Ang mga ulat sa iyong AdSense account ay naglalayong bigyan ka ng malalapit na pagtatantya sa kasalukuyang aktibidad sa iyong account. Gayunpaman, hindi kumakatawan ang mga ulat na ito sa iyong kabuuang mga kita. Maraming salik ang puwedeng makaapekto sa halagang ibabayad sa iyo sa huli. Kapag naisapinal na ang iyong mga kita, ipo-post ang mga ito sa page mo na "Mga Transaksyon." Kapag naangkop at posible, ang anumang kitang mapag-aalamang mula sa mga invalid na pag-click o impression ay ire-refund sa mga apektadong advertiser. Kung na-disable ang iyong account nang dahil sa invalid na aktibidad, hindi ka makakatanggap ng bayad at, kapag naaangkop at posible, ire-refund namin sa mga apektadong advertiser ang kinita sa account.
Mga kita sa iyong homepage
Sa homepage ng iyong account, ipapakita namin ang sumusunod na impormasyon:
- Tinantyang mga kita: malalapit na pagtatantya sa iyong kamakailang aktibidad mula ngayon, kahapon, sa buwang ito hanggang sa kasalukuyan, at sa nakalipas na buwan.
- Balanse: ipinapakita sa seksyong ito ang dalawang antas ng mga kita:
- Ang kasalukuyang balanse ng iyong mga kita na hindi pa nababayaran. Baka hindi tumugma ang balanseng ito sa kabuuang halaga ng bayad na matatanggap mo. Puwedeng magsagawa ang Google ng mga pagsasaayos sa halaga, kabilang ang para sa mga pagkakaiba sa pagra-round off, anumang invalid na aktibidad na kailangang isaayos sa iyong mga kita, o iba pang credit na natatanggap sa katapusan ng buwan kapag kinakailangan.
- Ang iyong pinakakamakailang bayad.
Mga pagsasaayos sa mga kita
Puwede kaming magsagawa ng mga pagsasaayos sa iyong tinantya o kabuuang mga kita para sa mga invalid na impression o pag-click, na nangangahulugang puwede kaming magkaltas ng mga kita sa iyong mababayarang balanse. Ang invalid na aktibidad ay puwedeng dulot ng mga isyu sa mga pinagmumulan ng trapiko o pagpapatupad ng ad. Inirerekomenda naming suriin mo ang Mga patakaran ng AdSense: gabay para sa baguhan at mga tip para sa pag-iwas sa invalid na aktibidad para sa higit pang impormasyon.
Nakalaan sa amin ang karapatang isaayos ang mga kita ng publisher sa sitwasyong hindi magbayad ang isang advertiser na nag-advertise sa kanyang site.
Para mapanatili ang integridad ng aming system para sa pagtukoy ng invalid na aktibidad at para pigilan ang mga user na dayain ang system, hindi kami makakapagbigay ng mga detalye tungkol sa kung magkano ang isinaayos kada araw o sa bawat channel. Dapat mong malaman na ipinapatupad namin ang mga proteksyong ito laban sa invalid na aktibidad para mapanatiling ligtas at kapaki-pakinabang na kapaligiran ang aming network ng mga site ng AdSense para sa mga advertiser, publisher, at user.