “hindi mahusay” na rating para sa isang larawan/video ay hindi kapareho ng “hindi mahusay” para sa headline.

I-edit

Mula sa ulat sa asset, puwede kang direktang gumawa ng mga pagbabago sa ad nang hindi iniiwan ang ulat. Kapag pinili ang icon ng status na berdeng bilog , puwede mong alisin kaagad ang asset na may hindi mahusay na performance mula sa ad. Pagkatapos alisin, hindi mo na maibabalik ang asset mula sa page na ito.

Puwede mo ring direktang i-edit ang mga asset na text sa pamamagitan ng pagpili sa icon na lapis sa tabi ng nauugnay na asset.

Tumingin ng mga ulat sa asset sa maraming campaign

Binubuo ang mga ulat sa asset sa maraming campaign kung mayroon kang isa o higit pang Demand Gen ad sa Google Ads. Mga aktibong asset lang (mga asset sa mga aktibong ad, sa mga aktibong ad group, at sa mga aktibong campaign na nagkaroon ng mga impression sa loob ng nakaraang 30 araw) ang lumalabas sa ulat.

Tandaan: Dahil araw-araw ina-update ang data ng asset, hindi makikita ang mga pagbabago nang real-time. Halimbawa, puwede pa ring lumabas ang mga asset sa isang ulat pagkatapos ma-pause ang isang campaign, pero maaalis ito kapag na-update ang data ng asset.

Para tingnan ang iyong ulat sa asset, sundin ang mga tagubiling ito:

Tandaan: Ang mga tagubilin sa ibaba ay bahagi ng bagong disenyo para sa experience ng user sa Google Ads. Para gamitin ang dating disenyo, i-click ang icon ng "Hitsura," at piliin ang Gamitin ang dating disenyo. Kung ginagamit mo ang dating bersyon ng Google Ads, suriin ang Quick reference na mapa o gamitin ang Search bar sa panel ng navigation sa itaas ng Google Ads para makita ang page na hinahanap mo.

1. Sa iyong Google Ads account, i-click ang icon ng Mga Campaign .
2. I-click ang drop-down na Mga Asset sa menu ng seksyon.
3. I-click ang Mga Asset.
4. Sa mga opsyon sa sub-navigation sa ilalim ng Mga Asset, piliin ang Mga Asset para sa drop-down na View ng Talahanayan at Demand Gen para sa drop-down na uri ng Campaign.

Ang makikita mo sa iyong ulat sa asset sa maraming campaign

Mga Filter

Puwede kang mag-filter ayon sa mga conversion, uri ng asset, at performance. Puwede ka ring mag-filter ayon sa mga attribute tulad ng uri ng asset, ginamit ng, at pangalan ng asset.

Isasama sa ulat sa asset sa maraming campaign ang mga sukatan at property ng iyong mga asset na binanggit sa ibaba bilang default.

• Pangalan ng asset
• Ginamit ng
• Uri ng asset
• Mga Pag-click
• CTR
• Impr.
• Lahat ng conv. Value

Para magdagdag o mag-alis ng mga bagong column sa uklat, mag-click sa icon ng Mga Column mula sa toolbar ng talahanayan para baguhin ang mga column.

I-download

Puwede mong piliing i-download ang ulat sa asset para sa pagbabahagi o pagsusuri. Puwede mong i-download ang ulat sa malawak na hanay ng mga format tulad ng .csv, .tsv, .pdf, o kahit sa Google sheet.

Mayroon ka ring kakayahang i-email ang ulat, kaagad man o nang nakaiskedyul. Nagbibigay-daan ang opsyon sa pag-iiskedyul sa iba't ibang setting. Mga valid na email address lang na may access sa account ang makakatanggap ng mga ulat.

 

---

Mga kaugnay na link

• Tungkol sa Kalidad ng ad para sa mga Demand Gen ad
• Tungkol sa mga Demand Gen campaign
• Gumawa ng Demand Gen campaign
• Mga kinakailangan sa format ng mga Demand Gen ad