თქვენს Google ანგარიშში, Gmail-ში ან Google-ის სხვა პროდუქტში უჩვეულო აქტივობის შემჩნევის შემთხვევაში, შესაძლოა, თქვენს ანგარიშს ვიღაც უნებართვოდ იყენებდეს. თქვენი Google ანგარიშის ან Gmail-ის გატეხაზე ეჭვის მიტანის შემთხვევაში შეასრულეთ ქვემოთ მოცემული ნაბიჯები, რომლებიც საეჭვო აქტივობის გამოვლენაში, მასზე წვდომის აღდგენაში და უკეთ დაცვაში დაგეხმარებათ.
ნაბიჯი 1: შედით თქვენს Google ანგარიშში
თუ სისტემაში შესვლას ვერ ახერხებთ
გადადით ანგარიშის აღდგენის გვერდზე და მაქსიმალურად ზუსტად უპასუხეთ შეკითხვებს. გაეცანით ამ მინიშნებებსაც.
ისარგებლეთ ანგარიშის აღდგენის გვერდით, თუ:
- ვიღაცამ შეცვალა თქვენი ანგარიშის ინფორმაცია (მაგ. პაროლი ან აღდგენის ტელეფონის ნომერი).
- ვიღაცამ წაშალა თქვენი ანგარიშში.
- სისტემაში შესვლას სხვა მიზეზით ვერ ახერხებთ.
მინიშნება: ანგარიშები რომ არ აგერიოთ, სცადეთ მომხმარებლის სახელის აღდგენა.
ნაბიჯი 2: გადახედეთ აქტივობას და დაიცავით გატეხილი Google ანგარიშში
- გადადით თქვენს Google ანგარიშზე.
- მარცხენა სანავიგაციო პანელში აირჩიეთ უსაფრთხოება.
- „უსაფრთხოებასთან დაკავშირებული ბოლოდროინდელი მოვლენების“ პანელზე აირჩიეთ უსაფრთხოებასთან დაკავშირებულ მოვლენების გადახედვა.
- შეამოწმეთ საეჭვო აქტივობა:
- თუ შენიშნავთ აქტივობას, რომელიც თქვენ არ გეკუთვნით: აირჩიეთ არა, მე არ ვყოფილვარ. შემდეგ მიჰყევით ეკრანზე მოცემულ ნაბიჯებს, რომლებიც ანგარიშის დაცვაში დაგეხმარებათ.
- თუ აქტივობა თქვენ გეკუთვნით: აირჩიეთ დიახ. თუ მაინც ფიქრობთ, რომ თქვენი ანგარიშით სხვა სარგებლობს, შეიტყვეთ, გატეხილი იყო თუ არა თქვენი ანგარიში.
- გადადით თქვენს Google ანგარიშზე.
- მარცხენა სანავიგაციო პანელში აირჩიეთ უსაფრთხოება.
- „თქვენი მოწყობილობების“ პანელზე აირჩიეთ მოწყობილობების მართვა.
- შეამოწმეთ მოწყობილობები, რომლებსაც ვერ ცნობთ.
- თუ შეამჩნევთ მოწყობილობას, რომელსაც ვერ ცნობთ: აირჩიეთ რომელიმე მოწყობილობას ვერ ცნობთ? შემდეგ მიჰყევით ეკრანზე მოცემულ ნაბიჯებს, რომლებიც ანგარიშის დაცვაში დაგეხმარებათ.
- თუ ყველა მოწყობილობას ცნობთ, მაგრამ მაინც ფიქრობთ, რომ თქვენი ანგარიშით სხვა სარგებლობს: შეიტყვეთ, გატეხილი იყო თუ არა თქვენი ანგარიში.
ნაბიჯი 3: გააძლიერეთ უსაფრთხოება
2-ფაზიანი დადასტურება დაგეხმარებათ, დაიცვათ თქვენი ანგარიში ჰაკერებისგან. 2-ფაზიანი დადასტურება იყენებს:
- თქვენთვის ცნობილ ინფორმაციას (თქვენს პაროლს)
- თქვენს მფლობელობაში არსებულ ნივთს (თქვენს ტელეფონს, უსაფრთხოების გასაღებს ან ამობეჭდილ კოდს)
ამგვარად, თქვენი ანგარიში დაცული იქნება პაროლის მოპარვის შემთხვევაშიც კი.
