तपाईं २ चरण प्रमाणीकरण (यसलाई दुई चरण प्रमाणीकरण पनि भनिन्छ) प्रयोग गरी आफ्नो पासवर्ड चोरी भएको खण्डमा पासवर्डका अतिरिक्त सुरक्षाको अर्को तह थप्न पनि सक्नुहुन्छ। तपाईंले २ चरण प्रमाणीकरण सेटअप गरेपछि तपाईं निम्न कुरा प्रयोग गरी आफ्नो खातमा साइन इन गर्न सक्नुहुन्छ:
- तपाईंको पासवर्ड
- तपाईंको फोन
२ चरण प्रमाणीकरण प्रयोग गर्ने अनुमति दिनुहोस्
- आफ्नो Google खाता खोल्नुहोस्।
- नेभिगेसन प्यानलमा गई सुरक्षा चयन गर्नुहोस्।
- “तपाईंले Google मा साइन इन गर्ने तरिका” अन्तर्गत रहेका २ चरण प्रमाणीकरण
सुरु गरौँ चयन गर्नुहोस्।
- स्क्रिनमा देखाइएका चरणहरू पालना गर्नुहोस्।
सुझाव: तपाईं आफ्नो कार्यस्थल, विद्यालय वा अन्य समूहमार्फत कुनै खाता प्रयोग गर्नुहुन्छ भने यी चरणहरूले काम नगर्न सक्छन्। तपाईंले २ चरण प्रमाणीकरण सेटअप गर्न सक्नुभएन भने मद्दत प्राप्त गर्न आफ्ना एड्मिनलाई सम्पर्क गर्नुहोस्।
दोस्रो चरण पूरा गरेर आफ्नो पहिचान पुष्टि गर्नुहोस्
तपाईंले २ चरण प्रमाणीकरण अन गरेपछि तपाईंले आफ्नो खातामा साइन इन गर्दा आफ्नो पहिचान पुष्टि गर्नका निम्ति दोस्रो चरण पूरा गर्नु पर्ने हुन्छ। तपाईंको खाता सुरक्षित राख्न Google ले तपाईंलाई कुनै निश्चित दोस्रो चरण पुरा गर्न अनुरोध गर्ने छ।
Google प्रम्प्ट प्रयोग गर्नुहोस्
हामी तपाईंलाई Google प्रम्प्ट प्रयोग गरी साइन इन गर्न सिफारिस गर्छौँ। पुष्टि कोड हाल्नुभन्दा प्रम्प्टमा ट्याप गर्न सजिलो हुन्छ। यसका साथै, तपाईंले प्रम्प्ट प्रयोग गर्नुभयो भने तपाईंको खाता SIM अदलबदल गर्नेलगायतका फोन नम्बरमा आधारित ह्याकहरूबाट सुरक्षित राख्न मद्दत पुग्छ।
Google प्रम्प्ट भनेको तपाईंले निम्न डिभाइसमा प्राप्त गर्ने पुस सूचना हो:
- तपाईंको Google खातामा साइन इन गरिएका Android फोनहरू।
- Smart Lock एप
, Gmail एप
, Google Photos एप
, YouTube एप
वा Google एप
मार्फत तपाईंको Google खातामा साइन इन गरिएका iPhone।
डिभाइस र नोटिफिकेसनमा उल्लिखित लोकेसनसम्बन्धी जानकारीका आधारमा तपाईं:
- आफूले साइन इन गर्ने अनुरोध गरेको हो भने "अँ" मा ट्याप गरेर साइन इन गर्ने अनुमति दिन सक्नुहुन्छ।
- आफूले साइन इन गर्ने अनुरोध गरेको होइन भने "अहँ" मा ट्याप गरेर साइन इन गर्न रोक लगाउन सक्नुहुन्छ।
साइन इन गर्ने प्रक्रिया अझ सुरक्षित बनाउन Google ले तपाईंसँग PIN माग्न वा तपाईंलाई अन्य तरिकाले पहिचान पुष्टि गर्न लगाउन सक्छ।
पहिचान पुष्टि गर्ने अन्य विधि प्रयोग गर्नुहोस्
निम्न अवस्थामा तपाईं आफ्नो पहिचान पुष्टि गर्ने अन्य विधि सेटअप गर्न सक्नुहुन्छ:
- तपाईं फिसिङविरुद्ध अतिरिक्त सुरक्षा चाहनुहुन्छ
- तपाईंको डिभाइसमा Google प्रम्प्ट प्राप्त हुँदैन
- तपाईंले आफ्नो फोन हराउनुभयो
भौतिक सुरक्षा साँचो भनेको खरिद गर्न सकिने एउटा सानो डिभाइस हो। तपाईं यो साँचोका सहायताले साइन इन गर्ने व्यक्ति तपाईं नै हो भन्ने कुरा पुष्टि गर्न सक्नुहुन्छ। हामीले तपाईंलाई साइन इन गर्ने व्यक्ति तपाईं नै हो भन्ने कुरा पुष्टि गर्न अनुरोध गर्दा तपाईंले यो साँचो आफ्नो फोन, ट्याब्लेट वा कम्प्युटरमा जोडे पुग्छ। सुरक्षा साँचो अर्डर गर्नुहोस्।
सुझाव: ह्याकरले तपाईंलाई झुक्याएर तपाईंको पासवर्ड वा अन्य व्यक्तिगत जानकारी धुत्न खोज्दा सुरक्षा साँचोले तपाईंलाई तपाईंको Google खाता फिसिङ आक्रमणबाट सुरक्षित राख्न मद्दत गर्छ। फिसिङका बारेमा थप जान्नुहोस्।
तपाईं इन्टरनेट कनेक्सन वा मोबाइल सेवा नभएका बेला Google Authenticator वा एक पटके पुष्टि कोडहरू सिर्जना गर्ने अन्य कुनै एप सेटअप गर्न सक्नुहुन्छ।
हामीलाई यी व्यक्ति तपाईं नै हो भन्ने कुरा पुष्टि गर्नमा मद्दत गर्नका लागि साइन इन स्क्रिनमा उक्त पुष्टि कोड हाल्नुहोस्।