اگر آپ مخصوص سائز والے اشتہارات دکھانا چاہتے ہیں تو آپ ڈسپلے اشتہار یونٹ تخلیق کر سکتے اور اسے مقررہ سائز فراہم کر سکتے ہیں۔ مقررہ سائز والے ڈسپلے اشتہار یونٹس آپ کو ان اشتہارات کی چوڑائی اور لمبائی کا تعین کرنے دیتے ہیں، جنہیں آپ اپنے صفحہ پر دکھانا چاہتے ہیں۔ بالکل ڈسپلے اشتہار یونٹس کی طرح ہی، مقررہ سائز والے ڈسپلے اشتہار یونٹس بھی سبھی قسموں کے اشتہارات پیش کر سکتے ہیں۔
نوٹ کریں کہ مقررہ سائز والے ڈسپلے اشتہار یونٹس متحرک طور پر اپنا سائز تبدیل نہیں کرتے یا اسکرین کی سمت بندی میں تبدیلیوں پر رد عمل نہیں کرتے ہیں۔ اگر آپ کی سائٹ ریسپانسیو ڈیزائن کا استعمال کرتی ہے تو ہم آپ کو اس کی بجائے ریسپانسیو ڈسپلے اشتہار یونٹ استعمال کرنے کی تجویز کرتے ہیں۔
درج ذیل صورتوں میں ہو سکتا ہے کہ آپ مقررہ سائز والے ڈسپلے اشتہار یونٹ کا استعمال کرنا چاہیں:
- جب اپنے صفحہ کے لے آؤٹ میں بہتر طریقے سے فٹ ہونے کیلئے مقررہ سائز کی ضرورت ہو
- جب اپنے مقام پر مقبول علاقائی اشتہار سائز حاصل کرنا ہو۔
پالیسیاں اور پابندیاں
یہ یقینی بنانے کیلئے کہ اشتہارات مسلسل مثبت صارفی تجربہ ڈیلیور کرتے رہتے ہیں، ہم نے اشتہار کے سائزز کیلئے زیادہ سے زیادہ اور کم از کم پکسلز سے متعلق کچھ پابندیاں عائد کر دی ہیں۔ مقررہ سائز والا ایسا کوئی بھی اشتہار جس پر نیچے دی گئی پابندیوں کے دائرے میں نہیں آتا ہے، وہ صفحہ پر ڈالے جانے پر دکھائی نہیں دے گا۔
مقررہ سائز والے اشتہارات کو AdSense کی اشتہار کے مقام کی پالیسیوں کی پابندی کرنے کی ضرورت ہوتی ہے۔ اس کے علاوہ، درجہ ذيل سائز کی پابندیاں نافذ ہوں گی:
- صرف ایک ڈائمینشن 450 پکسلز سے زیادہ ہو سکتی ہے
- کم از کم چوڑائی 120 پکسلز ہے
- کم از کم لمبائی 50 پکسلز ہے
- 1200 پکسلز سے زیادہ نہ تو لمبائی نہ ہی چوڑائی ہو سکتی ہے۔