შეამოწმეთ, რომ თქვენი ბანკისთვის ან ადგილობრივი ხელისუფლების ორგანოებისთვის არავის მიუცია ანგარიშის გახსნის ან თანხის გადარიცხვის მსგავსი დავალება. აღნიშნული მნიშვნელოვანია, თუ:
- ანგარიშში შენახული გაქვთ საბანკო ინფორმაცია (როგორიცაა საკრედიტო ბარათები Google Pay-ში ან Chrome-ში).
- ანგარიშში შენახული გაქვთ პერსონალური ინფორმაცია (როგორიცაა საგადასახადო ან საპასპორტო მონაცემები). მაგალითად, პერსონალური ინფორმაცია შეიძლება შენახული გქონდეთ Google Photos-ში, Google Drive-ში ან Gmail-ში.
- ფიქრობთ, რომ თქვენად თავს სხვა ასაღებს.
თუ ანგარიშში საეჭვო აქტივობას შენიშნავთ, გირჩევთ საზიანო პროგრამული უზრუნველყოფის ამოშლას. ანგარიშის დაცვის გაუმჯობესების მიზნით, დააინსტალირეთ და გაუშვით სანდო ანტივირუსული პროგრამული უზრუნველყოფა.
გარდა ამისა, შეგიძლიათ დააბრუნოთ კომპიუტერი ქარხნულ პარამეტრებზე და ხელახლა დააინსტალიროთ ოპერაციული სისტემა.
- თუ ჩართული გაქვთ წვდომა ნაკლებად უსაფრთხო აპებისთვის, გირჩევთ, გამორთოთ, რადგან ამ ფუნქციით სარგებლობის შემთხვევაში თქვენი ანგარიში შედარებით ნაკლებად დაცული იქნება.
- ისარგებლეთ თქვენი მოწყობილობის ეკრანის დაბლოკვის ვარიანტით (ასეთის არსებობის შემთხვევაში).
- Gmail: გაეცანით უსაფრთხოებასთან დაკავშირებულ ამ მინიშნებებს და ამოშალეთ ლეიბლები, ფილტრები თუ გადამისამართების წესები, რომლებიც არ დაგიყენებიათ.
- Chrome: მოახდინეთ იმ გაფართოებების დეინსტალაცია, რომლებსაც ვერ ცნობთ, ასევე განაახლეთ Chrome უახლეს ვერსიაზე.
- Google Drive: გადახედეთ თქვენს აქტივობასა და ფაილების ვერსიებს, რომ რაიმე უჩვეულო არ იყოს.
- Google Photos: თუ ალბომის უჩვეულო გაზიარებას შეამჩნევთ, შეწყვიტეთ მისი გაზიარება.
- მდებარეობა: გამორთეთ მდებარეობის გაზიარება, თუ ის უჩვეულოდ მოგეჩვენებათ.
შეიტყვეთ, გატეხილი იყო თუ არა თქვენი Google ანგარიში
თუ ქვემოთ ჩამოთვლილიდან რაიმეს შენიშნავთ, შესაძლოა, თქვენს Google ანგარიშს სხვა იყენებდეს.
მნიშვნელოვანია: თუ ფიქრობთ, რომ თქვენს Google ანგარიშში სხვა არის შესული, დაუყოვნებლივ შეცვალეთ თქვენი პაროლი:
- თქვენი Google ანგარიშისთვის, თუ უკვე არ შეგიცვლიათ
- აპებისა და საიტებისთვის:
- რომლებისთვისაც იყენებთ თქვენი Google ანგარიშის იდენტურ პაროლს
- რომლებიც გიკავშირდებათ თქვენი Google ანგარიშის ელფოსტის მისამართის მეშვეობით
- რომლებშიც შედიხართ თქვენი Google ანგარიშის ელფოსტის მისამართის მეშვეობით
- რომლებისთვისაც შეინახეთ პაროლები თქვენს Google ანგარიშში
შეგიძლიათ შეამოწმოთ და ამოშალოთ უცნობი მოწყობილობები, რომლებიც შესულია თქვენს ანგარიშში.
