Sumunod sa patakaran sa pagpapahintulot ng user sa EU

Simula sa Enero 16, 2024, ire-require ang mga publisher at developer na gumagamit ng Google AdSense, Ad Manager, o AdMob na gumamit ng Consent Management Platform (CMP) na certified ng Google at nag-integrate sa Framework ng Transparency at Pahintulot ng IAB (Transparency and Consent Framework o TCF) kapag naghahatid ng mga ad sa mga user na nasa European Economic Area (EEA), UK o Switzerland.

Sa ilalim ng na-update na Patakaran sa Pagpapahintulot ng User sa EU ng Google, dapat kang gumawa ng ilang partikular na paghahayag sa iyong mga user sa European Economic Area (EEA), UK, at Switzerland, at dapat mong hingin ang kanilang pahintulot para sa paggamit ng cookies o iba pang lokal na storage kapag required ayon sa batas, at para sa pangongolekta, pagbabahagi, at paggamit ng personal na data para sa pag-personalize ng mga ad. Ipinapakita ng patakarang ito ang mga requirement ng Direktiba sa ePrivacy ng EU at Pangkalahatang Regulasyon para sa Proteksyon ng Data (General Data Protection Regulation o GDPR). 

Para masuportahan ang mga publisher sa pagtupad sa kanilang mga tungkulin sa ilalim ng patakarang ito, iniaalok ng Google ang mga opsyon sa paghahatid ng ad na inilalarawan sa ibaba para sa mga user sa EEA, UK, at Switzerland. Kung hindi ka gagawa ng anumang pagbabago gaya ng inilalarawan sa ibaba, patuloy na gagamitin ang karaniwang ginagamit na hanay ng mga provider ng teknolohiya ng ad.

Kasama sa EEA ang mga miyembrong estado ng European Union at ang Iceland, Liechtenstein, at Norway.

Magsimula

1. Mag-sign in sa iyong AdSense account.
2. I-click ang Privacy at pagmemensahe  Mga regulasyon sa Europe  Mga Setting.

   Lalabas ang page ng mga setting ng mga regulasyon sa Europe. I-update ang mga setting para sa mga seksyon sa page na ito gaya ng inilalarawan sa ibaba.

Tandaang nalalapat lang ang mga setting na ito sa AdSense para sa content. Para sa mga setting ng AdSense for search, tingnan ang Ads personalization settings in Google’s publisher ad tags.

Piliin ang uri ng mga ad na gusto mong ipakita

Mapipili mong maghatid ng mga hindi naka-personalize na ad sa lahat ng iyong user sa EEA, UK, at Switzerland gamit ang setting na “Mga hindi naka-personalize na ad” sa ibaba. Gayunpaman, kung gusto mong papiliin sa mga naka-personalize at hindi naka-personalize na ad ang bawat isa sa iyong mga user, piliin ang “Mga naka-personalize na ad” at sundin ang mga tagubilin para sa paghahatid ng mga hindi naka-personalize na ad batay sa request.

Mga naka-personalize na ad

Puwedeng magpatuloy ang Google sa pagpapakita ng mga naka-personalize na ad pati na rin ng mga hindi naka-personalize na ad sa iyong mga user sa EEA, UK, at Switzerland. Ito ang setting na gagamitin maliban na lang kung may gagawin kang pagbabago sa page na ito.

Naaabot ng mga naka-personalize na ad ang mga user batay sa kanilang mga interes, demograpiko, at iba pang pamantayan. Dahil ang mga provider ng teknolohiya ng ad ay puwedeng mangolekta, makatanggap, at gumamit ng personal na data mula sa mga user sa mga naka-personalize na ad, dapat mong malinaw na tukuyin ang lahat ng nasabing provider ng teknolohiya ng ad kapag humingi ka ng pahintulot ng user para sa pangongolekta, pagbabahagi, at paggamit ng personal na data para sa pag-personalize ng mga ad.

Mga hindi naka-personalize na ad

Mga hindi naka-personalize na ad lang ang ipapakita ng Google sa lahat ng iyong user sa EEA, UK, at Switzerland.

Tina-target ang mga hindi naka-personalize na ad gamit ang impormasyong batay sa konteksto sa halip na sa dating gawi ng isang user. Bagama't hindi gumagamit ng cookies ang mga ad na ito para sa pag-personalize ng mga ad, gumagamit ang mga ito ng cookies para sa capping ng dalas, pinagsama-samang pag-uulat ng ad, at para labanan ang panloloko at pang-aabuso. Samakatuwid, kinakailangan ang pahintulot para makagamit ng cookies para sa mga layuning iyon mula sa mga user sa mga bansa kung saan nalalapat ang mga probisyon ng cookie ng EU ePrivacy Directive. Hindi ka inaatasan ng Google na kumuuha ng pahintulot sa paggamit ng Trust Token API ng browser para labanan ang panloloko at pang-aabuso.

