Ikiwa kwa zaidi ya miezi 6, umekuwa nje ya nchi ulikonunua uanachama wako wa YouTube Premium au YouTube Music Premium, YouTube inaweza kusimamisha uanachama wako.
Mwezi mmoja kabla ya mwisho wa kipindi cha miezi 6, utajulishwa kuwa uanachama wako unaolipiwa utasimamishwa isipokuwa ukiingia katika akaunti ukiwa katika nchi hiyo tena. Baada ya miezi 6 ya kuwa nje ya nchi, YouTube itasimamisha kiotomatiki uanachama wako unaolipiwa na manufaa ya uanachama wako unaolipiwa hayatatumika tena.
Ikiwa wewe ni msimamizi wa mpango wa familia, washiriki walio kwenye mpango wako wa familia pia watapoteza manufaa yao ya uanachama unaolipiwa akaunti yako inaposimamishwa. Ikiwa wewe ni mtu binafsi kwenye mpango wa familia usiousimamia, uanachama wako uliosimamishwa hautaathiri washiriki wengine kwenye mpango huo wa familia.
Kuna machaguo kadhaa ya kudhibiti akaunti iliyosimamishwa:
- Rejea kwenye eneo la nyumbani kwako na uendelee na uanachama wako.
- Ghairi uanachama wako.
- Usichukue hatua yoyote: Ikiwa akaunti yako imesimamishwa na kusalia katika hali hiyo kwa miezi 6, tutaghairi uanachama wako unaolipiwa kwa niaba yako. Lakini huenda bado ukatozwa kwa uanachama wako katika kipindi hiki cha miezi 6 usipochukua hatua yoyote. Angalia maelezo hapa chini kuhusu jinsi malipo yako yatakavyoathiriwa.
Malipo katika akaunti zilizosimamishwa
Kulingana na jinsi ulivyojisajili kwenye uanachama unaolipiwa, huenda ukaendelea kutozwa kwa uanachama wako uliosimamishwa.
- Ikiwa unatozwa na Google, malipo yako ya kila mwezi yatasimamishwa kiotomatiki akaunti yako inaposimamishwa.
- Ikiwa unatozwa na Apple kwa uanachama wako unaolipiwa, utaendelea kutozwa kila mwezi. Lakini huwezi kufikia manufaa yako ya uanachama unaolipiwa hadi utakaporejea katika eneo lako la nyumbani. Unaweza kuendelea na uanachama wako kwa kurejea katika eneo lako la nyumbani au kuwasiliana na Apple ili kughairi. Sera ya Apple ya kurejesha pesa itatumika.