Posibleng mapigilan ng mga paghihigpit ang mga manonood na mapanood ang mga video mo o makita ang iyong mga Post sa komunidad. Posible ring maapektuhan ng mga paghihigpit ang pag-monetize ng video kapag nasa Partner Program ng YouTube ka. Halimbawa, puwedeng hindi naaangkop ang video para sa mga manonood na wala pang 18 taong gulang o posibleng may nakabinbing isyu sa copyright.
Tingnan ang mga paghihigpit sa iyong video
Para makita kung nakakaapekto ang mga paghihigpit sa iyong video:
- Mag-sign in sa YouTube Studio.
- Sa kaliwang menu, piliin ang Content.
- Sa tab na Mga Video, hanapin ang iyong video sa listahan at tingnan ang column na “Mga Paghihigpit.” Para i-filter ang iyong mga video, i-click ang Filter
at piliin ang (mga) filter mo:
- Paghihigpit sa edad: Mga manonood na mahigit 18 taong gulang o wala.
- Copyright: mga claim sa Content ID o paglabag sa copyright.
- Para sa bata: Para sa bata (itinakda mo), Itinakda bilang para sa bata (ng YouTube), Hindi para sa bata, o Hindi nakatakda.
- Kung may nakalistang paghihigpit, puwede kang mag-hover dito para matuto pa at mag-request ng pagsusuri.
Tingnan ang mga paghihigpit sa iyong post
Para matingnan kung nakakaapekto ang mga paghihigpit sa iyong post:
- Mag-sign in sa YouTube Studio.
- Sa kaliwang menu, piliin ang Content.
- Sa tab na Mga Post, hanapin ang iyong post sa listahan at tingnan ang column na “Mga Paghihigpit.”
Kung may nakalistang paghihigpit, puwede kang mag-hover dito para matuto pa at mag-request ng pagsusuri.
Mga uri ng mga paghihigpit
Copyright
Kung mag-a-upload ka ng video na naglalaman ng content na pinoprotektahan ng copyright, puwedeng makatanggap ng claim sa Content ID o paglabag sa copyright ang iyong video.
Mga tuntunin at patakaran
Kung tinanggal, nilimitahan, o ginawang pribado ng YouTube ang iyong video o post dahil sa isyu sa mga tuntunin ng paggamit, makikita mo ang “Mga tuntunin ng paggamit” sa column na “Mga Paghihigpit.” Halimbawa, posible kang makakita ng isyu sa mga tuntunin ng paggamit kung:
- Naglalaman ang iyong video o post ng hindi naaangkop na content na lumalabag sa aming Mga Alituntunin ng Komunidad.
- Artipisyal mong pinataas ang iyong bilang ng panonood.
- Nilabag mo ang Mga Tuntunin ng Serbisyo ng YouTube.
- Mayroong isyu sa trademark sa iyong video o post.
- Nakatanggap kami ng legal na reklamo tungkol sa iyong video o post.
Mga paghihigpit sa edad
Kung hindi naaangkop ang iyong video para sa mga manonood na wala pang 18 taong gulang, posible itong ituring bilang content na pinaghihigpitan ayon sa edad.
Para sa bata
Kung nakatakda ang iyong content bilang para sa bata, paghihigpitan namin ang ilang partikular na feature para sumunod sa mga naaangkop na batas.
Kaangkupan ng ad
Kung kabilang ka sa Partner Program ng YouTube at natukoy ang iyong content bilang hindi naaangkop sa karamihan ng mga advertiser, posibleng magpatakbo ng limitado o walang ad ang video mo.