Puwede kang magpakita ng listahan ng mga kaugnay na video sa ibaba ng isang video ad kapag nagpe-play ang ad sa YouTube. Mapapalakas at mapapalawak ng mga video na ito ang mensahe ng iyong ad sa labas ng pangunahing video ad. Sa artikulong ito, matututunan mo ang tungkol sa mga kaugnay na video at kung paano gumagana ang mga ito sa mga Video campaign.
Mga Benepisyo
- Pinapalawak ang iyong mensahe sa labas ng pangunahin mong video ad.
- Pinapanatiling nakikipag-ugnayan ang mga manonood sa iyong mga creative (kasama na ang ibang video sa channel mo sa YouTube).
- Mas mahusay pang makipag-ugnayan sa mga consumer sa mobile sa pamamagitan ng paggamit sa espasyo sa ibaba ng pangunahing video ad kapag naka-patayo ang hawak sa device ng user.
Paano ito gumagana
- Available ang mga kaugnay na video sa mga layuning "Pagsasaalang-alang sa produkto at brand" at "Kaalaman sa brand at abot ng brand" (o puwede kang gumawa ng Video campaign nang walang gabay ng layunin gamit ang diskarte sa pag-bid na CPV o tCPM).
- Makakapagdagdag ka ng 2 hanggang 5 kaugnay na video sa campaign. Kailangang "Pampubliko" o "Hindi Nakalista" ang iyong mga video para lumabas bilang mga kaugnay na video sa campaign.
- Lumalabas ang mga kaugnay na video sa ibaba ng video ad kapag nagpe-play ito sa YouTube app sa mga mobile device.
Posibleng hindi palaging lumabas ang mga kaugnay na video sa ibaba ng iyong ad. Posible ring magkaroon ng mga pagbabago sa bilang ng video na kasama sa ad, o sa pagkakasunod-sunod ng mga video. Dapat sumunod ang mga kaugnay na video sa mga patakaran sa pag-advertise ng Google at mga kinakailangan para sa mga ad sa YouTube.
