Kung may touchscreen ang iyong Chromebook, narito ang ilang pagkilos na puwede mong gawin dito:
- Mag-click: Mag-tap kung saan mo gustong mag-click.
- Mag-right click: Pindutin nang matagal ang bahagi kung saan mo gustong mag-right click.
- Mag-scroll: I-drag ang iyong daliri pataas, pababa, pakanan, o pakaliwa.
- Pumunta sa isang nakaraang page sa iyong browser: Para bumalik, i-swipe ang iyong daliri mula kaliwa pakanan. Para magpatuloy, mag-swipe mula kanan pakaliwa.
- Mag-zoom in o mag-zoom out: Pindutin nang matagal ang isang bahagi gamit ang 2 daliri.
- Para mag-zoom in, paglayuin ang mga ito.
- Para mag-zoom out, paglapitin ang mga ito.
- Ipakita ang iyong row ng mga app (shelf): Mag-swipe pataas mula sa ibaba ng screen.
- Itago ang iyong row ng mga app (shelf): Pindutin nang matagal ang row ng mga app sa ibaba ng screen.
- Tingnan ang dalawang app sa magkabilang gilid: Kung nakikita mo ang lahat ng iyong nakabukas na window sa screen, mag-drag ng app pakaliwa o pakanan para magamit ito sa tabi ng isa pang app.
Magbukas at magsara ng mga window at tab
- Magbukas ng bagong window: Sa kanang sulok sa itaas ng window, i-tap ang Higit pa Bagong window.
- Magbukas ng bagong tab: Sa tabi ng iyong bukas na tab, i-tap ang Bagong Tab .
- Magsara ng window o tab: Mag-swipe pababa mula sa itaas ng screen para makita ang lahat ng iyong nakabukas na window. Pagkatapos ay mag-swipe pababa sa isang window para isara ito.
- Muling magbukas ng window o tab na isinara mo: Sa itaas, sa tabi ng tab, mag-tap nang matagal. Piliin ang Magbukas ulit ng isinarang tab.
Tingnan ang dalawang window nang sabay
- Mula sa itaas ng screen, mag-swipe pababa para makakita ng overview ng iyong mga window.
- Mag-drag ng isa sa mga window na gusto mong gamitin, papunta sa kanan o papunta sa kaliwang bahagi ng screen.
- I-tap ang isa pang window na gusto mong gamitin.
- Para i-adjust ang laki ng dalawang window, i-drag ang linya sa gitna ng split screen.
- Para alisin ang split screen, i-drag ang linya sa gitna ng split screen papunta sa alinmang bahagi. Tip: Sa kanang bahagi sa ibaba, puwede mo ring pindutin nang matagal ang Overview .
Muling mag-ayos, maglipat o mag-pin ng mga tab
Maaari mong pagsamahin ang mga tab na may kaugnayan, o ilipat ang isang tab sa loob o labas ng isang window. Gayundin, kung may webpage na gusto mong palaging nakabukas, tulad ng iyong email, maaari mong padaliin ang paghanap sa tab na iyon sa pamamagitan ng pag-pin dito.
- Muling ayusin ang mga tab na nasa parehong window: I-drag ang tab sa ibang posisyon sa itaas ng window ng browser.
- Maglipat ng tab sa bagong window: I-drag ang tab palayo sa window.
- Maglipat ng tab sa bagong window: Mula sa itaas ng tab, i-drag pababa ang iyong darili para ma-split ang tab sa bagong window. Pagkatapos, mula sa itaas ng bagong window, i-drag ang tab sa window kung saan mo ito gustong idagdag. Kapag binitawan mo ang tab, magme-merge ito sa kasalukuyang window.
- Maglipat ng tab mula sa isang split screen na window papunta sa isa pa: Kapag nasa split screen, i-drag ang tab palayo sa window at papunta sa kabilang bahagi ng screen. Maaari itong idagdag sa kasalukuyang window ng Chrome, o maging bagong split screen na window.
- Mag-pin ng tab sa pwesto: I-tap nang matagal ang tab na gusto mong i-pin para makita ang menu. Piliin ang I-pin ang tab. Lumalabas ang mga naka-pin na tab sa kaliwang bahagi ng iyong window ng browser, at mas maliliit ito.
Mag-ayos ng mga problema sa touchscreen
Kung hindi gumagana ang iyong touchscreen, subukan ang mga hakbang na ito. Subukan pagkatapos ng bawat hakbang para makita kung gumagana ang iyong touchscreen.
- Punasan ang anumang alikabok o dumi sa iyong touchscreen.
- I-reset ang hardware ng iyong Chromebook.
- I-reset ang iyong Chromebook sa mga factory setting.
Kung hindi maaayos ng mga hakbang na ito ang problema, makipag-ugnayan sa manufacturer ng iyong Chromebook.