اگر آپ کو اپنے Google اکاؤنٹ، Gmail یا دیگر Google پروڈکٹس پر نامانوس سرگرمی کا پتا چلتا ہے تو ممکن ہے کہ کوئی دوسرا شخص آپ کی اجازت کے بغیر اس کا استعمال کر رہا ہو۔ اگر آپ سمجھتے ہیں کہ آپ کا Google اکاؤنٹ یا Gmail ہیک ہو گیا ہے تو مشکوک سرگرمی کا پتا لگانے، اپنے اکاؤنٹ تک دوبارہ رسائی حاصل کرنے اور اسے مزید محفوظ بنانے میں مدد کیلئے نیچے دئے گئے مراحل کی پیروی کریں۔
مرحلہ 1: اپنے Google اکاؤنٹ میں سائن ان کریں
اگر آپ سائن ان کرنے سے قاصر ہیں
اکاؤنٹ کی بازیابی کے صفحہ پر جائیں اور سوالوں کے اپنے ممکنہ بہترین جواب دیں۔ یہ تجاویز مددگار ہو سکتی ہیں۔
اکاؤنٹ کی بازیابی کا صفحہ استعمال کریں اگر:
- کسی نے آپ کے پاس ورڈ یا بازیابی فون نمبر جیسی آپ کی معلومات کو تبدیل کر دیا ہے۔
- کسی نے آپ کا اکاؤنٹ حذف کر دیا ہے۔
- کسی اور وجہ سے آپ سائن کرنے سے قاصر ہیں۔
تجویز: یہ یقینی بنانے کیلئے کہ آپ درست اکاؤنٹ میں سائن کرنے کی کوشش کر رہے ہیں، اپنا صارف نام بازیاب کرنے کی کوشش کریں۔
مرحلہ 2: سرگرمی کا جائزہ لیں اور اپنے ہیک کردہ Google اکاؤنٹ کو محفوظ کرنے میں مدد کریں
- اپنے Google اکاؤنٹ پر جائیں۔
- دائیں نیویگیشن پینل پر، سیکیورٹی کا انتخاب کریں۔
- "حالیہ سیکیورٹی ایونٹس" پینل پر، سیکیورٹی ایونٹس کا جائزہ لیں کا انتخاب کریں۔
- کوئی مشکوک سرگرمی چیک کریں:
- اگر آپ کو ایسی سرگرمی کا پتا چلتا ہے جو آپ نے نہیں کی ہے:نہیں، یہ میں نہیں تھا منتخب کریں۔ پھر، اپنے اکاؤنٹ کو محفوظ بنانے میں مدد کرنے کیلئے، اسکرین پر مراحل کی پیروی کریں۔
- اگر سرگرمی آپ نے کی ہے:ہاں منتخب کریں۔ اگر آپ کو اب بھی لگتا ہے کہ کوئی اور آپ کا اکاؤنٹ استعمال کر رہا ہے تو معلوم کریں کہ آیا آپ کا اکاؤنٹ ہیک ہو گیا ہے۔
- اپنے Google اکاؤنٹ پر جائیں۔
- دائیں نیویگیشن پینل پر، سیکیورٹی کا انتخاب کریں۔
- "آپ کے آلات" پینل پر، آلات کا نظم کریں منتخب کریں۔
- ایسا کوئی بھی آلہ چیک کریں جسے آپ نہیں پہچانتے ہیں۔
- اگر آپ کو کسی ایسے آلے کا پتا چلتا ہے جسے آپ نہیں پہچانتے ہیں: آلے کو نہیں پہچانتے ہیں؟ منتخب کریں۔ پھر، اپنے اکاؤنٹ کو محفوظ بنانے میں مدد کرنے کیلئے، اسکرین پر مراحل کی پیروی کریں۔
- اگر آپ تمام آلات کو پہچانتے ہیں، لیکن اب بھی سمجھتے ہیں کہ کوئی اور شخص آپ کے اکاؤنٹ کا استعمال کر رہا ہے: معلوم کریں کہ آیا آپ کا اکاؤنٹ ہیک ہو گیا ہے۔
مرحلہ 3: سیکیورٹی کے مزید اقدامات کریں
2 قدمی توثیق آپ کے اکاؤنٹ کو ہیکرز سے محفوظ رکھنے میں مدد کرتی ہے۔ 2 قدمی توثیق کے ساتھ، آپ مندرجہ ذیل چیزوں سے سائن ان کرتے ہیں:
