I-download at i-install ang Google Chrome

Puwede mong i-download at i-install ang Chrome web browser nang libre, at gamitin ito para mag-browse sa web.

Paano i-install ang Chrome

Mahalaga: Bago ka mag-download, tingnan kung sinusuportahan ng Chrome ang iyong operating system at kung natutugunan mo ang lahat ng iba pang requirement sa system.

Windows

Sa iyong computer, i-download ang file sa pag-install.
Para i-install ang file, sundin ang mga tagubilin sa screen.
- Kung makikita mo ang mensaheng "Gusto mo bang patakbuhin ang file na ito?," piliin ang Patakbuhin.
- Kung makikita mo ang mensaheng "Gusto mo bang payagan ang app na itong gumawa ng mga pagbabago sa iyong device?," piliin ang Oo.
Buksan ang Chrome.
- Para sa Windows 10 at mas bago, kapag tapos na ang pag-install, may bubukas na window ng Chrome. Puwede mong gawing Chrome ang iyong default browser.

Tip: Kung gumamit ka ng ibang browser, tulad ng Firefox, puwede mong i-import sa Chrome ang iyong mga setting.

I-install ang Chrome offline

Kung nagkakaproblema ka kapag nagda-download ka ng Chrome sa iyong Windows computer, gamitin ang alternatibong link para i-download ang Chrome sa ibang computer.

Sa iyong computer, mag-download ng installer ng Chromepara sa ibang computer.
Sa ibaba ng page, sa ilalim ng “Pamilya ng Chrome,” piliin ang Iba pang Platform.
Piliin ang OS ng device kung saan mo gustong i-install ang Chrome.
I-download ang file.
Ilipat ang file sa computer kung saan mo gustong i-install ang Chrome.
Para i-install, sundin ang mga tagubilin sa screen.

Mac

Sa iyong computer, i-download ang file sa pag-install.
Buksan ang file na may pangalang "googlechrome.dmg."
- Sa bubukas na window, makikita mo ang Chrome.
I-drag ang Chrome sa folder na Applications.
- Posibleng kailangan mong ilagay ang password ng admin.
- Kung hindi mo mailagay ang password ng admin, i-drag ang Chrome sa isang lokasyon kung saan mayroon kang ganap na mga pahintulot, gaya ng iyong desktop.

Tip: Para maglinis pagkatapos mong mag-install, sa sidebar ng Finder, sa tabi ng “Chrome,” piliin ang Eject .

Linux

Para i-install ang Chrome, gamitin ang parehong software na nag-i-install ng mga program sa iyong computer. Kailangan mong ilagay ang password ng administrator account.