საეჭვო აქტივობა ანგარიშში
დაუყოვნებლივ შეცვალეთ პარამეტრი, თუ შეამჩნევთ, რომ ვიღაცამ შეცვალა შემდეგი:
- თქვენი ანგარიშის აღსადგენი ტელეფონის ნომერი.
- თქვენი ანგარიშის აღსადგენი ელფოსტის მისამართი.
- ალტერნატიული ან საკონტაქტო ელფოსტის მისამართი.
- თქვენს Google ანგარიშში მითითებული სახელი.
- თქვენი უსაფრთხოების შეკითხვა.
- მინიშნება: უსაფრთხოების დამატებითი შეკითხვები ხელმისაწვდომი აღარ არის.
- თქვენს ანგარიშზე წვდომის მქონე აპები.
- თუ ეს პარამეტრი თქვენი ნებართვის გარეშე ჩაირთო ან გამოირთო:
- 2-ფაზიანი დადასტურების მეთოდები.
- მდებარეობის გაზიარება.
თქვენი ფინანსური აქტივობა შეიძლება საეჭვო იყოს, თუ:
- Google Pay-ში
- შენაძენებს ვერ ცნობთ: თანხის დასაბრუნებლად შეგვატყობინეთ თანხის არაავტორიზებული ჩამოჭრის შესახებ.
- ერთ-ერთ ან მეტ საბანკო ანგარიშს, საკრედიტო/სადებეტო ან სასაჩუქრე ბარათს ვერ ცნობთ: ამოშალეთ გადახდის მეთოდი, რომელიც არ გეცნობათ.
- Google Play-ში შენაძენებს ვერ ცნობთ: შეგვატყობინეთ თანხის არაავტორიზებული ჩამოჭრის შესახებ.
- Google Chrome-ში მითითებულია საგადახდო ინფორმაცია, რომელსაც ვერ ცნობთ: წაშალეთ საგადახდო ინფორმაცია, რომელსაც ვერ ცნობთ.
- Google Ads-ში შენიშნავთ არაავტორიზებულ რეკლამას ან თანხის ჩამოჭრას: სთხოვეთ Google Ads-ის გუნდს, გადახედოს უჩვეულო აქტივობას თქვენს ანგარიშში.
- Google AdSense-ში შენიშნავთ, რომ თანხა არასწორ საბანკო ანგარიშზე ირიცხება: შეამოწმეთ AdSense-ში მითითებული გადახდის მეთოდი.
მინიშნება: საეჭვო აქტივობის შესახებ შესატყობინებლად გამოვიყენებთ თქვენს აღდგენის ტელეფონის ნომერსა და ელფოსტის მისამართს.
უჩვეულო აქტივობის შესახებ შეტყობინებაში იგულისხმება:
- შეტყობინება სისტემაში უჩვეულო შესვლის ან თქვენს ანგარიშში დაფიქსირებული ახალი მოწყობილობის შესახებ.
- შეტყობინება თქვენი მომხმარებლის სახელის, პაროლის ან უსაფრთხოებასთან დაკავშირებული სხვა პარამეტრების შეცვლის შესახებ რომელიც თქვენ არ განგიხორციელებიათ.
- შეტყობინება სხვა აქტივობის შესახებ, რომელსაც ვერ ცნობთ.
- წითელი ზოლი ეკრანის ზედა ნაწილში, რომელიც გაუწყებთ, რომ „ჩვენ გამოვავლინეთ საეჭვო აქტივობა თქვენს ანგარიშში“.
- ინფორმაცია თქვენს „მოწყობილობების აქტივობისა და უსაფრთხოებასთან დაკავშირებული მოვლენების“ გვერდზე.