- کچھ ایسا جو آپ جانتے ہیں (آپ کا پاس ورڈ)
- کچھ ایسا جو آپ کے پاس ہو (آپ کا فون، ایک سیکیورٹی کلید یا ایک پرنٹ کردہ کوڈ)
اس طرح، آپ کا پاس ورڈ چوری ہو جانے کے باوجود آپ کا اکاؤنٹ محفوظ رہتا ہے۔
یہ یقینی بنائیں کہ کسی اور شخص نے آپ کے بینک یا حکومت کو اکاؤنٹ کھولنے یا رقم منتقل کرنے جیسی ہدایات نہیں دی ہیں۔ یہ اہم ہے اگر:
- آپ کی بینکنگ کی معلومات آپ کے اکاؤنٹ میں محفوظ ہے، جیسے کریڈٹ کارڈز Google Pay یا Chrome میں محفوظ ہیں۔
- ٹیکس یا پاسپورٹ کی معلومات جیسی ذاتی معلومات آپ کے اکاؤنٹ میں محفوظ ہے۔ مثال کے طور پر، عین ممکن ہے کہ آپ نے ذاتی معلومات Google تصاویر، Google Drive یا Gmail میں محفوظ کی ہو۔
- آپ کو لگتا ہے کہ کوئی دوسرا شخص آپ کی شناخت کا استعمال یا آپ کی شخصیت گیری کر رہا ہے۔
اگر آپ کو لگتا ہے کہ آپ کے اکاؤنٹ میں مشکوک سرگرمی ہوئی ہے تو آپ کو نقصان دہ سافٹ ویئر ہٹانے کی ضرورت پڑ سکتی ہے۔ اپنے اکاؤنٹ کی سیکیورٹی کو بہتر بنانے کیلئے، معتبر اینٹی وائرس سافٹ ویئر انسٹال کریں اور چلائیں۔
آپ اپنے کمپیوٹر کو اس کی فیکٹری کی ترتیبات پر بھی ری سیٹ کر سکتے ہیں اور آپریٹنگ سسٹم کو دوبارہ انسٹال کر سکتے ہیں۔
- اگر کم محفوظ ایپس کیلئے رسائی آن ہے تو ہم اسے آف کرنے کی پُرزور سفارش کرتے ہیں کیونکہ یہ آپ کے اکاؤنٹ کو کم محفوظ بنا سکتی ہے۔
- اگر آپ کے آلے میں اسکرین لاک کا اختیار ہے تو اس کا استعمال کریں۔
- Gmail: ان سیکیورٹی سے متعلق تجاویز کا جائزہ لیں اور ایسا کوئی بھی لیبل، فلٹر یا فارورڈنگ اصول ہٹا دیں جسے آپ نے سیٹ اپ نہیں کیا ہے۔
- Chrome: ایسے ایکسٹینشنز اَن انسٹال کریں جنہیں آپ نہیں پہچانتے ہیں اور Chrome کو تازہ ترین ورژن پر اپ ڈیٹ کریں۔
- Google Drive: کسی بھی خلاف معمول سرگرمی کیلئے اپنی سرگرمی اور فائل ورژنز کا جائزہ لیں۔
- Google تصاویر: اگر آپ کو البم کا کوئی ایسا اشتراک دکھائی دیتا ہے جسے آپ نہیں پہچانتے ہیں تو البم کا اشتراک روک دیں۔
- مقام: خلاف معمول دکھائی دینے والا مقام کا اشتراک آف کر دیں۔
معلوم کریں کہ آیا آپ کا Google اکاؤنٹ ہیک ہو گیا ہے
اگر آپ کو ان میں سے کسی علامت کا پتا چلتا ہے تو ممکن ہے کہ کوئی اور شخص آپ کا Google اکاؤنٹ استعمال کر رہا ہو۔
اہم: اگر آپ کو لگتا ہے کہ کوئی اور شخص آپ کے Google اکاؤنٹ میں سائن ان ہے تو مندرجہ ذیل کیلئے اپنا پاس ورڈ فوری طور پر تبدیل کریں:
- آپ کا Google اکاؤنٹ، اگر آپ نے اسے پہلے ہی تبدیل نہیں کیا ہے
- ایپس اور سائٹس:
- جن کیلئے آپ اپنے Google اکاؤنٹ کیلئے استعمال کردہ پاس ورڈ استعمال کرتے ہیں
