Google Chat மெசேஜ்களில் வடிவமைப்பைச் சேர்த்தல்

Chat மெசேஜ்களின் தோற்றத்தை மாற்ற வடிவமைப்பு மெனுவையோ மார்க்டவுன் அம்சத்தையோ பயன்படுத்தவும்.

Google Chat மெசேஜ்களின் வடிவமைப்பை மாற்றுதல்

1. Android மொபைல்/டேப்லெட்டில் Chat ஆப்ஸ் அல்லது Gmail ஆப்ஸை திறக்கவும்.
   • Gmailலில்: கீழ்ப்பகுதியில் உள்ள Chat ஐகானை தட்டவும்.
2. உரையாடலுக்குச் செல்லவும்.
3. மெசேஜை டைப் செய்யவும்.
4. இடதுபுறத்தில் உள்ள செயல் மெனு ஐகானை தட்டி வடிவமைப்பு என்பதைத் தட்டவும்.
5. ஒரு விருப்பத்தைத் தேர்ந்தெடுக்கவும்:
   • தடிமனாக்க: தடிமனாக்குவதற்கான ஐகானை தட்டவும்.
   • சாய்வாக்க: சாய்வாக்குவதற்கான ஐகானை தட்டவும்.
   • அடிக்கோடிட: அடிக்கோடிடுவதற்கான ஐகானை தட்டவும்.
   • எழுத்துகள் மீது கோடிட: எழுத்துகள் மீது கோடிடுவதற்கான ஐகானை தட்டவும்.
   • வார்த்தைகளின் வண்ணத்தை மாற்ற: வார்த்தைகளின் வண்ணத்தை மாற்றுவதற்கான ஐகானை தட்டவும்.
   • வார்த்தைகளுக்கு முன்பு பொட்டுக்குறியைச் சேர்க்க: பொட்டுக்குறியிட்ட பட்டியல் ஐகானை தட்டவும்.
   • ஓர் இணைப்பைச் சேர்க்க:
     1. இணைப்பைச் சேர்ப்பதற்கான ஐகானை தட்டவும்.
     2. இணைப்பை வழங்கவும்.
6. அனுப்புவதற்கான ஐகானை தட்டவும்.

உதவிக்குறிப்பு: வார்த்தைகளில் விரைவாக வடிவமைப்பைச் சேர்க்கவோ அகற்றவோ அவற்றைத் தொட்டுப் பிடித்து வடிவமைப்பு என்பதைத் தட்டவும்.

Google Chatடில் மார்க்டவுன் வடிவமைப்பைப் பயன்படுத்துதல்

முக்கியம்: மொபைல் சாதனத்தில் உள்ள "வடிவமைப்பு" பட்டனைப் பயன்படுத்தி வார்த்தை வடிவமைப்பை மாற்றினால் மெசேஜில் சேர்க்கப்பட்டுள்ள மார்க்டவுன் வடிவமைப்பை அது மாற்றிவிடும்.

Google Chat மெசேஜ்களில் மார்க்டவுன் வடிவமைப்பைச் சேர்க்க, வார்த்தைகளில் சிறப்பு எழுத்துக்குறிகளைச் சேர்க்கலாம்.

வடிவமைப்பு விருப்பம்	மார்க்டவுன் உதாரணம்
தடிமனாக்குதல்	*வார்த்தைகள்*
சாய்வாக்குதல்	_வார்த்தைகள்_
எழுத்துகள் மீது கோடிடுதல்	~வார்த்தைகள்~
இன்லைன் குறியீட்டுத் தொகுப்பாக்குதல்	`வார்த்தைகள்`
பல வரி குறியீட்டுத் தொகுப்பாக்குதல்	```வார்த்தைகள்```

உதவிக்குறிப்புகள்:

• இன்லைன் குறியீட்டுத் தொகுப்பு வார்த்தைகளை மடிக்கும்.
• பல வரி குறியீட்டுத் தொகுப்பு அசல் வரி முறிப்புகளை அப்படியே வைத்திருக்கும், வார்த்தைகளை மடிக்காது.

தொடர்புடைய தகவல்கள்

• உரையாடல் மெசேஜிற்குப் பதிலளித்தல்
• மெசேஜைத் திருத்துதல் அல்லது நீக்குதல்