უჩვეულო აქტივობა თქვენ მიერ გამოყენებულ Google პროდუქტებში
Gmail-ის პარამეტრები
დაუყოვნებლივ შეცვალეთ პარამეტრი, თუ შეამჩნევთ, რომ ვიღაცამ შეცვალა შემდეგი:
- ფოსტის დელეგირება: ადამიანები, რომლებსაც აქვთ თქვენს Gmail-ზე წვდომა
- ფოსტის ავტომატური გადამისამართება
- ელფოსტის დაგეგმილი დაგზავნა
- თქვენი სახელი Gmail-ში
- ავტომატური პასუხი: ავტომოპასუხე
- გამავალ ფოსტაში მითითებული მისამართი
- ელფოსტის დაბლოკილი მისამართები
- დისტანციური წვდომა თქვენს Gmail-ზე: IMAP ან POP
- ფილტრები, რომლებითაც იმართება შემომავალი ფოსტა
- ლეიბლები, რომლებიც გამოიყენება შემომავალი ფოსტის ორგანიზებისთვის
Gmail აქტივობა
თქვენი Gmail აქტივობა შეიძლება საეჭვო იყოს, თუ:
- ელფოსტას აღარ იღებთ.
- მეგობრები გეუბნებიან, რომ თქვენთან სპამს ან უჩვეულო ელფოსტას იღებენ.
- თქვენი მომხმარებლის სახელი შეიცვალა.
- თქვენი ელფოსტა წაიშალა შემოსულებიდან და წაშლილებში არ არის. შეგიძლიათ შეგვატყობინოთ დაკარგული ელფოსტის შესახებ და შეძლებისდაგვარად აღადგინოთ.
- შენიშნავთ გაგზავნილ ელფოსტას, რომელიც არ დაგიწერიათ.
თქვენი YouTube აქტივობა შეიძლება საეჭვო იყოს, თუ:
- თქვენს YouTube არხზე არის ვიდეოები, რომლებიც არ აგიტვირთავთ, კომენტარები, რომლებიც არ დაგიტოვებიათ, ან თქვენი ნებართვის გარეშე შეიცვალა:
- არხის სახელი
- პროფილის ფოტო
- აღწერილობები
- ელფოსტის პარამეტრები
- გაგზავნილი შეტყობინებები
თქვენი Google Drive აქტივობა შეიძლება საეჭვო იყოს, თუ:
- შენიშნავთ Google Drive აქტივობას, რომელსაც ვერ ცნობთ.
- თქვენი Drive-დან თქვენთან ფარულად წაიშალა ფაილები. შეგიძლიათ სცადოთ ფაილების აღდგენა.
თქვენი Google Photos აქტივობა შეიძლება საეჭვო იყოს, თუ:
- თქვენი ფოტოალბომები გაზიარდა თქვენი ნებართვის გარეშე.
- თქვენი ფოტოები გაზიარდა პარტნიორთან, თქვენ კი პარტნიორის ანგარიში არ დაგიმატებიათ.
თქვენი Blogger აქტივობა შეიძლება საეჭვო იყოს, თუ:
- ბლოგში ჩანს პოსტები, რომლებიც არ გამოგიქვეყნებიათ.
- იღებთ კომენტარებს პოსტებზე, რომლებიც არ გამოგიქვეყნებიათ.
- თქვენი Blogger-ზე ფოსტის გაგზავნის მისამართი შეიცვალა, თუმცა თქვენ ის არ შეგიცვლიათ.
- თქვენი ბლოგი გაქრა ან დაიბლოკა.
თქვენი Google Ads აქტივობა, შესაძლოა, საეჭვო იყოს, თუ უცხოდ მოგეჩვენებათ:
- რეკლამა, რომელიც გადადის უცნობ ბმულებსა თუ დანიშნულების ადგილებზე
- რეკლამაზე დახარჯული თახის ზრდა
- ანგარიშის მფლობელების, მენეჯერებისა თუ მომხმარებლების ცვლილება