- جو آپ سے آپ کے Google اکاؤنٹ ای میل پتے کے ذریعے رابطہ کرتی ہیں
- جہاں آپ اپنے Google اکاؤنٹ ای میل پتے سے سائن ان کرتے ہیں
- جہاں آپ نے اپنے Google اکاؤنٹ میں پاس ورڈز محفوظ کئے ہیں
پھر آپ چیک کر کے اپنے اکاؤنٹ میں سائن ان کردہ کسی نامانوس آلے کو ہٹا سکتے ہیں۔
اکاؤنٹ میں مشکوک سرگرمی
اگر آپ کو ان ترتیبات میں نامانوس تبدیلیاں دکھائی دیتی ہیں تو ترتیب کو فوری طور پر درست کریں:
- آپ کا بازیابی فون نمبر۔
- آپ کا بازیابی ای میل پتہ۔
- متبادل یا رابطے کا ای میل پتہ۔
- آپ کے Google اکاؤنٹ پر موجود نام۔
- آپ کا سیکیورٹی کا سوال۔
- تجویز: سیکیورٹی کے اضافی سوالات مزید دستیاب نہیں ہیں۔
- آپ کے اکاؤنٹ تک رسائی کی حامل ایپس۔
- اگر اس ترتیب کو آپ کے علم میں لائے بغیر آن یا آف کیا گیا ہے:
- 2 قدمی توثیق کے طریقے۔
- مقام کا اشتراک۔
آپ کی مالی سرگرمی مشکوک ہو سکتی ہے اگر:
- Google Pay پر
- آپ خریداریوں کو نہیں پہچانتے ہیں: ریفنڈ کی درخواست کرنے کیلئے، غیر مجاز چارجز کی اطلاع دیں۔
- اگر آپ ایک یا زیادہ بینک اکاؤنٹس، کریڈٹ کارڈز، ڈیبٹ کارڈز یا گفٹ کارڈز کو نہیں پہچانتے ہیں: ادائیگی کے ایسے طریقے کو ہٹائیں جسے آپ نہیں پہچانتے ہیں۔
- Google Play پر، آپ خریداریوں کو نہیں پہچانتے ہیں: غیر مجاز چارجز کی اطلاع دیں۔
- Google Chrome پر، ادائیگی کی ایسی معلومات سیٹ اپ ہے جسے آپ نہیں پہچانتے ہیں: ادائیگی کی نامانوس معلومات کو حذف کریں۔
- Google Ads پر، آپ کو غیر مجاز چارجز یا اشتہارات کا پتا چلتا ہے: Google اشتہارات کی ٹیم سے خلاف معمول سرگرمی کیلئے اپنے اکاؤنٹ کا جائزہ لینے کو کہیں۔
- Google AdSense پر، آپ کو پتا چلتا ہے کہ ادائیگیاں درست بینک اکاؤنٹ میں نہیں جا رہی ہیں: اپنا AdSense ادائیگی کا طریقہ چیک کریں۔
تجویز: آپ کو مشکوک سرگرمی کے بارے میں بتانے کیلئے، ہم آپ کا بازیابی فون نمبر اور ای میل پتہ استعمال کریں گے۔
ہم آپ کو مندرجہ ذیل کے ذریعے خلاف معمول سرگرمی کی اطلاع دیں گے:
- خلاف معمول سائن ان یا آپ کے اکاؤنٹ پر ایک نئے آلے سے متعلق اطلاع۔
- ایک ایسی اطلاع کہ آپ کے صارف نام، پاس ورڈ یا سیکیورٹی کی دیگر ترتیبات میں تبدیلی کی گئی ہے اور وہ تبدیلی آپ نے نہیں کی ہے۔
- کسی ایسی دوسری سرگرمی سے متعلق اطلاع جسے آپ نہیں پہچانتے ہیں۔
- آپ کی اسکرین کے اوپری حصے پر ایک سرخ بار کے ذریعے جس پر تحریر ہے، "ہمیں آپ کے اکاؤنٹ میں مشکوک سرگرمی کا پتا چلا ہے۔"
- آپ کا "آلے کی سرگرمی اور سیکیورٹی ایونٹس" صفحہ۔
آپ کے زیر استعمال Google پروڈکٹس میں مشکوک سرگرمی
Gmail کی ترتیبات
