Gumawa at mag-edit ng mga custom na dimensyon at sukatan

Ang mga custom na dimensyon at custom na sukatan ay katulad ng default na mga dimensyon at sukatan sa iyong Analytics account, pero ikaw mismo ang gagawa ng mga ito. Puwede mong gamitin ang mga ito para kolektahin at suriin ang data na hindi awtomatikong sinusubaybayan ng Analytics.

Itinatakda ang mga custom na dimensyon at sukatan sa antas ng property sa isang Analytics account. Dapat mayroon kang tungkuling Editor sa property na ito para makagawa o makapag-edit ng mga custom na dimensyon at sukatan.

Ang paggawa ng alinman sa custom na dimensyon o sukatan ay isang prosesong may dalawang hakbang. Una, i-set up ang custom na dimensyon o sukatan sa iyong property. Pagkatapos, baguhin ang iyong tracking code. Dapat mong kumpletuhin ang mga hakbang na ito ayon sa pagkakasunud-sunod.

Sa artikulong ito:

• Mag-set up ng mga custom na dimensyon
• Mag-set up ng mga custom na sukatan
• Baguhin ang iyong tracking code
• Mag-edit ng mga custom na dimensyon at sukatan

Mag-set up ng mga custom na dimensyon

1. Mag-sign in sa Google Analytics.
2. I-click ang Admin, at mag-navigate papunta sa property kung saan mo gustong magdagdag ng mga custom na dimensyon.
3. Sa column na PROPERTY, i-click ang Mga Custom na Pagtukoy > Mga Custom na Dimensyon.
4. I-click ang Bagong Custom na Dimensyon.
5. Magdagdag ng Pangalan.
   Puwedeng anumang string ito, pero gumamit ng natatanging string para hindi ito mapagkamalan bilang anupamang dimensyon o sukatan sa iyong mga ulat.
6. Piliin ang Saklaw.
   Piliing sumubaybay sa antas ng Hit, Session, User, o Produkto. Magbasa pa tungkol sa saklaw at kung paano pinoproseso ang mga custom na dimensyon sa aming Developer Guide.
7. Lagyan ng check ang kahong Aktibo para simulan ang pagkolekta ng data at makita kaagad ang dimensyon sa iyong mga ulat. Upang gawin ang dimensyon ngunit gusto mo itong panatilihing hindi aktibo, i-uncheck ang kahon.
8. I-click ang Gawin.

Mag-set up ng mga custom na sukatan

1. Mag-sign in sa Google Analytics.
2. I-click ang Admin, at mag-navigate papunta sa property kung saan mo gustong magdagdag ng mga custom na sukatan.
3. Sa column na PROPERTY, i-click ang Mga Custom na Pagtukoy > Mga Custom na Sukatan.
4. I-click ang button na Bagong Custom na Sukatan.
5. Magdagdag ng Pangalan.
   Puwedeng anumang string ito, pero gumamit ng natatanging string para hindi ito mapagkamalan bilang iba pang dimensyon o sukatan sa iyong mga ulat.
6. Sa dropdown na Uri ng Pag-format, pumili ng Integer, Currency, o Oras.
   Puwedeng kahit anong numero ang integer. Tutugma ang uri ng currency sa mga setting ng view (hal., USD, Yen, atbp.) at dapat itong ilagay bilang decimal na numero. Tukuyin ang oras bilang mga segundo, pero lalabas ito bilang hh:mm:ss sa iyong mga ulat.
7. Lagyan ng check ang kahong Aktibo upang magsimulang mangolekta ng data at makita agad ang sukatan sa iyong mga ulat. Para gawin ang sukatan pero hayaan itong hindi aktibo, i-uncheck ang kahon.
8. I-click ang Gumawa.

Baguhin ang iyong tracking code

Pagkatapos mong gumawa ng mga custom na dimensyon o sukatan sa iyong property, dapat mo ring baguhin ang iyong tracking code. Dapat itong kumpletuhin ng isang kwalipikadong developer. Sundin ang mga tagubilin sa Developer Guide para sa iyong partikular na environment:

• Pagsubaybay ng website: Para sa Universal Analytics (kung gumagamit ng gtag.js)
• Pagsubaybay sa mobile app: Para sa mga mobile app sa Android at iOS

Mag-edit ng mga custom na dimensyon at sukatan

Hindi made-delete ang mga custom na dimensyon at sukatan kapag nagawa na ang mga ito, ngunit mababalikan mo ang mga setting na ito sa iyong account upang pamahalaan at i-edit ang mga ito. Para ihinto ang paggamit ng dati nang custom na dimensyon, i-uncheck ang kahon ng Aktibo at i-click ang I-save.