Bukod sa pagkakaroon ng site na pang-mobile, mahalagang magbigay ng magandang karanasan ng user para sa iyong audience sa mobile. Sa pamamagitan ng pagtuon sa disenyo, content at mga placement ng ad ng iyong mobile site, makakatulong kang mapataas ang pakikipag-ugnayan ng user. Dahil dito, puwede itong humantong sa pagtaas ng iyong kita sa mobile ad nang pangmatagalan.
Mga Tip
Ito ang ilang nangungunang tip upang matulungan kang mag-optimize para sa mobile Web:
Sa pamamagitan ng pagpili sa 320x100 na unit ng ad, hinahayaan mo ring makipagkumpitensya para lumabas ang mga 320x50 na display ad, na posibleng humantong sa mas matataas na RPM. Kapag inilagay mo ang malalaking banner na ito sa mobile sa iyong site, puwede ring lumaki ang kita mo sa pamamagitan ng mas matataas na rate ng pag-click.
Inirerekomenda naming ilagay mo ang iyong 320x100 na unit ng ad sa itaas ng fold. Ayon sa aming pananaliksik, ang pinakamagandang posisyon ng ad ay mismong sa itaas ng fold. Para sa higit pang impormasyon, tingnan ang The Importance of Being Seen ng Google.
61% ng mga user ang nagsabi na kung hindi nila agad makita ang kanilang hinahanap sa isang mobile site, agad silang lumilipat sa isa pang site. Pinagkunan: What Users Want Most from Mobile Sites Today
Gamit na gamit ng mga advetiser sa buong mundo ang laki ng ad na 300x250, na nagreresulta sa isang malaking supply ng ad at mas pinatinding kumpetisyon. Ibig sabihin nito, ang isang 300x250 na may magandang posisyon ay posibleng magkaroon ng mas mataas na RPM at posibleng makapagpalaki ng iyong kita.
Ayon sa pananaliksik ng Google, ang isang 300x250 na unit ng ad na inilagay sa ibaba mismo ng fold ay puwedeng magkaroon ng humigit-kumulang 50% rate ng viewability, na makakatulong sa iyong i-maximize ang epekto ng espasyo para sa ad mo. Para sa higit pang impormasyon, tingnan ang The Importance of Being Seen ng Google.
Makakatulong sa iyo ang data ng Aktibong View na tukuyin at i-maximize ang mahalagang imbentaryo mo sa ibaba ng fold. Source: The Importance of Being Seen
Sa isang kamakailang poll ng Google na may 570 respondent, halos kalahati ang nagsabi na ang pinakakinaiinisan nila kapag nagba-browse sa mobile Web ay ang paghihintay na mag-load ang mababagal na page. Ngayong mas marami nang paghahanap sa Google ang ginagawa sa mga mobile device sa halip na sa mga computer, napakahalagang magkaroon ng mabilis na mobile page.
Para makatulong na pabilisin ang pag-load ng iyong page, inirerekomenda naming gawin mo ang mga sumusunod:
- Sundin ang 5 Steps to Mobile-Friendly Sites ng Google Webmasters
- Gamitin ang PageSpeed Insights tool para sukatin ang performance ng iyong mga page sa mga mobile at desktop device.
Iiwanan ng 40% ng mga tao ang isang website na lampas tatlong segundo kung mag-load. Source: Mobile Apps: What Consumers Really Need and Want.
Mga simpleng pag-optimize para sa iyong pang-mobile na site Para sa karagdagang tulong sa pag-optimize sa iyong pang-mobile na site, i-download ang aming one-pager ng mga tip at pinakamahuhusay na kagawian: Simple optimizations for your mobile site |