ஒரே நேரத்தில் பல கணக்குகளில் உள்நுழைதல்

உங்களிடம் ஒன்றுக்கும் மேற்பட்ட Google கணக்குகள் இருந்தால், ஒரே நேரத்தில் அவற்றில் உள்நுழையலாம். இதன் மூலம், நீங்கள் கணக்குகளுக்கு இடையே எளிதாக மாறலாம். அத்துடன் கணக்கில் இருந்து வெளியேறி மீண்டும் உள்நுழைய வேண்டிய அவசியமும் இருக்காது.

உங்கள் கணக்குகள் ஒவ்வொன்றுக்கும் தனித்தனி அமைப்புகள் இருக்கும். ஆனால் சில சமயங்களில், உங்கள் இயல்புக் கணக்கின் அமைப்புகள் பயன்படுத்தப்படலாம்.

கணக்குகளைச் சேர்த்தல்

1. கம்ப்யூட்டரில் Googleளில் உள்நுழையவும்.
2. மேல் வலதுபுறத்தில் உங்கள் சுயவிவரப் படம் அல்லது பெயரின் முதல் எழுத்தைத் தேர்ந்தெடுக்கவும்.
3. காட்டப்படும் மெனுவில், கணக்கைச் சேர் என்பதைத் தேர்வுசெய்யவும்.
4. நீங்கள் பயன்படுத்த விரும்பும் கணக்கில் உள்நுழைவதற்கான வழிமுறைகளைப் பின்பற்றவும்.

கணக்குகளுக்கு இடையே மாறுதல்

1. கம்ப்யூட்டரில் Googleளில் உள்நுழையவும்.
2. மேல் வலதுபுறத்தில் உங்கள் சுயவிவரப் படம் அல்லது பெயரின் முதல் எழுத்தைத் தேர்ந்தெடுக்கவும்.
3. காட்டப்படும் மெனுவில், நீங்கள் பயன்படுத்த விரும்பும் கணக்கைத் தேர்ந்தெடுக்கவும்.

வெளியேறுதல்

கவனத்திற்கு: வெளியேறுவதற்கு முன், நீங்கள் மாற்றுச் சரிபார்ப்பு முறைகளை அமைத்திருப்பதை உறுதிசெய்துகொள்ளுங்கள். இதனால், சிரமமின்றி நீங்கள் மீண்டும் கணக்கில் உள்நுழையலாம்.

1. சாதனத்தில் Google பக்கத்திற்கு (www.google.com) செல்லவும்.
2. மேல் வலதுபுறத்தில் உங்கள் சுயவிவரப் படம் அல்லது பெயரின் முதல் எழுத்தைத் தேர்ந்தெடுக்கவும்.
3. காட்டப்படும் மெனுவில், வெளியேறு அல்லது எல்லா கணக்குகளிலிருந்தும் வெளியேறு என்பதைத் தேர்வுசெய்யவும்.

உள்நுழைவுப் பக்கத்தில் இருந்து கணக்கை அகற்றுதல்

1. உங்கள் சாதனத்தில் நீங்கள் உள்நுழைந்திருக்கும் உலாவிக்கு (எ.கா. Chrome) செல்லவும்.
2. myaccount.google.com தளத்திற்குச் செல்லவும்.
3. மேல் வலதுபுறத்தில் உங்கள் சுயவிவரப் படம் அல்லது பெயரின் முதல் எழுத்தைத் தேர்ந்தெடுக்கவும்.
4. வெளியேறு அல்லது எல்லா கணக்குகளிலிருந்தும் வெளியேறுக என்பதைத் தேர்ந்தெடுக்கவும்.
5. கணக்கை அகற்று என்பதைத் தேர்ந்தெடுக்கவும்.
6. கணக்கிற்கு அடுத்து உள்ள அகற்று என்பதைத் தேர்ந்தெடுக்கவும்.
7. விருப்பத்திற்குரியது: Firefox, Safari போன்ற பிற உலாவிகளில் நீங்கள் உள்நுழைந்திருந்தால் ஒவ்வொன்றுக்கும் இவற்றையே மீண்டும் செய்யவும்.

ஒவ்வொரு கணக்கிற்கும் தனித்தனி அமைப்புகள் உள்ளன

உங்கள் ஒவ்வொரு கணக்கின் அமைப்புகளையும் தனித்தனியாக நிர்வகிக்கலாம். நீங்கள் பல கணக்குகளில் உள்நுழையும்போது, பொதுவாக கணக்குகளுக்கு இடையே கணக்கு அமைப்புகள் பகிரப்படாது. உதாரணமாக, உங்கள் கணக்குகளுக்கு வெவ்வேறு மொழி அமைப்புகளும் உள்நுழைவு வழிமுறைகளும் இருக்கக்கூடும்.

சில சமயங்களில் கணக்கு அமைப்புகள் கணக்குகளுக்கு இடையே பகிரப்படலாம்

நீங்கள் ஒரே நேரத்தில் பல கணக்குகளில் உள்நுழைந்திருந்தால் எந்தக் கணக்கைப் பயன்படுத்துகிறீர்கள் என்பதை எங்களால் சில சமயங்களில் தெரிவிக்க முடியாது. உதாரணமாக, நீங்கள் இரண்டு கணக்குகளில் உள்நுழைந்திருந்து புதிய உலாவிச் சாளரத்தைத் திறந்தால், எந்தக் கணக்கைப் பயன்படுத்த விரும்புகிறீர்கள் என்பது எங்களுக்கு உறுதியாகத் தெரியாது. இந்தச் சூழல்களில், இணையம் மற்றும் ஆப்ஸ் செயல்பாடு, விளம்பரப் பிரத்தியேகமாக்கல் போன்ற உங்கள் இயல்புக் கணக்கு அமைப்புகளை Google பயன்படுத்தக்கூடும்.

இயல்புக் கணக்கு என்பது என்ன?

இயல்புக் கணக்கு என்பது பெரும்பாலும் நீங்கள் முதலில் உள்நுழைந்திருக்கும் கணக்காகும். மொபைல் சாதனங்களில், உங்கள் சாதனத்தின் ஆப்ரேட்டிங் சிஸ்டம் மற்றும் நீங்கள் பயன்படுத்தும் ஆப்ஸின் அடிப்படையில் உங்கள் இயல்புக் கணக்கு வேறுபடலாம்.