اگر آپ کو مندرجہ ذیل میں نامانوس تبدیلیاں دکھائی دیتی ہیں تو ترتیب کو فوری طور پر درست کریں:
- میل تک رسائی کی سہولت: آپ کی Gmail تک رسائی کے حامل لوگ
- خودکار میل فارورڈنگ
- شیڈول کردہ ای میلز
- Gmail میں آپ کا نام
- خودکار جواب: تعطیل کا اطلاع کنندہ
- بھیجی جانے والی میل پر پتہ
- مسدود کردہ ای میل پتے
- آپ کی Gmail تک دور سے رسائی: IMAP یا POP
- فلٹرز جو آپ کی آنے والی میل کا نظم کرتے ہیں
- لیبلز جو آپ کی آنے والی میل کو منظم کرتے ہیں
Gmail سرگرمی
آپ کی Gmail سرگرمی مشکوک ہو سکتی ہے اگر:
- آپ کو مزید ای میلز موصول نہیں ہوتی ہیں۔
- آپ کے دوست بتاتے ہیں کہ انہیں آپ کی جانب سے اسپام یا خلاف معمول ای میلز موصول ہوئی ہیں۔
- آپ کا صارف نام تبدیل ہو گیا ہے۔
- آپ کی ای میلز کو آپ کے ان باکس سے حذف کیا گیا ہے اور وہ "کوڑے دان" میں بھی نہیں مل رہی ہیں۔ آپ غائب ہونے والی ای میلز کی اطلاع دے سکتے ہیں اور ممکنہ طور پر انہیں بازیاب کر سکتے ہیں۔
- آپ کو ایسی "بھیجی گئی ای میلز" ملتی ہیں جنہیں آپ نے تحریر نہیں کیا ہے۔
آپ کی YouTube سرگرمی مشکوک ہو سکتی ہے اگر:
- آپ کے YouTube چینل پر ایسی ویڈیوز ہوں جنہیں آپ نے اپ لوڈ نہیں کیا ہے، ایسے تبصرے ہوں جو آپ نے نہیں کئے ہیں یا آپ کی مندرجہ ذیل چیزوں میں نامانوس تبدیلیاں کی گئی ہوں:
- چینل کا نام
- پروفائل کی تصویر
- تفصیلات
- ای میل کی ترتیبات
- ارسال کردہ پیغامات
آپ کی Google Drive سرگرمی مشکوک ہو سکتی ہے اگر:
- آپ کو ایسی Google Drive سرگرمی کا پتا چلے جسے آپ نہیں پہچانتے ہیں۔
- آپ کے علم میں لائے بغیر آپ کی Drive سے فائلز کو حذف کیا گیا ہو۔ آپ اپنی فائلز بازیاب کرانے کی کوشش کر سکتے ہیں۔
آپ کی Google تصاویر کی سرگرمی مشکوک ہو سکتی ہے اگر:
- آپ کی اجازت کے بغیر آپ کے تصویری البمز کا اشتراک کیا جاتا ہے۔
- آپ کی تصاویر کا کسی پارٹنر کے ساتھ اشتراک کیا جاتا ہے اور آپ نے پارٹنر اکاؤنٹ شامل نہیں کیا ہے۔
آپ کی بلاگر سرگرمی مشکوک ہو سکتی ہے اگر:
- آپ کے بلاگ پر ایسی پوسٹس دکھائی دیں جنہیں آپ نے شائع نہیں کیا ہے۔
- آپ کو ایسی پوسٹس پر تبصرے موصول ہوں جنہیں آپ نے شائع نہیں کیا ہے۔
- آپ کا 'میل ٹو بلاگر' پتہ تبدیل ہو گیا ہے، لیکن اسے آپ نے تبدیل نہیں کیا ہے۔
- آپ کا بلاگ غائب یا مسدود ہو گیا ہے۔
آپ کے Google اشتہارات کی سرگرمی مشکوک ہو سکتی ہے اگر:
- آپ کو نامعلوم لنکس یا منازل کی طرف پوائنٹ کرنے والے نامانوس اشتہارات کا پتا چلتا ہے
- آپ کی تشہیر کے اخراجات میں نامانوس اضافے کا پتا چلتا ہے
- آپ کو اکاؤنٹ کے مالکان، مینیجرز یا صارفین میں نامانوس تبدیلیوں کا پتا چلتا ہے
