Mahalaga: Google Chat na ngayon ang Google Hangouts. Hindi mo na maa-access ang Hangouts sa mga mobile device o sa web. Matuto pa tungkol sa paglipat sa Google Chat mula sa Google Hangouts.
Para mapanatiling positibo ang karanasan para sa aming mga user, sundin ang mga patakarang ito kapag ginagamit ang Google Chat ("Chat"). Posibleng magbago ang mga patakarang ito. Para matuto pa, pumunta sa Mga Tuntunin ng Serbisyo ng Google.
Spam at komersyal na paggamit
- Ang spam ay mga hindi hiningi at hindi gustong mensahe, kasama ang pampromosyon o komersyal na content, at maramihang pangangalap.
- Huwag magpadala (o tumulong na magpadala) ng spam, maraming komersyal na mensahe, o naka-automate na mensahe o tawag.
- Huwag gumawa ng mga pagtawag na lumalabag sa mga batas na nagbabawal sa mga hindi hininging pang-marketing na tawag (hal. mga "do-not-call" na batas).
Alamin kung paano mag-block ng mga user sa Chat.
Panloloko, phishing, at iba pang mapanlinlang na kagawian
Huwag gamitin ang Chat para sa phishing, pati sa:
- Paghingi o pangongolekta ng sensitibong data, kasama ang, pero hindi limitado sa, mga password, pinansyal na detalye, at numero ng Social Security
- Paggamit sa Chat para manloko, manlinlang, o mandaya ng ibang user sa pagbabahagi ng impormasyon sa pamamagitan ng pagpapanggap
- Pagpapanggap bilang ibang tao o pagsisinungaling sa pagpapakilala ng iyong sarili o sa source ng isang mensahe o tawag sa Chat
Malware
Hindi namin pinapayagan ang pagpapadala ng:
- Malware
- Mga Virus
- Mga Trojan horse
- Mga sirang file
- Mapanirang code
- Anumang posibleng makapinsala o makaabala sa pagpapatakbo ng mga network, server, o iba pang imprastruktura ng Google o iba pa
Kaligtasan ng bata
Huwag gamitin ang Chat o Hangouts sa anumang paraang nananamantala ng mga bata, pati sa:
- Koleksyon ng imahe ng pang-aabusong sekswal sa kabataan o content na nagpapakita ng mga bata sa sekswal na paraan
- Paghahanda ng bata sa pamamagitan ng pagkaibigan, na anumang pagkilos na naglalayong bumuo ng koneksyon sa isang bata para mabawasan ang mga inhibition ng bata bilang paghahanda para sa sekswal na pang-aabuso, trafficking, o iba pang pananamantala
May patakarang zero-tolerance ang Google laban sa ganitong content. Kung may matutukoy kaming ganitong content, iuulat namin ito sa National Center for Missing and Exploited Children gaya ng iniaatas ng batas. Puwede rin kaming gumawa ng pandisiplinang pagkilos, kasama ang pagwawakas sa mga Google Account ng mga sangkot dito.
Kung sa palagay mo ay nasa panganib o nakaranas ng pang-aabuso, pananamantala, o trafficking ang isang bata, makipag-ugnayan kaagad sa iyong lokal na tagapagpatupad ng batas.
Kung nag-ulat ka na sa tagapagpatupad ng batas at kailangan mo pa rin ng tulong, o kung mayroon kang mga alalahaning nasa panganib o nailagay sa panganib ang isang bata sa Chat, puwede mong iulat ang gawi sa Google.
Mag-ulat ng paglalagay ng bata sa panganib sa mga produkto ng Google.
Puwede mong i-block ang sinumang tao anumang oras para hindi ka niya makaugnayan sa Chat.
Panliligalig
- Huwag gamitin ang Chat para manligalig, magbanta, o manakot ng iba.
- Huwag hikayatin ang ibang makibahagi sa panliligalig.
Personal at kumpidensyal na impormasyon
Huwag ipamahagi ang personal at kumpidensyal na impormasyon ng ibang tao, gaya ng mga numero ng credit card, numero ng Social Security, o password ng account, nang walang pahintulot nila.
Mga ilegal na aktibidad
Huwag gamitin ang Chat para mag-promote o mag-organize ng o makibahagi sa mga ilegal na aktibidad.
Pagpapatupad ng patakaran
Puwedeng i-disable ng Google ang mga account na mapag-aalamang lumalabag sa mga patakarang ito. Kung madi-disable ang iyong account, at sa palagay mo ay hindi ito dapat ginawa, alamin kung paano mahihiling sa aming i-restore ang iyong account.