Kung nag-opt out ka na sa naka-personalize na pag-advertise, dapat mo pa ring piliin dito ang opsyong Mga hindi naka-personalize na ad para matiyak na mga hindi naka-personalize na ad lang ang ipapakita. Ilalapat ng Google ang mas mahihigpit na setting.

Pumili ng mga provider ng teknolohiya ng ad (para sa mga naka-personalize na ad)

Para makatulong sa pagsunod sa ilalim ng na-update na EU User Consent Policy (Patakaran sa Pagpapahintulot ng User sa EU) ng Google, may opsyon kang piliin ang mga gusto mong provider ng teknolohiya ng ad (ad technology provider o ATP) sa isang listahan ng mga kumpanyang nagbigay sa amin ng impormasyon tungkol sa kanilang pagsunod sa GDPR — at lahat sila ay kailangan ding sumunod sa aming patakaran sa paggamit ng data para matiyak na mapoprotektahan ang data ng publisher.

Kung pipiliin mo ang mga provider ng teknolohiya ng ad na ito (kasama ang Google at iba pang bidder at vendor), puwede silang gumamit ng data tungkol sa iyong mga user para sa pag-personalize ng mga ad at pagsukat.

Magkaiba ang mga provider ng teknolohiya ng ad at ang mga network ng pamamagitan. Hindi maaapektuhan ng pagpili na ito ang pamamagitan.

1. Pumili ng karaniwang ginagamit na hanay ng mga provider ng teknolohiya ng ad o gumawa ng custom na hanay:
   • Karaniwang ginagamit na hanay ng mga provider ng teknolohiya ng ad: Ito ang setting na gagamitin maliban na lang kung gagawa ka ng pagbabago sa page na ito.
   • Custom na hanay ng mga provider ng teknolohiya ng ad: Piliin ang gusto mong mga provider ng teknolohiya ng ad.
2. Malinaw na ipakilala sa iyong mga user ang mga provider na pipiliin mo, at kunin ang pahintulot ng mga user alinsunod sa Patakaran sa pagpapahintulot ng user sa EU ng Google.

   Puwede mo itong gawin sa pamamagitan ng paglilista ng iyong mga napiling provider ng teknolohiya ng ad sa isang flow ng pahintulot, o paglilista ng mga napili mong provider sa hiwalay na page ng iyong site kung saan mo ididirekta ang iyong mga user mula sa isang flow ng pahintulot. Sa alinmang sitwasyon, para makasunod sa Patakaran sa pagpapahintulot ng user sa EU ng Google, dapat kang mag-link sa mga detalyeng ibinigay ng bawat provider na naglalarawan sa kanilang mga aktibidad.

I-set up ang pangangalap ng pahintulot

Puwede kang gumawa ng sarili mong dialog tungkol sa pahintulot na nagpapakita ng mensahe sa iyong (mga) site na humihingi ng pahintulot sa mga user mo sa EEA, UK, at Switzerland. Matuto pa tungkol sa pagpapasa ng mga signal ng pahintulot sa AdSense.

Para sa higit pang impormasyon at tulong sa pahintulot ng user sa EU, tingnan ang aming GDPR troubleshooter.

Mga karagdagang pagsasaalang-alang

Privacy Sandbox API

Pinag-eeksperimentuhan ng Google ang mga bagong paraan ng pagsuporta sa paghahatid at pagsusukat ng digital na pag-advertise sa mga paraang mas mahusay na pumoprotekta sa privacy ng mga tao online sa pamamagitan ng inisyatibang Privacy Sandbox ng Chrome. Kapag ina-access ang ilang partikular na Sandbox API bilang bahagi ng Mga Trial ng Origin ng Privacy Sandbox (kasama ang Topics, Fledge, at Attribution Reporting API) posibleng gumagamit ka ng personal na data para sa pag-personalize ng mga ad at/o pag-access sa lokal na storage. Ayon sa Patakaran sa pagpapahintulot ng user sa EU, required kang kumuha ng valid na pahintulot ng user para sa mga pagkilos na ito sa parehong paraan kung paano ka umaasa sa pagpapahintulot ngayon para sa pag-personalize ng mga ad at sa paggamit ng hindi kinakailangang lokal na storage sa European Economic Area at UK.